"လော်သခင်လေးရေ.."
ရှောင်ခယ် က လော်ဆန်းရဲ့ကားဆီကို လမ်းလျှောက်သွားပြီး ကားစက်ဖုံးကို လက်နဲ့ပုတ်လိုက်တယ်။
"မင်းရဲ့ကားအသစ်က မိုက်သားပဲ၊ငါလိုချင်တယ်"
"ကံကောင်းပြီးတစ်ခါလောက်နိုင်သွားရုံနဲ့ အရင်တုန်းကရှုံးထားတာတွေကိုမေ့ကုန်တာလား?စကားကြီးစကားကျယ်တွေစွတ်ပြောနေလို့ မင်းရဲ့လျှာအဆစ်လွဲသွားမှာမကြောက်ဘူးလား?"
လော်ဆန်း အေးစက်နေတဲ့မျက်နှာပေးနဲ့ရှောက်ခယ့်ကို ပြန်ပြောလိုက်တယ်။
ရှောင်ခယ်ကတော့ ခပ်ပြုံးပြုံးနဲ့ ပြန်ပြောတယ်။
"ကြီးကြီးကျယ်ကျယ်တွေပြောတော့ရောဘာဖြစ်လဲ။ကားတွေက်ိုလောင်းကြေးထပ်နေရတာ ပျင်းစရာကောင်းလာပြီကွ၊ ငါတို့ တခြားဟာနဲ့လောင်းကြေးထပ်ကြမလား?"
"မင်းဘာနဲ့ လောင်းကြေးထပ်ချင်လို့လဲ?"
လော်ဆန်း ရှောင်ခယ့်ကိုကြည့်ပြီးမေးလိုက်တယ်။
"ဘယ်သူပဲရှုံးရှုံး ဒီမှာရှိတဲ့ လူတိုင်းကို သောက်ဖို့ ဒကာခံရမယ်။အကယ်၍ငါရှုံးခဲ့ရင် အားလုံးရဲ့အရှေ့မှာ မင်းနဲ့ မင်းဘက်ကနေ လောင်းထားတဲ့သူတွေကို ငါဂုဏ်ပြုပေးမယ်။ပြီးတော့ ငါ့ထက်အများကြီးသာတဲ့ မင်းကိုစိန်ခေါ်မိတဲ့အတွက်ငါမှားပါတယ်ဆိုတာကို ငါကိုယ်တိုင် ဉီးညွတ်ပြီးတောင်းပန်မယ်။ အကယ်၍ မင်းရှုံးမယ််ဆိုရင် ငါနဲ့ငါ့အဖွဲ့သားတွေအပြင် ငါ့ဘက်ကလောင်းထားတဲ့သူတွေကို ဂုဏ်ပြုပေးရမယ်။ပြီးရင် မင်းရဲ့မောက်မာမှုတွေအတွက် ဉီးညွှတ်ပြီးတောင်းပန်လိုက်"
ဘေးနားမှာရှိတဲ့ သူတွေက ရှောင်ခယ်ရဲ့စကားကို ကြားတာနဲ့ တစ်ယောက်ကိုတစ်ယောက်လှမ်းကြည့်လိုက်ကြတယ်။ရှောင်ခယ့်ရဲ့ လောင်းကြေးက နည်းနည်းတရားလွန်နေတယ်လို့ မထင်မိဘူးလား?ချမ်းသာတဲ့ ဒုတိယမျိုးဆက်သခင်လေးတွေအတွက် ပိုက်ဆံဆိုတာ နည်းနည်းလောက်တောင်အရေးမပါပေမယ့် ဂုဏ်သိက္ခာကိုတော့ တန်ဖိုးထားကြတယ်။အနည်းဆုံးဒီမှာရှိတဲ့ လူတစ်ဝက်လောက်ရှေ့မှာသာ ဉီးညွှတ်ရမယ်ဆိုလို့ကတော့ လော်ဆန်းမျက်နှာ ဘယ်နေရာသွားထားရမလဲ?
YOU ARE READING
သူဌေးကြီး၏ဒုတိယမြောက်အိမ်ထောင်ဖက်
AdventureTitle....Second merriage of a wealthy old man မူရင်းအော်သာ....Tangerine Boat(Cannon folder cheat system ရေးတဲ့ အာသာပါ) မူရင်းက 86 ပိုင်းပါ Extra က 2ပိုင်းပါ complete ဖြစ်ပြီးသားပါရှင့် Readerလေးတစ်ယောက် Recommend ပေးလို့ Tran ကြည့်တာပါ ဖတ်ရှုဝေဖန်ပ...
Chapter (25)
Start from the beginning