Uni
၁၁လပိုင်းအအေးဓာတ်ကတစိမ့်စိမ့်အေးလှသည်..။
မနက်အစော လေ့ကျင့်ခန်းအနေဖြင့်အိမ်ရှေ့ကနေ မနော်ဟရီပန်းခြံထိပြေးနေကျမို့ အားကစားဝတ်စုံဝတ်ကာ ကဲကဲထွက်လာခဲ့၏..။
တပတ်လည်ပြေးပြီးပြန်ရောက်တော့အချိန်ကစောသေးသည်မို့ မနက်စာကိုတစ်ယောက်တည်းသာစားရ၏..။
ပါးနဲ့မားကလည်း လမ်းလျှောက်ထွက်သွားတာပြန်မလာသေးသလိုမမကြီးကလည်း သူ့အခန်းထဲမှာ Workoutလုပ်ပြီးလို့ ရေချိူးနေလိမ့်မည်..။
၁၁လပိုင်း၁၁ရက်ဖြစ်သော ဒီနေ့က မမကြီး၏မွေးနေ့..။
ကဲကဲမွေးနေ့ကတော့ ၁၂လပိုင်း ၂၅ရက် မို့ခရစ္စမက်နေ့မှာလူဖြစ်ခဲ့သူလေး..။
ထို့ကြောင့်နောက်လ၁၅ရက်နေ့ဆိုရင် ကဲအသက်၂၆ပြည့်တော့မည်..။
အဲ့တော့ လင်ယူရမယ့်အရွယ်ရောက်လေပြီ..။
အသက်၂၅ကျော်လို့မှလင်တစ်ယောက်တောင်ရအောင်မယူနိုင်ရင် ကိုယ့်ကိုကိုယ် လင်မရှိလူတန်းစား...လင်မရလူတန်းစားလို့တွေးပြီးအားငယ်သင့်၏..။
အခုထိမရတဲ့သူတွေအားငယ်ဖို့လိုနေပြီဆိုတာပြောပြတာပါ..အဟင်း...။
မမကြီးက ပါရဂူဘွဲ့ယူဖို့ကျောင်းသွားတက်ရာကလည်း ပြန်ရောက်လာပြီမို့ ဒီနေ့ည မိသားစုတွေအတူတူဆုံကာစားသောက်ကြမည်..။
ထို့အပြင် ကဲ မသိလိုက်ရသောဘယ်ချိန်ကတည်းကရသွားသည့် မမကြီး၏ချစ်သူပါခေါ်လာမည်ဆိုသည်ကြောင့် ကဲကဲပျော်နေမိ၏..။
မမကြီးအသက်ကမငယ်တော့..။ဒီနေ့ပဲ ၃၁နှစ်ပြည့်ပြီမဟုတ်လား..။
ကျောင်းတက်ရင်းသာ အချိန်ကုန်နေသောမမက ချစ်သူခေါ်လာမည်ဆိုတော့ ကဲမှာ အံ့သြနေရသေးသည်..။
စားပွဲသောက်ပွဲအတွက်လိုအပ်တာတွေဝယ်ဖို့ ကိုယ်တိုင်ကားမောင်းပြီး ထွက်လာခဲ့၏...။
ကိုကိုက လိုက်ပို့မယ်ပြောပေမယ့်အလုပ်မအားတာသိသည်မို့ ရုံးတက်ဖို့သာချော့မော့ကာလွှတ်လိုက်ရသည်..။
ကိုယ်တွေကလင်ရှိလူတန်းစားဆိုတော့ချော့စရာလင်ရှိသည်လေ...ဟင်း..ဟင်း...။
YOU ARE READING
ငယ်ချစ်တည်စေM-preg(Completed)
Romanceဇွတ်အတင်း အဖြောင့်ဟု အော်နေသော ဦးတည်(ခေါ်)ကမ္ဘာတည်စေ ချစ်ရသူ...ချစ်ဦးသူကို ချစ်ခွင့်ရရုံ ငေးကြည့်နေရုံသာ ကျေနပ်နေသော ကဲကဲ(ခေါ်)ငယ်ချစ်ကဲပို မကြွေရဲ့ ၆ပုဒ်မြောက်fic
