" မပေးချင်ဘူးလို့ မပြောမိပါဘူးနော် "
" ဒါဆို ပေးချင်တယ်ပေါ့ "
" လွှား တောင်းလို့ ပေးတာ "
ကိုကိုက လေ ပေးတာပဲကို လွှား တောင်းလို့ဆိုတာက မရ ရအောင် ထဲ့ပြောသေးတာ။
" ကိုကို တူတူကြည့်မလား "
ဘေးနား ဝှီးခနဲ ရောက်လာပြီး မျက်နှာရှေ့မှာ သူ့ဖုန်းက ရောက်လာသည်။ တိုက်တိုက်ဆိုင်ဆိုင် သူကြည့်နေတာက အစ်ကို့ရဲ့ vlog ။
" ဒီအစ်ကိုက အပင်တွေ အကြောင်း အများကြီးသိတယ် အရမ်း တော်တယ်မလား "
ဝန်း ဂုဏ်ယူစွာ ပြုံးကာ ခေါင်းငြိမ့်လိုက်သည်။ ဒါပေါ့ အစ်ကိုက သူ့အလုပ်မှာ ဘယ်လောက် အရည်အချင်းပြည့်ဝလိုက်သလဲ။ ဒါပဲလားဆိုတော့ စိတ်ထားလည်း ပြည့်ဝသေးတယ် ။ အများကြီးလည်း နားလည်ပေးနိုင်တယ်။ အစ်ကို့ဆီမှာ သင်ယူစရာတွေ အတုယူစရာတွေလည်း အများကြီး။
" လွှား ဖေဖေက ဒီအစ်ကိုရဲ့ Fan အကြီးစားပဲ လွှားဖေဖေ ကြည့်တဲ့ channelမို့ လွှား ပါ လိုက်ကြည့်ပေးတာ "
အော် သူကြိုက်လို့ မဟုတ်ဘဲ သူ့ဖေဖေကြောင့်ကြည့်တယ်ပေါ့လေ။ အဟင်း တကယ့်ကောင်လေး ။
" ဖေဖေက အပင်တွေကို အရမ်းချစ်တာ သိလား "
ဘယ်သိမှာတုန်း သူ့ဖေဖေကို မြင်တောင်မှ မမြင်ဖူးတဲ့ဟာကို။ မျက်လုံးလေး ပြူးပြူးပြီး ပြောပြနေတာလေးက ကလေးလေးတွေလို။
" ဟုတ်လား "
" ဟုတ်တယ် ဖေကြီး နဲ့ လွှား က အလုပ်ကိုယ်စီနဲ့ ဆိုတော့ အိမ်မှာ သိပ်မရှိဘူး ဖေဖေက အိမ်မှာ တစ်ယောက်ထဲ ကျန်ကျန်ခဲ့တာ သနားပါတယ်နော် "
သူ့ဖေဖေအကြောင်း ပြောတော့
မျက်နှာလေးက ချက်ချင်းညိုးငယ်သွားသည်။သူ့မိသားစုကို လွမ်းနေရှာမှာပေါ့လေ။" ဖေဖေ့ခမျာ အပင်လေးတွေ စိုက်ပြီး ပျင်းတိုင်း အပင်လေးတွေ နဲ့ စကားပြောပြီး နေရှာတာ... "
အဖျားခတ်အသံလေးက တုန်ခါသွားပြီး ဝမ်းနည်းမှုတွေကို သူစိမ်းရှေ့မှာ မဖော်ပြချင်လို့ ထိန်းချုပ်ထားဟန်။
![](https://img.wattpad.com/cover/272136580-288-k955915.jpg)
Part - 8
Start from the beginning