Sugar Daddyနှင့်ကျွန်တော် [မြန်မာဘာသာပြန်] [Completed]

၂၉ ။

တံခါးအပြင်ဘက်မှာရပ်နေတာက မုန့်ယန်နဲ့ယွီကျွင်းချန်ရဲ့ စီနီယာအစ်ကိုအစ်မတွေဖြစ်ပြီး ယွီကျွင်းချန်ကိုယ်တိုင်နဲ့ အချိန်ပိုင်း ပါပါရာဇီတစ်ချို့ဖြစ်တယ်။

လော့ရှန်းက လော့ရှိုးနဲ့မုန့်ယန်ရှေ့ ရှေ့ဒူးထောက်ပြီး မုန့်ယန်ကို "အဖေလေး"လို့ ခေါ်ခဲ့တယ်။ မုန့်ယန်ကိုယ်တိုင်တောင် အံ့သြသွားခဲ့တယ်။ မထင်မှတ်ထားစွာပဲ လော့ရှန်းလို စိတ်ဓာတ်ပိုင်ရှင်က သူ့အတွက် တကယ်ဒူးထောက်ခဲ့တာပဲ။ ထင်ထားတဲ့အတိုင်းပဲ ပိုက်ဆံရဲ့ ဆွဲဆောင်မှုက တကယ်အားပြင်းတယ်။

ယွီကျွင်းချန်က တံခါးအပြင်ရပ်ပြီး ထိတ်လန့်စိတ်ဖိစီးနေတယ်။ သူက လော့ရှန်းကို အတင်းအကြပ်နှိပ်စက်နေတဲ့ လူဆိုးကောင် မုန့်ယန်ကိုကြည့်နေရချိန် လော့ရှန်းကတော့ အရှက်ခွဲမှုကို သည်းခံနေရတယ်။

မုန့်ယန်က ခွက်ကိုမယူခင် တမင် စောင့်နေသေးပေမဲ့ သူကစောင့်နေသေးတယ်။.သူ ဒီရေနွေးကြမ်းခွက်ကို သောက်မှာမဟုတ်ဘူး။

မုန့်ယန်က သူ့ကိုကြည့်ပြီး ပြောလိုက်တယ်။
"မင်း ဒီရေနွေး​ကြမ်းခွက်ကိး နည်းနည်းနောက်ကျသွားပြီမို့ အခုမသောက်ချင်တော့ဘူး၊ ဒါပေမဲ့ မင်းကငါ့ကို အဖေလေးလို့ခေါ်မှတော့ လူကြီးတစ်ယောက်အနေနဲ့ သည်းခံရမှာပေါ့၊ မင်းကိုခွင့်လွှတ် မလွှတ်ကတော့ ဒီညငါစဥ်းစားပြီး မနက်ဖြန် အဖြေပေးမယ်လေ"

လော့ရှန်းက အသက်ပြင်းပြင်းရှူပြီး အံကြိတ်ကာ ဒေါသကိုမျိုသိပ်လိုက်ရတယ်။

"မင်းသွားလို့ရပြီ"

လော့ရှန်းကထပြီးလှည့်ထွက်သွားလေတယ်။ သူ တံခါးဆီရောက်ချိန် သူ့လမ်းကိုပိတ်နေတဲ့လူတွေကို တွန်းထိုးပြီး အလျင်အ​မြန်ထွက်သွားတယ်။

"အခုကမစောတော့ဘူး၊ ခင်ဗျားတို့အားလုံး ပြန်ပြီး အနားယူသင့်နေပြီ"
မုန့်ယန်က တံခါးဆီသွားကာ ပိတ်လိုက်တယ်။

လော့ရှန်းက လူတွေအများကြီးရှေ့ မုန့်ယန်ကိုဒူးထောက်ပြီး ရေနွေးကြမ်းကမ်းကာ အဖေလေးလို့ခေါ်ခဲ့ရတယ်။ မု့န်ယန်ရင်ထဲ အနည်းငယ်တော့ပျော်သွားပေမဲ့ အပြစ်ပေးမှုသေးသေးလေးက မလုံလောက်သေးဘူး။ မုန့်ယန်တစ်ယောက် ငွေအတွက် လော့ရှန်းဘယ်လောက်သည်းခံနိုင်မလဲ မြင်ချင်နေမိတယ်။