جريمة عشق 4 (ميراث العشق) بقلم/ مريم نصار.

صباح الخير.

اذيكم ياحبيباتي . عاملين ايه ؟ يارب تكونوا ف افضل حال..

انا عارفه انكم زعلانين منى. وحقكم طبعا.. لأن الانتظار صعب . وانا زيكم بالظبط بكرهه الانتظار.

ولكن ما يأخره ُ الله إلا لحكمة..

عايزه اقولكم . انتو لو متابعين ع الجروب كنتم عرفتو .

انا طبعا قولتلكم . انى مش هرجع غير بعد إثبات الملكيه.وفعلا انا ماشيه فيها . وكلها ايام إن شاء الله. وهاخد رقم الإيداع..

ولكن....!!!!

انا ف دوامه اكتر من اسبوع . حماتى تعبت فجاءه واتحولت ع المستشفى ف اسماعيليه.. والمستشفى. حولتها ع مستشفى ف مصر ف التجمع الخامس..

وكان عندها جلطه ع المخ.. وعندها انسداد ف الشرايين.  وده أدى إلى إن رجلها ورمت جدا وتجمع فيها صديد وميا.. ولازم تعمل عمليتين..
الاولى تسليك شرايين.. والتانيه تنضيف رجلها..
والحمد لله عملتها.. واتحجزت ف المستشفى من يومها..
وانا قولت إن شاء الله..هتفوق وهترجع كل حاجه لطبيعتها..!!
وانا نزلت كل ده ع الجروب . والاعضاء عارفين بكدا..

لكن سبحان الله العظيم..تعبت امبارح جدااا. وهبوط حاد. وقاله عندها ميكروب ف الدم . ولازم عنايه مركزه .

وللأسف الشديد..اتحجزت امبارح ف العنايه..والكل ف حالة حزن . وخصوصاً جوزي لانه الصغير والاقرب ليها . وقبل ما تكون حماتى هي خالتى وامي التانيه.. نسأل الله العظيم ليها الشفاء العاجل يارب..

وانا صدقوني غصب عني والله العظيم..

انتو كمان اكيد بتكونو ناويين ومقررين ع حجات كتير تعملوها.. وفجاءه يحصل العكس تماماً..

انا عارفه انكم بتحبو الروايه. وانا كمان يمكن بعشقها لانها فيها امنيات واحلام كتير بالنسبالى..وبتمنى انزل كل يوم فصلين.مش فصل واحد ..
لكن صدقا بالله التأخير مش بأيدي.. وانتو مش زنبكم حاجه . لأني عارفه إن الروايات بتهون عليكم كتير..

ف انا بعتذر . ومحرجه منكم. لانى مبحبش انى انزل كل شويه اعذار ومبررات..لتاخيري.. ولكن ده مرض وغصب عننا.ودي ظروف.. وعيله كبيره. ماينفعش اتجاهل كل ده واقعد اكتب . وخصوصاً انها خالتى واحنا المقربين ليها . وكمان لما ترجع إن شاء الله بالسلامه ياااارب . هي هتتحجز ف مستشفى الاسماعيليه.. وانا وجوزي بإذن الله مش هنسيبها.. ف كل ده اكيد مش هيبقى ف تركيز ١٪ انى اكتب كلمه ..

سامحوني رجاءا.. وكنت مفكره إن حد من أهل الجروب. هيبلغكم ف التعليقات.لكن حصل خير. وانا اهو بقولكم سامحوني . وإن شاء الله..اول ما ارجع . هنزلكم فصلين هديه .. وده وعد منى ليكم . إن قدر لينا الله البقاء..
اسألكم الدعاء فضلاً..
دمتم بخير وعافية يارب العالمين..ربنا يتم عليكم نعمة الاسلام والصحه والعافيه يارب العالمين..
اختكم ف الله..مريم نصار..