الحلقه الرابعه كتابة نبيله:
أي أمل تنتظرين يا صغيره ؟ ماذا انتي فاعله بخدك المبلل من الأسي وحزن مر عالقا في جوفك ، أين تظنين والداك الأن ؟ هما ليس بعيدين عنك قريبين جدا من ها هو ذا والدك يربت علي رأسك وأمك تعانقكك بشده ، نامي بعمق هذه الليلة ..💔
#_ تالين قضت ليلتها الأولي في بيت خالتها بصعوبة بتبكي وبتتنهد ولسه م قادره تستوعب كل الحاجات الحصلت بسرعه دي .. بس بعد طول تفكير وبكا نامت وهي بتتخيل ف امها وابوها 💕
# الصباح خالتها تلفونها ضرب ردت وكان الاتصال من المديرة (مدرسة تالين )
هدي : ده منو كمان من اصبحنا ... الو ؟
المديرة : السلام عليكم ، انتي خاله تالين هدي ؟
هدي : وعليكم السلام اي انا منو معي ؟
المديرة : انا مديرة المدرسه البتقرا فيها سمعنا بالحادث الحصل مع أمها وأبوها البركة فيكم ربنا يرحمهم يارب
هدي : البركة في امة محمد
المديرة : تالين كيف اكيد نفسيتها تعبانه ً.. المدرسة والقرايه يمكن يخففو عنها شويه وتنسيها لانو القعاد ساي بيخليها تفكر كتير وما حتتجاوز الموضوع بسهولة عشان كده لو تقترحي ليها تنزل المدرسة وتابع افضل الامتحانات علي الأبواب .. وعشان تقدر تجلس للامتحان لازم تدفع الرسوم الباقي عليها .
هدي : والله يا أستاذه م اظن تالين دي تاني تنزل المدرسة وشكرا ليك م قصرتي مع السلامة ( قفلت الخط لقت تالين واقفه )
تالين : خالتي هدي كيف م بنزل المدرسة تاني ؟! انا دايره اقرا 💔 أمي قالت لي أقري (بكت )
هدي : لو انتي كان بهمك كلام امك م كان عملتي العملتيه ده م تكذبي وتبكي أنتي بالك ما في القرايه بالك في مكان تاني بس أنا بقطع ليك عشمك ده
( تالين مسكت خالتها وبتبكي وخالتها بتحاول تفكها )
تالين : والله العظيم دايره اقرا خالتي انا م عندي زول غيرك عليك الله خليني أقرا عليك الله والله تاني م بعمل حاجه م ترضيك خالتي أعفي لي 💔
هدي : تالين كلامي واحد مدرسة وقرايه ليك ماف تقعدي غ البيت ده لمن تموتي والله يسترك تقعدي پأدبك ً.ً.. قومي سوي ليك حاجه تنفعك قومي غسلي هدوم يوسف وياسين ديل وادخلي علي المطبخ ده فيه عدة منتظراك وامسحي لي دموع التماسيح دي .
يوسف : خدامتنا الجديدة ههه
ياسين : عليك الله ظبطي ملابسي دي ف المكوة
يسرا : انتي اصلا شكلك ده غير خدامة شنو عليك الله ... اخيرا جا اليوم التخلي فيه دلعك يا تالين
#_ يزن ماشي في الشارع علي الشغل وبفكر
يزن : وبعدين يا يزن الدنيا دي ماشه توديك وين ؟ كل يوم الهموم بتزيد وبضيق بس ، يارب الفرج من عندك 💔
(جاه اتصال من اختو مرام )
يزن : نعم يا مرام ؟
مرام : يزن انت كويس صوتك مالو ؟
يزن : ماف حاجه يا مرام انا كويس طلعتي من الجامعه ولا لسه ؟
مرام : لا م طلعت لسه ، في شي عايزه اقولوا ليك طلع جدول الامتحانات بس القسط الاخير م دفعتو يمكن م اقدر امتحن
يزن : الامتحانات باقي عليها كم يوم ؟
مرام : الاسبوع الجاي
يزن : م تشيلي هم بتتسهل تمام انتي بس ارجعي البيت و اقري كويس اتفقنا ؟
مرام : حاضر
يزن : تمام
مرام : يزن
يزن : نعم ؟
مرام : ربنا يسهلها عليك
يزن : امين يارب
( يزن لمن وصل المصنع )
يزن : السلام عليكم اشرف كيفك
اشرف : تمام انت كيف ؟
يزن : تمام ، الحاج طلع ؟
اشرف : اي شويه بجي
يزن : طيب
اشرف : بس في زول قاعد منتظرو من قبيل
يزن : منو ؟
اشرف : سيد البيت يمكن
يزن : طيب انا حشوفو
( وبعد م مشي شافو وسلم عليه وقعد )
عبدالقادر : قاعد من قبيل مستني ابوك بس شكلوا مشا بعيد عموما انا حدخل ليك في الموضوع طوالي انا والله علي سفر عشان كده مضايق ف كل العايزو منكم حقي ويلهو ايجار البيت وعليكم فواتير انا سددتها وعايز حقها الكهرباء والموية
يزن : بس يا عمي ...
عبدالقادر : والله يا ابني انا لو م مضطر عارف ظرف ابوك الايام دي بس كمان انا في وضع م بسمح لي اجامل معاكم اسبوع حاولوا تتصرفو ً... يلا مع السلامه
يزن : دقيقة يا عمي عبدالقادر ً.... شكرا ليك انك مقدر ظروفنا بس انا عندي طلب م تكلم ابوي بحاجه وضعوا م بيتحمل ضغط ... وانا ان شاءالله ح حاول اسدد ليك في خلال الاسبوع
تتبع الحلقه الخامسه مع سارة...
