𝐖𝐢𝐬𝐡𝐢𝐧𝐠 𝐎𝐧 𝐃𝐚𝐧𝐝𝐞𝐥𝐢𝐨𝐧𝐬 || KOOKMIN ( Completed )

စစ်သူကြီးဂျွန် နှင့် မင်ငယ်

" ကောင်းပါပြီဗျာ အမတ်ကြီးသိရင် စိတ်ဆိုးနေပါဦးမယ် "

စစ်သူကြီးဂျွန်သည် စစ်ထွက်ရာ၌သိပ်ကိုကျွမ်းကျင်ပြောင်မြောက်လှပြီး အရည်အချင်းရှိသူမို့ ရေမြေ့သခင်သာမက အမတ်ကြီးများကလည်း လက်ခုပ်မစဲအောင်ပင် သိပ်ကိုသဘောကျအားထားကြသည်။ သို့ပေမယ့် မင်ငယ်၏ဖခင်ကြီးဖြစ်ပါသော ဘုရင့်အတိုင်ပင်ခံအမတ်ကြီးကတော့ ပါဝင်မနေခဲ့ပါ။ စစ်ရေးအရသဘောကျသော်ငြားလည်း မင်ငယ်နှင့်ပတ်သတ်နေလို့ကို အမြင်ကပ်နေသည့်ပုံ။ ယောက်ျားချင်း‌သဘောကျတာကို သဘောမတူ၊ လက်သင့်မခံနိုင်သူမို့ ပိုဆိုးလှသည်။ ဘုရင်ကိုယ်တိုင်က နားချတာတောင်လက်သင့်မခံတာမို့ ဂျွန့်ခမျာလည်း ပူပန်နေရသည်။ သို့ပေမယ့်လည်း အမတ်ကြီးသည် သူ့သားမျက်နှာ တစ်ကမ္ဘာမို့ အပြတ်ငြင်းပစ်တာမျိုးတော့မလုပ်ပဲ အမြင်ကပ်ပုဒ်မနှင့် တစ်ခါတလေကလေးဆန်ဆန်ပညာပြတာမျိုးတော့ရှိတတ်သည်။

" လူကြီးဂျွန် ညနေထိနေရမှာနော်။ လူကြီးဂျွန်ကြိုက်တတ်တာလေးတွေ ချက်ခိုင်းလိုက်မယ် "

မင်ငယ်လေးအား ပွေ့ချီထားလျက်ပဲအိမ်တော်ထဲဝင်လာခဲ့တော့ အိမ်တော်ရဲ့အလုပ်သမားတွေကလည်း ပြုံးသဲ့သဲ့လေးတွေနဲ့ကြည့်ကြသည်။ မင်ငယ်ကတော့ ဂရုမစိုက်ပေမယ့် သူကတော့လူကြီးပီပီနည်းနည်းတော့ထူပူရှက်မိသည်။ မင်ငယ်က သူ့အကြောင်းသိရင် တမင်ကိုနမ်းပြတတ်သည်မို့ ရှက်ပုံလည်းမပြရဲ။ မင်ငယ်သည် သူ့၏ဖခင်နဲ့ရော မိခင်နဲ့ပါမတူပဲ တစ်မူထူးနေပါသော အဆိုးအပေလေးပင်။

" လူကြီးဂျွန်ရေ လူကြီးဂျွန်ရဲ့ပေါင်ပေါ်ကို ခေါင်းအုံးအိပ်ပြီးမှ စာဖတ်ချင်မိတာ "

စကားတတ်လွန်းလှသော မင်ငယ်သည် ချက်ချင်းပဲ သူ့ပေါင်တစ်ဖက်ပေါ်သို့ခေါင်းမှီချရင်း ဖတ်လက်စစာအုပ်လေးအား ဆက်လက်၍ဖတ်နေလေသည်။ သူသည်လည်း မင်ငယ်ပေးထားသော အချစ်စာအုပ်လေးအား ဖတ်နေရသည်။ " လူကြီးဂျွန်က နုနုယွယွတွေမလုပ်တတ်လို့ ရော့ ဖတ် " ဆိုပြီး လက်ထဲထည့်ပေးထားတာမို့ လူကြီးဖြစ်တဲ့ကိုယ်ကပဲ ကလေးစကားနားထောင်ပြီးထိုင်ဖတ်နေရခြင်း။