Perfection [COMPLETED]

(၁၄)

' အဲ့တော့ Mary က လာမယ့် Friday မှာ ပြန်လာမယ်ပေါ့ '

အရင်လို ဦးအိပ်နေပြီအထင်နှင့် ဦးမျက်နှာကိုငေးကြည့်မည်ဟု အားခဲထားတဲ့ Baekhyun ရဲ့အကြံအစည်လေးက သဲထဲရေသွန်။

Mary ဆိုတာ ဦးရဲ့ရည်းစားဦးဖြစ်တဲ့ အချစ်ဦးဆိုတဲ့ အမျိုးသမီးမလား။

ချစ်တောင်မချစ်ပြရသေးခင်မှာ ဦးက တခြားတစ်ယောက်လက်ထဲ ပြန်ပါ့သွားမလားဟု တွေးလိုက်တိုင်း Baekhyun ရင်ထဲဆို့နစ်လာရသည်။

' အချိန်မရွေး လာခဲ့လို့ရတယ်နော်၊ warmly welcome ပဲ Mary '

ဒါ အိမ်ကိုလာလည်ဖို့ ဖိတ်နေတာ။ Baekhyun နားစွင့်နေရင်း ကောက်ချက်ချလိုက်၏။

' ဟား ... အဲ့လောက်တောင် ချစ်စရာကောင်းတာလား '

ဖုန်းပြောရင်း ရယ်နေသည့်ဦးကြောင့် Baekhyun မျက်နှာလေး မှောင်ကုပ်သွားရပြန်သည်။

ဦးက ဘာတွေကိုများ ဒီလောက်ရယ်နေရတာတုန်း။

ချစ်စရာကောင်းတယ်ဆိုတာကရော ဘယ်သူ့ကိုပြောနေတာလဲ။ လူတစ်ယောက်လုံးကို ရှေ့မှာထားပြီး ပေါ်တင်ကြူးပြနေတာပဲ။

ကိုယ်က သူ့ရဲ့တရားဝင်ခင်ပွန်းဆိုတာ ဦးမေ့နေတာများလား။

Park Chanyeol ကိုသိပ်ချစ်ပါတယ်လို့ ဖွင့်ပြောလိုက်သင့်လား။ တော်ကြာ ချစ်စကားပြောမှ ငြင်းခံရကာ ပိုဝေးသွားမည့်အဖြစ်မျိုးလည်း Baekhyun မလိုချင်။

' OK Mary ကိုယ် စောင့်နေမယ် see u later '

ကိုယ်ဆိုတဲ့ စကားအသုံးအနှုန်းကြောင့် လက်ထဲမှာကိုင်ထားတဲ့ ခဲတံကတင်းခနဲ။

နောက်မှပဲတွေ့တွေ့၊ အခုချက်ချင်းတွေ့တွေ့ သူတို့ကတွေ့ကြဦးမယ်ဆိုတဲ့သဘော။

ဖုန်းချလိုက်ပြီးတာတောင် ဦးက Baekhyun အနားကို မရောက်လာ။

ဦးကို မချစ်တော့ဘူး ... အများကြီး မုန်းပစ်လိုက်မှာ ... ယူ့စ်လက် (useless) ဟူးမန်းကြီး။

ကျောင်းစာအုပ်ရဲ့ ပထမဦးဆုံးစာမျက်နှာမှာ Baekhyun စာလုံးအကြီးကြီး ချရေးပစ်လိုက်သည်။

' မအိပ်သေးဘူးလား '

ကြည့် စကားပြောတာကအစ လာအိပ်တော့လို့မပြောဘဲ မအိပ်သေးဘူးလားတဲ့။