جريمة عشق 4 (ميراث العشق) بقلم/ مريم نصار.

اقتباس

هدية العيد . ويارب يعجبكم ..

انتظروني بداية من يوم الاثنين القادم إن شاء الله .

والمواعيد الثابته يوم السبت والاتنين والاربع . ف اى وقت ع مدار اليوم.

الحمد لله ع التمام
نسأل الله أن يجعلنا وإياكم
ممن صام فاتقى .. وقام فارتقى ..
ومن ينابيع الرحمة استقى..
تقبل الله منا ومنكم الصيام
والقيام وصالح الأعمال ..
🌙✨🌙🌙✨🌙

♥️عيدكم مبارك♥️
‏ وكل عام أنتم بخير

بسم الله نبدأ

طارق : بس يست چود . وبعدها بقى . العصابه كانت هتهرب .. لكن انا بقى ايه ؟ جريت وراهم زي الأسد . ومسكتهم ضرب وفين يوجعك .. وقبضت ع العصابه كلها .. وبعدها اترقيت لمقدم .. وسمونى الأسد ..

چود : بانبهار . الله جدع وشجاع يابابا طارق . طيب وجدو آدم بقى ؟ ميرو بتقول كان مقدم ف الشرطه وقوى وذكي جدا .

طارق : بتريقه آدم ذكي ؟ يابت آدم ده عمرو ما عمل حاجه غير لما يسالني الاول .. ايه رايك ياطارق نعمل ده؟ ايه رايك ياطارق نروح هنا ولا هنا ؟بصي مكنش يعرف يمشي اى خطوه من غير ما ياخد رأيي ...

رنا : هههههههههه .. حصل وع يدي هههههه . يخرابى عليك راجل ..

طارق : بغيظ . مالك ياوليه انتى ؟ انا يعنى كداب ؟ ولا يمكن بكدب ؟ قولى قولى قدام بنت ابنك .. نسوان نكد ..

رنا : شهقت . نسوان ؟ انت بتقول الالفاظ دي قدام بنت ابنك ياطارق ؟

چود : ماما رنا فكك م الحوار ده . فكسان ع الآخر ..

رنا : تنحت .. فكسان .!!؟ طيب يا چود . انا بقى مش هتكلم معاكي تانى غير لما تتعلمى ازاى تتكلمى كويس لأن كدا غلط ..

چود : بصت ل طارق ..

طارق : غمزلها . تصالحها وخلاص..

چود : بتمثيل اتمسكنت ... ايه ده انتى مخصمانى .. ده لا يمكن أبدا . وبعدين ياماما احنا بنهزر مع بعض . انا ف الشارع مبقولش كلمتين ع بعض ...

طارق : ايوه وانا شاهد ع كدا . چود حفيدتى ملاك وديع بره البيت ...

رنا : بغيظ . ملاك اه .. بأمارة زميلها الل فتحت راسه السنه الل فاتت .. دى بتاكل العيال ف المدرسه ...

چود : اله ما هو الل يستاهل .. شتمنى انا وصحباتى ..

رنا : وصحباتك . متكلموش ..انما انتى ؟ لأ ازاى لازم تربيه وتاكليه كمان ..

طارق : اله جرا ايه يارنا .. البت اتصرفت صح . اسمعى يابت ياچود . اى حد يكلمك تجيبى حقك ومتخافيش يابت . انتى من عيلة السيوفى فاهمه ياچودى ..

چود : بغمزه فاهمه ياقلب چودى ..

رنا : شهقت ..وغمضت عينيها بنفاذ صبر ..ارحمنى يارب . مش عارفه اربي احفادى .. كويس اوى إن فهد بعيد عنك ..