နံနက်ခင်း၏ ရှေ့တော်ပြေး ရောင်နီများဖြာကျလာခြင်းနှင့်အတူ သက်ရှိလူသားများသည်လည်း တစ်နေ့တာကိုအစပြုဖို့ရန်အတွက် အသက်ဝင်နိုးကြားလာခဲ့ကြလေပြီ ။
ခမ်းနားထည်ဝါလှသော အဖြူရောင်စံအိမ်ကြီးတည်ရှိရာ
ခြံဝန်းကျယ်တစ်ဖက်တစ်ချက်တွင် အပြည့်စိုက်ထားသော နှင်းဆီပန်းခင်းလေးထဲတစ်ယောက်သောသူသည် ရေဖြန်းသည့်ပိုက်တစ်ချောင်းဖြင့်အလုပ်များလျက်ရှိနေလေသည် ။
သဘာဝအလျောက်ပွင့်လန်းနေသည့်နှင်းဆီနီနီတို့သည်အလွန်တရာမှ လှပနီစွေးနေသည့်အပြင် ရနံ့သင်းသင်းကလည်း သူ၏စိတ်အစဉ်ကို နူးညံ့ကြည်နူးမှုများပေးစွမ်းနိုင်လေသည် ။
ယောင်္ကျားလေးတစ်ယောက်က ပန်းမကြိုက်ရဘူးဆိုသည့် စကားကိုမည်သူကဆိုခဲ့လေသနည်း ။ လူတိုင်းကိုယ့်လွတ်လပ်ခွင့်နဲ့ကိုယ်ပဲလေ ။ အလှတရားကိုသက်ရှိတိုင်း ခံစားပိုင်ခွင့်အပြည့်ရှိသည်မဟုတ်ပါလား ။
သူသည် ခက်ထန်မာကျောသော ပေါင်းသင်းဆက်ဆံရခက်ခဲသော နူးညံ့မှုမရှိလေသော ပန်းတို့နှင့်ဆန့်ကျင်သည့် နှလုံးသား အကျင့်စရိုက်တို့ပိုင်ဆိုင်ထားသော်ငြား
နှင်းဆီနီနီတွေကို သူချစ်သည် ။ စွဲလန်းမြတ်နိုးသည် ။
နှင်းဆီတွေနည်းတူ အမြဲခက်ထန်နေတတ်သော သူ့နှလုံးသားကို နူးညံ့အောင်ဖန်တီးပေးလေသော လူတစ်ယောက်ကိုလည်း သူအတိုင်းအဆမရှိ မြတ်နိုးနှစ်သက်မိသည် ။
ထိုသူသည်ပင် ဤနှင်းဆီပန်းခင်းကြီးကို ခြံဝန်းထဲဆောင်ယူလာခဲ့ပေးခြင်းဖြစ်သည် ။
Taehyung ငယ်စဉ်ကတည်းက ရှိခဲ့ဖူးသည့် ထိုနှင်းဆီခင်းကြီးအတိုင်း Jung Kook သည်သူ့အတွက် နောက်တစ်ဖန်ပြန်လည်ဖန်တီးပေးခဲ့ခြင်းပင် ။
ပြီးခဲ့သည့်နှစ် Taehyung မွေးနေ့တုန်းက မွေးနေ့လက်ဆောင်စပရိုက်ဆိုပြီး နေ့ချင်းညချင်း ခြံဝင်းထဲရောက်လာသည့် ပန်းပင်တွေကြောင့် သူထိန်းထားသည့်ကြားက မျက်ရည်ကျခဲ့ရသည် ။
အဲဒီနေ့က " ငါမင်းကိုချစ်လိုက်တာ " ဆိုသည့်ရှားပါးစကားတစ်ခွန်းကို သူမျက်ရည်များကြား နောက်တစ်ဖန်ထပ်၍ပြောနေခဲ့မိသည် ။
YOU ARE READING
အမုန်းမြစ်ဖျားခံသော မြတ်နိုးခြင်းလင်္ကာ[Completed]
Fanfictionအမုန်း.... အတ္တ..... မာန......တွေအထပ်ထပ်နဲ့ချည်နှောင်ထားတဲ့ခင်ဗျားနဲ့ကျွန်တော် ချစ်မိတဲ့သူကအရှုံးပဲနော်....သခင် Zawgyi အမုန္း.. အတၱ..... မာန.........ေတြအထပ္ထပ္နဲ႔ခ်ည္ေႏွာင္ထားတဲ့ခင္ဗ်ားနဲ႔ကြၽန္ေတာ္ ...