كتابه: لمياء💙🦋.
تالين💙🦋.
كالعاده تالين ف غرفتهاا وم بتنزل م اتعودت ع حكايه انها م بتشوف مقهوره،مكسوره،تعبانه، هل بت ف عمر ال16 بتستحمل ده؟؟ اي بت ف عمر زي ده بتكون بتحلم حتبقي شنو، طيب حياتها حتكون كيف لما تكبر؟ فارس احلامها ومواصفاتو وكتير وكتير، هي م فاهمه حاجه لي حياتها ابدا.
تالين اتنهدت وقالت بألم: لي ي يمه مشيتي وخلتيني؟ لي ي ابوي مشيت وسبتني الدنيا الظالمه دي؟ لي يرب بحصل معاي كده؟ انا اذيت حد قبل كده؟ لو اذيت م حكون قاصده والله م قاصده
دفنت وشها بين ايديها وبدت تبكي بكل ألم.
بورا باب الغرفه تبع تالين كان خالد واقف وسمع كل كلامه قالتها، قلبو وجعو عليها، لكين حيعمل شنو؟ بصفتو منو؟
خالد مع نفسو: بصفتك اخوها ايوه حتي لو.... لكين انت م محلل ليها، و وكمان يمكن هي م ترضي، طيب اعمل شنو؟ بعد تفكير لمعت فكره ف راسو طلع جوالو ضغط ع رقم ووجهه التلفون ناحية اذنو ومنتظر رد الطرف التاني لما خالد سمع حد بقول الو بعد ع جنب كده وبقي يتكلم.
خالد: نيرمين كيفك؟
نيرمين: هلين خالد، انا بخير حمدلله وانت؟
خالد: بخير حمدلله، اسمعيني عايزك ف خدمه صغيره كده، و وهناي (حك راسو) مف حد غيرك حيساعدني ف بتمني م تخزليني.
نيرمين: جدا ي خالد، لو ف ايدي شي اقدمو ليك م عندي مانع.
خالد: تسلمي ي نيرمين، م نعدمك يرب💙🦋.
نيرمين: اها اتفضل احكي..
.....................................
يزن💙🦋.
صباح اليوم الثاني،،، صحي بصوت مرام وهي يتصحي فيهو.
يزن: مالك ي مرام ياخ؟ م ارتاح حبه خليني ف حالي شويه.
مرام: حالي فعينك ي يزن،، قوم ياخ انت امبارح م كلمتي الحاصل شنو كان نمت.
يزن: بطريقتك ي زوله م دخلني بيك،،، كنته بحكي ليك وانتي نمتي مشكلتك ويلا قدي عايز انوم تعبان.
مرام: يزن حرام عليك يعني انا استنيتك وانا نمت من كتر م استنيتك يلا قوم عليك الله.
يزن: مرام لا إله إلا الله،، خلاص حتعرفي بعدين اصلا طالعين عشان الموضوع خليك جاهزه وكلمي ابوي
مرام عايزه تتكلم.
يزن قاطعا وقال: لو زدتي حرف ولا قعدتي تزني ف راسي م حسوقك معاي يلا.
مرام اتافافت وقالت:م مشكله ي يزن ليك يوم ليك يوم بس.
يزن: اطفي النور واقفلي الباب معاك.
مرام بصرت وش: كريه ده وبعلييي انا حموت بالشمار م حقدر يربييييي.
فعلا بعد ساعتين يزن ومرام كانو ف العربيه ومعاهم ابوهم،،، مرام ناقه ف راس يزن الا يوريها،،، وهو حالف م يوريها الا بعد يصلو.
