ထို့ကြောင့်ကင်မ်ထယ်က ထိုနေရာလေးကိုရောက်ရင်တော့ သူဌေးသားမျက်နှာဖုံးကြီးကိုလွှင့်ပစ်ကာ အရင်က ဆိုင်ကယ်နဲ့ပွယောင်းယောင်းကောင်လေးပြန်ဖြစ်သွားတတ်သည်။
" ကိုကို ကိုကို "
ကင်မ်ထယ် အောက်မှာထဲကတကျော်ကျော်အော်ခေါ်ကာ အပေါ်ထပ်သို့တက်လာသည်။
" ကိုကိုအခန်းထဲမှာ "
ကင်မ်ထယ်ဝင်သွားသောအခါ အခုမှ ရေချိုးခန်းထဲမှထွက်ခါစ အပေါ်ပိုင်းဗလာဖြင့် အောက်ပိုင်းကို တဘက်ပိုင်းသာပတ်ထားသော သူ့အဖြူရောင်လူသားလေးကိုတွေ့လိုက်ရသည်။
သူပေးထားသောနာမည်နှင့်လိုက်အောင် စွတ်စွတ်ဖြူနေသောပခုံးနှင့်ရင်ဘတ်အပေါ်သို့ ဆံပင်ရေစိုမှရေလေးများ တတောက်တောက်ကျနေပုံမှာ လှလွန်းလို့ကင်မ်ထယ်ငေးစိုက်ကြည့်နေမိသည်။
" ထယ် လာလေ "
" ရေချိုးတာထယ့်ကိုတောင်မစောင့်ဘူး "
" ထယ်နဲ့ဆိုရင် နှစ်ယောက်လုံးအအေးပတ်ကုန်မယ် "
" ဟုတ်လား ဘာလို့လဲ "
ကင်မ်ထယ်က ခပ်အီအီအသံလေးဖြင့် ယွန်းဂီဗိုက်ပေါ်တွင်လက်ချောင်းလေးတွေကိုလျှောက်ပြေးပွတ်သပ်လိုက်ရင်းက မေးလိုက်သည်။ ညို့ယူနေသောမျက်လုံးများထဲတွင် ကင်မ်ထယ့်အကြံအစည်တွေကို ယွန်းဂီမြင်လိုက်ရပါသည်။
" ကိုကိုတော့ဒီအချိန်ရေချိုးမိတာမှားပြီထင်တယ် "
" အခုမှ မှားပြီမရတော့ဘူး "
" အ..ထယ် "
ကင်မ်ထယ်က ယွန်းဂီကိုပွေ့ချီကာအိပ်ယာပေါ်ပစ်တင်လိုက်သည်။
" ကလေး အလုပ်မပင်ပန်းလာဘူးလား "
" ပင်ပန်းလာတယ်..ဒါပေမယ့် ကိုကိုကအရမ်းဆွဲဆောင်မှုကောင်းလွန်းနေတယ်လေကွာ "
" အဲ့တာကြောင့်မှားပြီလို့ "
" မမှားပါဘူး..တစ်နေကုန်ဘယ်လောက်လွမ်းနေရတယ်မှတ်လဲ "
ကင်မ်ထယ်ကယွန်းဂီရဲ့ဆံပင်ရေစိုကြားထဲကိုလက်ဖြင့်ထိုးဖွလိုက်ရင်း နဖူးလေးကိုနမ်းလိုက်သည်။
YOU ARE READING
My Sweetest Caffeine
Romance💜 Taegi နဲ့ Jikook ဇာတ်လမ်းလေးပါ 💜 **Unicode+Zawgyi** From 27th June, 2021 to 4th Aug, 2021 ~
Part : 44 ☕
Start from the beginning
