لمياء ياسر(فيلافا💙🦋).
تالين💙🦋.
يوم الجمعه العصر.
تالين قاعده لحالها ومعارفه تعمل شنو،، زهجانه لابعد حد،، فكرت تطلع الحديقه عسي انو مودها يتغير شويه. ف بقت تنادي ع سيلين مف جواب ابدا،، كانت عايزه تنادي مريم لكين سكتت لانها بقت حاسه انو مريم م طايقه وجودها ابدا،، اخر امل بقت تنادي ع سوزان.
انا سوزان كانت سرحانه بتفكر ف الماضي،، الماضي اللي م قادره تنساهو ابدا،، تنساهو كيف؟ هي فقدت قطعه منها (قصتها حنحكيها لكين صبر).
المهم سمعت تالين بتنادي عليها استغفرت واتافافت ومشت لي تالين وقالت: ايوه جيت.
تالين: عليك الله ي ماما سوزان وديني الحديقه انا مخنوقه وزهجانه خليني اشم شويه هوا.
سوزان كلمه ماما حركت فيها مشاعر لكين سرعان م اتناستها وقالت بكل زهج: طيب قومي يلا.
تالين حست بي زهجها وقالت بكل اسئ:معليش ي ماما سوزان عارفه اني بتعبك،،، لكين م بيدي الحاجه دي،، وربنا يرسع اجرك زي م بتساعديني💙🦋.
سوزان خجلت من نفسها يعني كيف انا الكبيرة العاقله عايزه احسد بت هي م ليها زنب؟ وهي بكل بساطه بتقول الكلام ده ف حين انو كان هي اللي تتزهج وتتنرفز فيني م انا ربنا يسامحني ف كل مره فكرت فيها ب اني أأذي البت دي.
سوزان قالت بحنيه: تعالي ي بتي وانا اللي مفروض اقول ليك معليش م انتي.
وساقتها نزلتها للحديقه. الحديقه كانت عباره عن زهور مزروعه فكل جهه وكل الالوان موجوده ونافورة ف النص صغيره نوعا ما العصافير حايمه بجنبها،، ع الشمال ف قفص طيور فيهو طيور بكل الالوان وصوتههم يفتح النفس لي انك تقعد وتتفرج فيهم و ف شجر مزروع ع طول الحديقه فيهم ليمون وجوافه وبرتقال وهكذا💙🦋.
تالين قعدت ف واحد من الكراسي الخشبيه الموجوده،، سوزان قالت ليها: لو احتجتي لي حاجه ناديني حجيك فورا.
تالين قالت ليها: عندك شغل حاليا؟
سوزان: لا م عندي كان ف عده الغداء وغسلتها تاني مف شي.
تالين ابتسمت وقالت: طيب اقعدي معاي الفايده شنو اني انزل من غير اي حد يونسني؟
سوزان: بس
تالين قاطعتها وقالت: عليك الله ي ماما سوزان م تكسفيني،، وبعدين انا حاسه انك جواك ف حزن م عارفه يمكن انا م بشوف لكين بحس بالزول القدامي فيك شي ي خالتو؟
سوزان وكانها بس كانت منتظره اللحظه اللي عايزه زول يسالها ف عيونها اتملو دموع وقالت بصوت باكي وهي بتقعد جنبها: قبل سنتين كان كان عندي بت بعمرك اسمها اسمهان دي الوحيده اللي فضلت لي بعد عيلتي اللي اتقتلو💔.
تالين بحزن: ح حصل ليها شنو؟
سوزان اخدت نفس ورفعت راسها للسماء عشان توقف دموعها: ححكي ليك........(لها بقيه).
.................................
يزن💙🦋.
بعد م تم توقيع العقد اللي كان بمثابه حاجه مستحيله للعم جلال وكلو بفضل يزن وثقتو.
العم جلال قال وهو موجه نظرو ليزن: عبر لي ايفلين عن شكري وامتناني ليها اولا.
يزن قبل ع ايفلين وقال ليها بالتركي ( حقولو مترجم طوالي م بعرف تركي الا ساره بس😂).: السيد جلال يقول لك شكرا لكم ويعبر عن امتنانه لكم ونتشرف بهذا العقد معاكم.
ايفلين: لا شكر على واجب،، ونحن ايضا تشرفنا بذالك.
خالد: لاا انا لازم اتعلم تركي م ممكن كده.
يزن ضحك وقال: انصحك بالجد تتعلم تركي اولا لانو ظابط،، وثانيا اكيد حيكون ف عقود كتيره مع الاتراك ف معروف.
خالد: ان شاء الله.
العم جلال قال لي يزن: ي ود يزن قول لي ايفن ولا ايفلين ده شنو الاسم الم بتنطق ده🤣 المهم قول ليها انو حاجزين ليكم ع حسابنا ف الفندق وحنعمل ليكم حفله صغيره بمناسبة توقيع العقد وحيكون بكره المساء ان شاء الله.( هييي بكره شنو؟ بكره الصاروخ التائه حيقع دايرين تموتو وانتو ف حفله استغفر الله😆😆.)
المهم يزن قبل ع ايفلين وقال ليها بالتركي طبعا الكلام اللي قالو عم جلال ورحبت بالفكرة جدا. ودعتهح وتجهو نحو غرفهم.
اما يزن ف ودع العم جلال بعد م سمع ليهو كم دعوه حلوه منو.
