မှော်ဆေးဧကရာဇ် ၊ သိုင်းနတ်ဘုရား ချင်းမင်
စာစဉ် - 4
အပိုင်း - 80
" ချင်းမိသားစုက အကြီးအကဲတွေ ထွက်လာပြီး ရန်သူကို တိုက်ခိုက်ကြ..."
ချင်းယွမ်နှင့် အကြီးအကဲချင်တို့မှာ အနက်ဝတ် ရန်သူ ၂ ယောက်၏ တိုက်ခိုက်မှုများကို တားဆီးလိုက်ပြီးနောက် ချက်ချင်းဆိုသလို အမိန့်ပေးလိုက်သည်။
အစောပိုင်းက ချင်းယွမ်က ချင်းမိသားစုများအား နောက်ပြန်ဆုတ်ရန် အမိန့်ပေးခဲ့ခြင်းမှာ မလိုလားအပ်သည့် ပျက်စီးဆုံးရှုံးမှုများ ဖြစ်လာမည် စိုးသောကြောင့် ဖြစ်လေသည်။
သို့သော် ယခုတွင်တော့ မတူတော့ချေ။ အနက်ဝတ် ရန်သူ ၂ ယောက်နှင့် တိုက်ခိုက်လိုက်စဉ်တွင် သူတို့က အောက်စည်းသို့ ရောက်ရှိသွားကြောင်း ချင်းယွမ် ခံစားမိလိုက်၏။ ထို့ကြောင့် ယခုအချိန်တွင် သူတို့အတွက် ရနိုင်သမျှ ခွန်အားအနည်းငယ်ကပင် အလွန်အဖိုးတန်နေချေပြီ။
ထို့အပြင် ဤရန်သူ ၂ ယောက်က သူတို့ ချင်းမိသားစုအား အန္တရာယ်ပေးရန် ရည်ရွယ်ချက်ရှိထားဟန် မတူချေ။ ထို့ကြောင့် ချင်းယွမ်က ချင်းမိသားစုဖက်မှ အကြီးအကဲများကို ခေါ်ထုတ်လိုက်ခြင်း ဖြစ်လေသည်။
အကြီးအကဲများကလည်း ချင်းယွမ်၏ အမိန့်ကို စောင့်ဆိုင်းနေကြသည်ဖြစ်ရာ အမိန့်ပေးလိုက်သည်နှင့် ချက်ချင်းပင် လက်နက်များ ထုတ်၍ တိုက်ပွဲအတွင်းသို့ ဝင်ရောက်လာကြသည်။ ၎င်းတို့၏ ပစ်မှတ်ကား မိသားစုတွင်းသို့ ကျူးကျော်ဝင်ရောက်လာသည့် အနက်ဝတ် ရန်သူ ၂ ဦး ဆီသို့။
ထိုအခါ မူလက အနက်ဝတ်ရန်သူ ၂ ဦး၏ နှစ်ယောက်တွဲ ဖွဲ့စည်းထားသော အချိတ်အဆက်က ရုတ်ခြည်း ပျက်စီးသွားတော့သည်။ ထိုလူနှစ်ယောက်က မူလကတည်းက အကြီးအကဲချင်အား ရင်ဆိုင်ရန် ပူးပေါင်းတိုက်ခိုက်ခဲ့ကြသည်ဖြစ်ရာ ယခုတွင် သူတို့ ၂ ယောက်၏ ပူးပေါင်းတိုက်ကွက်မှာလည်း ပျက်စီးသွားပေပြီ။
အကြီးအကဲချင်က မည်သူနည်း။ သိုင်းဘုရင်အဆင့် ပညာရှင် ဖြစ်လေသည်။ ထို့ကြောင့် ချင်းမိသားစုဖက်မှ အကြီးအကဲများ ဝင်ရောက်တိုက်ခိုက်လိုက်သည့် မျက်စိတစ်မှိတ်အချိန်အတွင်း တိုက်ပွဲအခြေအနေအား ပြောင်းလဲပစ်နိုင်ခဲ့သည်။
ESTÁS LEYENDO
Book-1 (မှော်ဆေးဧကရာဇ်၊ သိုင်းနတ်ဘုရား ချင်းမင်)
Ficción históricaကိုယ်တိုင်ရေးမဟုတ်ပါ။ ဖတ်ချင်လို့saveထားတာပါ။ မှော်ဆေးဧကရာဇ် ၊ သိုင်းနတ်ဘုရား ချင်းမင် ချင်းမင်သည် ဆေးနတ်ဘုရားအဆင့်သို့တက်လှမ်းနေစဉ် အယုံကြည်ရဆုံး မိန်းမတစ်ယောက်၏ လုပ်ကြံမှုကြောင့် ကျရှုံးသွားခဲ့ပြီး သူ၏ ဝိညာဉ်မှာ အချိန်ခရီးနောက်ပြန်သွားခဲ့ကာ ဆယ်ကျ...