كتابة سارة:
مصطفى وصل البيت الفيهو همام ومعاهو كم نفرر على اساس يسوقو تالين وطبعا مصطفى عندو مفتاح البيت لمن دخلوو وبقو يفتشو اول غرفه دخلوها لقو همام واقع ومجروح مصطفى اتخلع نادى الشباب رفعو همام ساقو اقرب عياده ضمدو ليهو الجرح ولفو ليهو شاش في راسو شويه وهمام صحاا ختا يدو في راسو لانو واجعو شدييد
همام:ااخ يا راسي الحيوانه ضربتني وهربت
مصطفى:يازول حصل شنو
همام:ضربتني وهربت
مصطفى:شكلو ما ليك نصيب تغلط انسى😹
همام:الا ما يجي يوم ونتلاقى
مصطفى:المهم ما تنسى شحنة الليله والبنات السايقنهم برضو صحصح معاااي دي شغله مربحه
همام:تمام
♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️
يزن طلع على مكتب العم جلال استقبلو بلاحضان والترحيب الحااار
جلال:نوورتاا والله
يزن: بنوورك يا عم بالجد ما عارف اشكرك كيف انا فرحان جدا بالمرحله الوصلتا ليها وكلو بفضلك بعد رب العالمين♥️
جلال: انا ما عملتا شي اساسا كان ظاهر انو منتظرك مستقبل باارز يلاا عشان تستلم شغلك
يزن: شكرا بالجد
يزن بيطلع من مكتب العم جلال وبمشي على مكتب الاستقباال وبيقعد هنااك جلال اتصل على ولدو وطلب منو يجيهوو بس ولدو اعتذر انو عندو شغله مهمه
💙💙💙💙💙💙💙💙💙💙💙💙💙💙💙💙💙💙💙💙💙💙
خالد وسيلين في المستشفى طلع الدكتور بعد عمليه دامت 3 ساعات
خالد:اها طمنا يا دكتوور
الدكتور:والله نحنا عملنا كل البنقدر عليهو الباقي على رب العالمين ادعو ليها بس لانو بالجد حالتها صعبه
والدكتور مشاا سيلين قعدت في اقرب كرسي وبقت تبكي
سيلين:حتموت 💔حيعتبروني مجرمه حادخل السجن انا قتلتا انسانه يا خاالد انا مجرمه💔
خالد:لالا ان شااءالله حتكون كوويسه ما حيحصل ليها شي تلفونك ضرب كان ابوك رديت عليهو انا وقلتا ليهو اني جيتك من بدري وسوقتك الجامعه
سيلين:ابوي حيعمل شنو لمن يعرف اني قتلتا انسانه💔
خالد: البت ما ماتت يابت استهدي بالله واسكتي يااخ🙂
💚💚💚💚💚💚💚💚💚💚💚💚💚💚💚💚💚💚💚💚💚
همام طلع من العياده ومشا مع مصطفى عشان يسلمو الشحنه
همام: حنسلمها لمنو؟
مصطفى: واحد قالو جديد في الشغلانيه دي
مشو وصلو الشحنه ولقو واقف منتظرهم همام قعد يعاين ليهو بتركييز
همام: نحنا اتلاقيناا قبل كدا حاسي نفسي شفتك؟
: وانا كمان شكلك دا نهااائي ما غريب علي بس ما قادر اتذكرر
همام: شكلنا بنعرف بعض المهم انت الحتستلم الشحنه؟
: ايوا اناا
همام: تمام اتفضل
💕💕💕💕💕💕💕💕
دخلو تالين على غرفة الانعااش ومركبين ليها كميه من الاجهزه وسيلين بس بتعاين ليها وتبكي وتدعي ليها تقوم بالسلامه
خالد: الزولة دي ما عندها اهلل يعني معقوول مافي زول سال منها
سيلين: ما عاارفه
خالد: ابوي اتصل علي الصباح بس ما قدرتا امشي ليهو بسبب الموضوع داا
سيلين: ربنا يقومها بالسلامه
خالد: اميين يارب وبدون اي مضاعفات💔
يتبع مع العايز يكتب.. 🙂🗡️
