ဘုရင့် သည်းဦးပန်
အပိုင်း(11)"ဟယ်လို လိုင်းယ(န်) စကားလက် ပြန်ရောက်နေပြီ လေဆိပ်မှာ!"
လိုင်းယ(န်)သည် ဖုန်းကိုအိတ်ထောင်ထဲပြန်ထည့်လိုက်ကာ
"သည်းဦးပန် ကိုယ်သွားစရာပေါ်လာလို့ မင်းကို စာအုပ်ဆိုင်ပို့ပေးခဲ့ရမလား"
"ဟင် ...ကိုကို အရေးကြီးရင်သွားနှင့်လေ သည်း လွန်းပြည့်ကိုလိုက်ပို့ခိုင်းလိုက်မယ် "
လိုင်းယ(န်)လည်းကားသော့ကိုကောက်ကိုင်ပြီး မတ်တပ်ရပ်လိုက်သဖြင့် သည်းသည်အလျင်စလိုဖြစ်နေသည့် ကိုကို့မျက်နှာကိုမော့ကြည့်ရင်းပြောလိုက်သည်။ ထိုအခါ လွန်းပြည့်ကလည်း
"ရပါတယ် ကျွန်မလိုက်ပို့လိုက်မယ်လေ သည်းကို!"
"ဒါဆို ကိုယ်စိတ်ချမယ်နော် မင်းမှာ ဘာကိစ္စပဲရှိရှိ ကိုယ့်ကိုဖုန်းဆက် ဘာပဲဖြစ်ဖြစ်နော် ချက်ချင်းကိုယ့်ကိုဆက်သွယ် "
ရုတ်တရက် စိတ်ပူစွာမှာကြားနေပြန်တဲ့ ရိုင်ယန်လိုင်းယ(န်)က ကိုကိုရော ဟုတ်ရဲ့လား။
"ဟုတ် ဟုတ် သည်း ဆက်လိုက်ပါ့မယ်"
လိုင်းယ(န်)သည် ကားဆီသို့ခပ်သွက်သွက်ထွက်သွားလေလျှင်
"နင့် ကိုကိုက ဘာဖြစ်လို့လဲ "
"မသိဘူးလေ အရေးကြီးတဲ့ဖုန်းဆက်လို့နေမှာပေါ့ !"
"စိတ်ပူပြနေလိုက်တာ နင်ပြောတော့ ကိုကိုက သိပ်ရက်စက်တယ်ဆို မနေ့ကတောင် ငါ့ကို ငိုပြနေသေးတယ် ၁၅ရက်လောက်စကားမပြောဘူးတဲ့ အပိုတွေ "
လွန်းပြည့်က မျက်နှာကိုမဲ့ကာရွဲ့ကာ ပြောလိုက်သည့်အခါ
"ဟယ် တကယ်ပါဟယ် အခုမှဘာဖြစ်လို့ ငါ့ကိုဂရုစိုက်နေပြန်တယ်မသိ!"
"ကဲ ကဲ ထ သွားစို့ နင် အလုပ်သွားရဦးမယ်ဆို"
"အင်း အဲ့...ငါဆိုင်ကယ်မပါဘူး ညနေဘယ်လိုပြန်ရပါ့!"
"ချစ်လှစွာသောကိုကို့ကိုလာကြိုခိုင်းလိုက်ပေါ့"
"နင်နော် !"
ကိုကိုတကယ်များ လာကြိုမလားမသိဘူး
ကိုယ့်အတွေးနဲ့ကိုယ် ပြုံးလိုက်မိရင်း
လွန်းပြည့် ဆိုင်ကယ်နောက်ကနေထိုင်လိုက်လာခဲ့ပါသည်။
YOU ARE READING
ဘုရင့် သည်းဦးပန် (Completed) OC
Fantasyမင်းပြန်လည်ရှင်သန်လာဖို့ ငါဘယ်လောက်တောင် စောင့်ခဲ့ရသလဲ မင်းရဲ့မာယာတွေကြောင့် ဖြစ်လာတဲ့ ကျိန်စာကို ဖြေဖျောက်ဖို့ မင်းရဲ့ ရှင်သန်ခြင်းလိုအပ်တယ် မင်းဘယ်သူ့အတွက်ပဲရှင်သန်ခဲ့ရှင်သန်ခဲ့ အခုကစပြီး မင်းရဲ့ဆံချည်တစ်မျှင်ကစ မင်းရဲ့စိတ်နဲ့ခန္ဓာ မင်းရဲ့နှလုံ...