ရှုရှုက ဤနေရာမှာ သူနေဖူးသော ကမ္ဘာမြေကြီးနှင့် ကွာခြားကြောင်းတွေ့လိုက်ရကတည်းက အနည်းငယ်စိတ်မအီမသာဖြစ်ရ၏။ ယခုလည်း တီဗွီဆက်မကြည့်လိုတော့၍ သူ၏တပည့်အား သင်ကြားပြသရန်သာပြင်လိုက်၏။
"အက်ဂါ...အခုရက်ပိုင်း အဆင်မပြေတာရှိလား"
"အွန်း...စွမ်းအားကို ဘယ်လိုသုံးရမလဲ ကိုယ်မသိတာ" အက်ဂါကဖြေလိုက်၏။
"ခင်ဗျားက စိတ်ဝိညာဥ်စွမ်းအားသုံးပုံကို မသိတာလား။ ပြဿနာမရှိဘူး....ကျွန်တော်သင်ပေးမှာပေါ့" ရှုရှုက သူ၏ကိုယ်ထဲမှ စွမ်းအားပိစိလေးအားညစ်ထုတ်ကာ လက်ထိပ်တွင်စုစည်းလာစေလိုက်၏။ "ကြည့်ထား...ဒီလိုမျိုးသုံးလို့ရတယ်" ယခင်က သူ့ကိုယ်ထဲစွမ်းအား မရှိသလောက်နည်းပါး၏။ ယခုတော့ အနည်းငယ်ရှိနေ၍ စွမ်းအားသုံးပုံအချို့ ပြပေးနိုင်ပေသည်။
အက်ဂါက သူ့အား အံ့သြတကြီးကြည့်နေသည်ကိုတွေ့လိုက်ရ၍ ရှုရှုက လက်ကိုဆန့်ထုတ်ကာ ဝေ့ယမ်းပြီး အေးမြသောလေအေးအချို့ဖန်တီးလိုက်၏။ "ဒီမှာကြည့် ဒီလိုမျိုးလဲ သုံးလို့ရတယ်" ရှုရှုသုံးနေကျဖြစ်သော နွေတွင်အေး၍၊ ဆောင်းတွင်နွေးသော လေထုကို စိတ်ဝိညာဥ်စွမ်းအားဖြင့် ဖန်တီးပြလိုက်၏။
ရှုရှုက မွေးရာပါစွမ်းအားနှစ်ခုပုံစံဖြင့် လုပ်ပြနေသည်ကိုကြည့်ကာ အက်ဂါရှော့ခ်ရနေရှာသည်။ တစ်ချိန်တည်းမှာပင် ရှုရှုသုံးသွားသော စိတ်ဝိညာဥ်စွမ်းအားအတက်အကျကို ဂရုတစိုက်မှတ်သားနေ၏။
ဆိုတော့...စွမ်းအားကို ဒီလိုပုံစံလဲ သုံးရတာပဲလား။ အက်ဂါက ကုန်းမြေတစ်ခုရှာဖွေတွေ့ရှိသွားသလို ခံစားလိုက်ရ၏။
ရှုရှုက တစ်ခါပဲထုတ်ပြကာ ရပ်တန့်လိုက်၏။ ချောင်းဟန့်ရင်း ရှုရှုက အက်ဂါ့ကိုပြောလေသည်။ "စိတ်ဝိညာဥ်စွမ်းအားကို အဲ့လိုလဲသုံးလို့ရတယ်။ ခင်ဗျားသေသေချာချာမြင်လိုက်ရဲ့လား""ကိုယ်သေသေချာချာကို မြင်ပါတယ်"
"ခင်ဗျားက တကယ့်ကိုဉာဏ်ကောင်းတာပဲ။ တကယ်လို့ ခင်ဗျားကောင်းကောင်းမမြင်လိုက်ရင်တောင် ကျွန်တော်တစ်ခါပဲ ပြနိုင်မယ်။ ကျွန်တော်စွမ်းအားသုံးတဲ့ပုံစံကို လူတွေရှေ့ မပြချင်ဘူး" ရှုရှုက ပြောလိုက်၏။ သူက စွမ်းအားပြတ်လပ်နေ၍ အက်ဂါ့ကို တစ်ကြိမ်သာ ပြပေးနိုင်၏။ သို့မဟုတ်ပါက အက်ဂါ့အား အကြိမ်ကြိမ်လုပ်ပြချင်မိ၏။
ဟွန့်...စိတ်နှလုံးအတွင်းနတ်ဆိုးကို နိုင်မဲ့အချိန်ကို စောင့်ကြည့်နေလိုက်။ အဲ့အချိန်ကျ စိတ်ဝိညာဥ်စွမ်းအားတွ အများကြီးသုံးနိုင်လိမ့်မယ်။ အဲ့အချိန်ကျ အက်ဂါ့ကိုစွမ်းအားအမျိုးမျိုးသုံးပြပြီး သူဘယ်လောက်စွမ်းအားကြီးကြောင်းပြပစ်လိုက်ဦးမယ်။
ВИ ЧИТАЄТЕ
Love Between Serpent Beastman & Cuttie Hamster
ФентезіTitle- 天敌饲养指南 A Guide to Raising Your Natural Enemy Original Author- Jué Jué/决绝 English Translator....Lada's BL MTL MM-Translator...Imyour Hlaing Start date- 28.7.2021 End date - Both Zawgyi and Unicode available. (I do not own this story,I'm just...
🐍စိတ်ဝိညာဥ်စွမ်းအား၏ အသုံးဝင်မှုနှင့် အက်ဂါ၏စကေးကြမ်း🐍/စိတ္ဝိညာဥ္စြမ္းအား၏ အသ
Почніть із самого початку