My Love From The Past (Completed)

CHAPTER 10

Isinukbit ko na ang bag ko sa aking balikat.

"Dash, saan ka pupunta?" Biglaang tanong ni Kieper. Nakatingin silang tatlo sa'kin lalo na si Den.

"Pinatawag ako ni Lily, kita na lang tayo mamaya." Saad ko at kumaripas ng takbo palabas. Gusto ko lang makatakas.

Kumalma ka lang puso.

Dumeritso na ako sa drama club. Ilang classroom lang ang pagitan nito sa swimming club kaya hindi na ako mahihirapan pang maglakad.

Kumatok muna ako sa pintuan ng club nila.

"Sino sila?"

"Nandiyan ba si Lily?" Tanong ko sa lalaking nagbukas ng pinto.

"Come in." Nilakihan nito ang siwang ng pintuan. Aakalain mo sa labas maliit lang ang space nito pero pag nakapasok ka na sa loob malaki pala may sarili rin silang stage.

"Nandito ka na rin." Pagod na humawak sa balikat ko si Lily.

"Ayos ka lang ba?" Tanong ko sa kanya.

"Ayos lang ako." Inalalayan ko siyang umupo sa bakanteng upuan.

"Ang dami mo sigurong role kaya napagod ka." Sabi ko sa kanya.
"Ano bang role mo?"

"Ang sakit nga ng likod ko." Reklamo niya.

"Anong role mo?" Pag-uulit ko. Nanakit rin ang paa ko sa kakalakad- takbo na ginawa ko.

"Bato." Laglag ang panga ko dahil sa sinabi niya. Bato?

••

Nakaupo lang ako sa gilid habang pinagmamasdan ang puntod ni mama at papa. Ilang araw matapos ang insidente pinadali namin ang paglilibing sa kanilang dalawa. Hanggang ngayon hindi ko pa rin nalalaman kung sino ang may gawa nito. Wala ring ibang nakakita sa pagsalakay ng mga yun.

"Halika na, Amaica." Tawag sa'kin ni ate.  Tumayo ako at pinagpag ang aking sarili. Ilang araw na rin hindi nakakapasok. Hindi ko man lang nakausap si Laurie at si Korn lalo na si Kai.

"Papasok ka na bukas." Tumango ako sa sinabi niya.
Kamakailan lang napapansin ko na si ate na ngumingiti pero bakit ako hindi ko magawa? Hindi gano'n kadaling tanggapin ang pagkawala nilang dalawa.

Napatigil kami sa paglalakad ng may sasakyang nakaparada sa tapat ng aming bahay. Ito yung sasakyan na pumarada nong gabi ng pamamaril sa'min. Una akong naglakad para harapin sila.

Tandang-tanda ko pa nong araw na yun. Kung paano sila walang tigil na nagpapaputok ng kanilang mga baril.

"Hindi ba't kayo ang namaril sa bahay namin?!" Hindi ko napigilan ang aking galit.

Hindi ako nito sinagot subalit may matandang lalaki ang lumabas mula sa sasakyan. Kaeadad lang ito ni papa.

"Amaica!" Sigaw ni ate  at hinila ako sa kanyang tabi.

Tinitigan ako ng matandang lalaki mula ulo hanggang paa.

"Anong gingawa niyo dito?!" Galit na singhal ni ate sa kanila.

"Ikaw ba si Amaica?" Paano niya nalaman ang pangalan ko?

"Hindi na iyon mahalaga. Gusto kong sabihin sayo na layuan mo si Kai Suarez." Anong kinalaman ni Kai dito?

"Bakit? Paano niyo nakilala si Kai?"

"Wag ka ng maraming tanong hija, kung ayaw mong mapahamak." Saad niya at pinakita pa ang baril na nasa kanyang bewang.

"Umalis na kayo!" Singhal sa kanila ni ate.

Paano nila nakilala si Kai?

••

Wala sa sariling napadilat ako ng aking mga mata.

"Hay, juskong babae ka! Pinag-alala mo'ko." Nag-aalalang saad ni Lily.

I have no idea of what happened.

"Nahimatay ka." Inayos ko ang aking upo. Nakahiga kasi ako sa kanyang hita habang pinapaypayan. Habang tumatagal mas lalong naging malala ang panaginip ko.

"Ayos ka na ba?" I smiled at her. Concern pala sa'kin ang kaibigan kong 'to.

"I'm fine." Paninigurado ko sa kanya.

"Tara na. Puntahan na na'tin si Kieper. Kanina pa tapos ang practice namin."

"Let's go."

Lumabas kaming dalawa sa drama club. Hindi ko alam kung anong dahilan kung bakit ako nahimatay.

"Hey, cous." Inalis ko ang mabigat na kamay na nakapatong sa aking balikat.

"What the heck are you doing here, Piccolo?"

"Tsk, binibisita ka. Alam mo bang miss ka na ni lolo?"

"Hindi muna siya babiyahe ngayon." Saad ni Lily na patuloy parin akong pinapaypayan.

"Why?" Nakataas na kilay na tanong niya kay Lily.

"Nahimatay 'to kanina."

"Really, cous?"

"Stop that, Nico. Para kang bakla." Saway ko sa kanya nang ipatong niya ang kanyang palad sa aking noo.
Wala naman akong lagnat sadyang nahimatay lang ako nang walang dahilan.

"That's why you're pale." Hinawakan ni Nico ang mukha ko.

"Dash." Hindi na pala namin kailangan pumunta ng swimming club kasi kalalabas lang rin nila Kieper.

Dumungaw ako sa likuran ni Kieper nakasunod sa likuran niya si Den.

"Nandito ka na rin. Kain muna tayo baka mag-sleeping beauty na naman itong si Dash." Mahina kong siniko si Lily. Ang daldal talaga ng babaeng 'to. Walang preno ang bibig. Sayang at wala akong dalang tape na ipandidikit sa bibig niya.

"Why? What happened?"

"W-Wala-"

"Ito kasi ang nangyari. Kanina pumunta siya ng drama club tapos bigla na lang siyang nakatulala tapos umiiyak. Tinatawag ang pangalan ng lalaki. Kao, ba yun?" Nilagay niya pa ang kanyang hintuturo sa kanyang sentido.
"Hindi naman yun english ng baka."
"Aha! Kai. Yun, yun!" Napapikit na lang ako dahil sa lakas ng boses.

"Who's Kai?"
"May kakilala ka bang Kai, Dash?" Sunod-sunod na tanong ni Piccolo.

"Wala. Tara na gutom na ako." Una akong naglakad papuntang canteen. Walang preno ang bibig ni Lily.

Pero totoo bang binanggit ko ang pangalang Kai? I don't remember anything.

"Dash." I stopped walking without looking at him.

Nakatalikod parin ako sa kanya.

"Who's Kai?" Heto na naman ang puso ko. Bumilis na naman ito sa pagtibok.

"H-Hindi ko siya kilala."

"Hindi ba talaga?" Pumihit ako paharap sa kanya. Bakit ganon na lang siya makapagtanong sa'kin?

"Bakit? Kilala mo ba ang Kai na tinutukoy ni Lily kanina, Den?" Naningkit ang mga mata kong napatingin sa kanya. Posible ring may tinatago siya.

Yung pakiramdam na ngayon mulang siya nakilala pero parang nagkita na kayo sa nakaraan.