"အဲ့တာ ကျွန်တော့်အစ်ကိုကြီးရဲ့ ယောက်ကျားလေ။သူတို့လက်ထပ်ထားတာမကြာသေးဘူး"
"အော် အဲ့လိုလား?ကောင်လေးကြည့်ရတာ အရမ်းငယ်တယ်နော်"
"အင်း သူက အရမ်းငယ်သေးတယ်၊အစ်ကိုကြီးရဲ့ သားနဲ့ရွယ်တူပဲလေ"
"အိုးးး သူတို့တွေဘယ်လိုတွေ့ဖြစ်ပြီး လက်ထပ်သွားကြတာလဲ?"
ဘရက်ဒလီ အံ့သြချင်ယောင်ဆောင်ပြီးထပ်မေးလိုက်တယ်။
"ဒါတော့ ကျွန်တော်လဲ မသိဘူး။ကျွန်တော်တို့ အစ်ကိုကြီးက ရုတ်တကြီး သူ လက်ထပ်တော့မယ်ဆိုပြီးကြေငြာတယ်လေ၊ပြီးတော့လဲ သူလက်ထပ်မှာက သူ့သားရဲ့ရည်းစားဟောင်းနဲ့တဲ့"
"သူ့သားရဲ့ရည်းစားဟောင်း????ဘယ်လိုဖြစ်နိူင်မှာလဲ?"
ဒီတစ်ခါတော့ ဘရက်ဒလီ တကယ်အံ့သြနေပြီ။
"လာ..လာ..လာ..အထဲရောက်မှ ဆက်ပြောကြတာပေါ့"
..... ............ ......
သိပ်မကြာခင်မှာ ပြည်ပပြိုင်ပွဲကျင်းပမယ့်နေ့ရက်တွေကိုရောက်လာခဲ့ပြီ။အချိန်ဇယားတွေကို အတတ်နိူင်ဆုံးညှိပြီး မုန့်ရန်နဲ့ အတူလိုက်ပေးမယ်လို့ လော်ရှို့ ကတိပေးထားပေမယ့် ဘယ်လိုမှ ညှိမရတဲ့ အချိန်ဇယားတွေကြောင့် မုန့်ရန်နောက်ကို နှစ်ရက်လောက်နောက်ကျပြီးမှပဲလိုက်နိုင်တော့မယ်။မုန့်ရန်တို့အဖွဲ့ကလဲ ရောက်ရောက်ချင်းပြိုင်ပွဲဝင်ရမှာမဟုတ်သေးတဲ့အတွက် လော်ရှို့ နှစ်ရက်လောက် နောက်ကျတာ ဘာမှမဖြစ်ဘူးလေ။
"အလုပ်တွေပြီးတာနဲ့ ကျွန်တော့်ဆီချက်ချင်းလိုက်လာရမယ်နော်၊ကျွန်တော့် ပြိုင်ပွဲကို လွတ်သွားလို့မဖြစ်ဘူးနော်။ ဟုတ်ပြီလား"
မုန့်ရန်က လော်ရှို့ ရဲ့ခါးကိုဖက်ထားပြီး တတွတ်တွတ်နဲ့မှာနေတယ်။
"မပူနဲ့နော်၊ကိုယ် မင်းရဲ့ပြိုင်ပွဲကိုအလွတ်မခံပါဘူး"
မုန့်ရန်တို့ နိုင်ငံခြားကို ရောက်ပြီးတာတောင်မှ ပြိုင်ပွဲစဖို့ လေးငါးရက်အချိန်ရသေးတယ်လေ။အဲ့တော့ လော်ရှို့မှာလဲ အချိန်ရပါသေးတယ်။
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...
Chapter (33)
Start from the beginning