كتابة نبيله:
#_الدكتورة اتصلت بخالد وطلبت منو يجي خالد جا وجاب معاهو سيلين واهلهاا وبعد طلعت الفحوصات تبع تالين
خالد: اها يادكتورة طمنيناا
الدكتورة: المريضه صحت واخيرا
معتز: "والد سيلين" الحمدلله دا شي كويس وصحتها كيف
الدكتوه: لاسف عملنا فحص عام لتالين وفحصنا اعصاب العين وكانت مضرره بسبب الحادث وعندها مويه سوداء يؤسفني اقول ليكم انو تالين فقدت بصرها💔
سيلين قعدت تبكي ومعتز بس بقول لاحول ولا قوة الا بالله خالد بقا مصدوم وام سيلين بتهدي في بتهاا
معتز: طيب يا دكتورة مافي امل يعني
الدكتوره: نشوف بعد العلاجات وظهر ليها دم في الراس محتاجه لدكتور شاطر
معتز: ما عندكم دكتور بيقدر يقوم بالمهمه دي
الدكتوره: للاسف ما عندنا الا تسفروها برا ولازم تعرفو انو العمليه حتكلف مبلغ كبيير جداا
خالد: طيب بنقدر نشوفها؟
الدكتوره: اديناها مهدء بس تصحى حتشوفوها
#_همام مع صحبو مصطفى في عربيه بجهزو في البنات الحيتاجرو بيهم شكلو في زول بلغ عنهم لانو الشرطه كانت محاصره المكان قبل ما هم يصلو وصلو والمحل زي النادي كداا كانت شاحنه فتحو الباب وبقو ينزلو في البنات واحده ورا الثانيه
همام: مصطفى خلي بالك مافي واحده تهرب
مصطفى: مافي واحده حتقدر
فجاءه وهم بنزلو في البناات عربات الشرطه جات حاصرتهم ورفعو عليهم الاسلحه همام ومصطفى خافو ورفعو يدينهم باستسلااام الشرطه دخلت النادي وساقت كل الناس الموجوده وساقوهم في عربيه كبيره وطلعو على القسم
#_لميااء بعد سمعت كل الكلام داا حست انو يسرا لو دخلت بيتهم غير انها حتجيب ليهم المشاكل وتزعجهم ما حتعمل شي هي اذا قلبها رضى في بت خالتها نحنا الغرباء حتعمل فينا شنوو طوالي لميااء قررت انها تحكي لامها كل الكلاام العرفتو عن يسرا واهلها ومستحيلل تخلي اخوها يعرس البت دي
...
يسرا فرحانه اتخلصت من تالين وحتعرس عرسه كوويسة شدييد فرحانه وبتجهز في نفسهاا وبتفكر في بلاد بره الحتسافر ليهاا "ما عارفه انها حتفضل في سودانا دا🌚"
#_يزن في عزز انشغالو جاتو مكالمه من مرام اختوو ردا ليها شكلها مخلوعه وبتبكي
يزن: مرام اهدي ووريني مالك
مرام: ابوي تعب يا يزن ونحنا في المستشفى💔
يزن: اي مستشفى انا جاي
ورتو محل المستشفى وطلع طوالي بالموصلات لغاية ما وصلل لاقا مرام
يزن: خير يا مرام ابوي مالو
مرام: قالو ضغطو ارتفع💔انا اتكلمتا معاهو كتييير يا يزن عشان يخلي شغل الترزي دا الخيوط والمكنه ديل بياذوهو بس ابوي عنيد يا يزن
يزن: انا حاتكلم معاهو ابوي ما حيرجع لشغل المكنه جا الوقت عشان يرقد ويرتااح في بيتو وطول ما انا عايش ما حاخليكم تحتاجو لحاجه♥️
مرام:ربنا يخليك لينا يارب
حضن اختوو وهو بحاول يهديهاا♥️♥️
"ما عارفه ليه جاني احساس انكم مفتكرين انو ابو يزن حيكون في نفس المستشفى الفيها تالين حركات الهنود دي ما عندنا🌚🗡️"
#_تالين صحت وبقت تصرخ افتحو النور انا ما شايفه شي يانااس الممرضه كانت عايزه تديها مهدء تاني بس وقفها خالد
خالد:انا حاتكلم معاها
الممرضه طلعت وبقو خالد وسيلين مع تالين
خالد:تالين "لمن سيلين ضربتا بالعربيه كانت شايلها شنطتها الفيها ملابسها ورقمها الوطني وعرفو اسمها من هناك
تالين:منو انت وبعدين انا ما شايفاك وليه طافي نور الغرفه ولعو
خالد:اولاا انتي مؤمنه بقضاء الله وقدره صح؟
تالين سكتت زي الكانها عرفت هو حيقول ليها شنو
خالد:جاوبيني
تالين:مؤمنه
خالد:انتي اتعرضتي لحادث بسبب اختي الصغيره ومن ورا الحادث دا فقدتي بصرك بس ما تخاافي نحنا اكييد حنعالجك اطمني
تالين سكتت شويه ودموعها جات نازله في البدايه كانت بتبكي بدون صوت بعدين بقت تصرخ يعني بعد كل العذااب الاتعذبتو في اللحظه الهربت فيها واتخذلت في حبيبها فقدت بصرهاا 💔💔كل الحاجات دي جاتها ورا بعض بقت تصرخ وخالد ابدا ما حاول يقرب منها وما خلا الممرضات يدوها مهدء خلاها تبكي وتصرخ وتطلع كل الجواها وبعدين براها حتهدا بقا بس واقف بعاين ليهاا سيلين جات قعدت جنبهاا وبقت تعاين ليها بالحاله دي مدت يدها عشان تمسح دموعها وتعتذر منها بس ما قدرت طلعت من الغرفه وهي بتبكي 💔 خالد جرا نفسو وطلع وراهاا
يتبع مع سااارة...
