أخوات من نوع آخر

الحلقة الأولي

السلام عليكم ورحمة الله وبركاته
نبدأ على بركة الله
رَبِّ اشْرَحْ لِي صَدْرِي* وَيَسِّرْ لِي أَمْرِي* وَاحْلُلْ عُقْدَةً مِّن لِّسَانِي * يَفْقَهُوا قَوْلِي
سبحانكَ اللهمَّ وبحمدِكَ وتباركَ اسمُكَ وتعالى جدُّكَ ولا إلهَ غيرُكَ
اللهم صل وسلم وبارك على نبينا محمد💙
꧁꧂꧁꧂꧁꧂꧁꧂꧁꧂꧁꧂
في إحدى القرى.
في منزل بسيط يسكن فيه خمس فتيات.
يتكون ذلك المنزل من غرفتين وصاله ومطبخ وحمام.
"هو أنا كل يوم هفضل أصحي فيكم بالزعيق يابنات بقت 7الصبح مش هنلحق نركب القطر عشان نروح الشغل بتاعنا ودنيا أنتِ لسه هتدوري على شغل يلا بقى."
قالتها آية بغضب .
اسماء وهي تحضر ملابسها:علطول كده نايمين.
تسنيم:صباح الخير يا حلوين حضرت الفطار.
ثم نظرت تسنيم لدنيا وياسمين الغارقين في النوم.
تسنيم بمرح: هما كانوا سهرانين برده؟
آية:مش عارفه أعمل معاهم إيه هنتأخر كده.
دنيا بكسل:حاضر قايمة أهو.
ياسمين بنوم:قايمة.
بعد استيقاظ دنيا وياسمين ذهبن للأفطار ثم ليجهزوا.
ارتدت آية إدناء زيتي ونقاب أسود.
واسماء ادناء أزرق ونقاب أسود.
وتسنيم ادناء رمادى وخمار أبيض.
وياسمين بنطال أسود وبلوزة حمراء وطرحة بيضاء
و دنيا بنطال جينز وبلوزة صفراء وطرحة بيضاء.
آية:يا دنيا يا حبيبتي يا ياسمين يا حبيبتي مش عرفتكم قبل كده إن البنطلون حرام لأنه يخالف الزي الشرعى للأنثى وإن ده تشبه بالرجال ومينفعش نكون شبه الرجال يا حبايبي مش كده وكمان بيصف
البنطلون للرجالة بس يا حبايبي.
ياسمين بضيق: إن شاء الله.
دنيا بمهاجمة: ممكن تبطلي تعقيد يا آية.
لتقاطعها اسماء قائلا:فين التعقيد يا دنيا في إللي بنقوله.
دنيا بلامبالاه: خلاص خلاص مش وقته اتأخرنا.
تنهدت آية واسماء بحزن أما تسنيم فكانت لا تبالي.
ذهبن الخمس بنات للقطر وكانت المسافة من القرية لمكان شغلهن ساعة لا توجد موصلات في القرية غير القطر ولا يوجد شغل في القرية.
꧁꧂꧁꧂꧁꧂꧁꧂꧁꧂꧁꧂
في قصر الشرقاوي.
على مائدة الإفطار.
جلست الجدة وداد على رأس المائدة بجانبها أسرار وشيرين ومن الجانب الآخر محمد ونضال وإمام وعمر وأحمد يجلسون.
وداد:عاملين إيه في شغلكم يا ولاد.
إمام: الحمدلله يا تيتا بفضل الله كله ماشي كويس حال المرضى في المستشفى بدأت تتحسن.
نضال:الحمدلله يا تيتا كله خير.
محمد:الحمدلله الشغل ماشي كويس.
عمر:الشركة ماشية كويس يا تيتا.
أحمد: ودخلين صفقات كمان هتكسب الشركة كتير.
وداد: ربنا يصلح حالكم يا حبايبي.
شيرين بغيظ:مش هتاخدوني اشتغل معاكم في الشركة.
أحمد: عاوزة تشتغلي إيه في الشركة يا شيرين.
شيرين:هو مش عمر طالب سكرتيرة برده.
عمر:اه بس من بره العيلة يا شيرين.
شيرين بغضب:ليه يعني ما أنا بنت عمك أحسن من أي حد تاني.
عمر:لا يا شيرين محدش أحسن من التاني في ناس تانية محتاجة الشغل ده عن إذنكم عندي إنهاردة مقابلات كتيرة عشان السكرتيرات إللي بتقدم للشغل.
أحمد: استنى جاي معك.
رن هاتف إمام.
إمام: السلام عليكم.
"دكتور إمام الحقنا بسرعة في حالة صعبة جدا محتاجة تدخل عمليات حالا"
قالتها الممرضة بصعوبة.
إمام:لا حول ولا قوة إلا بالله جاي حالا إن شاء الله.
أسرار: خير يا بني.
إمام: مفيش يا أمي حالة مستعجلة.
أسرار بغيظ:كمل أكلك أول.
إمام:إزاي يا أمي مينفعش أنا لازم أروح هبقى أكل أي حاجة هناك يلا سلام عليكم.
وداد: ربنا يصلح حالك يا إمام ياحبيبي ويرزقك الخير يارب.
إمام وهو يقبل رأسها:اللهم آمين يا غالية.
نضال:وأنا هروح برده القسم يلا يا محمد أنت كمان على شغلك.
محمد: تمام يلا.
꧁꧂꧁꧂꧁꧂꧁꧂꧁꧂꧁꧂
توقف القطر .
آية: أنا هركب موصلة تنزلني عند الكلية بإذن الله.
اسماء:وأنا وياسمين هنركب ننزل عند المستشفى.
تسنيم: هركب معكِ يا آية بإذن الله طريقي زي طريقك.
آية: بإذن الله يا حبيبتي.
دنيا:أنا سمعت إن في شركة محتاجة سكرتيرة هروح أشوف .
آية:ربنا يوفقك يا دنيا.
دنيا وهي تبتسم وتحتضنها: حبيبتي يا آية متزعليش مني.
آية: مش زعلانة منك يا حبيبتي ربنا يهديكِ ويهدينا.
دنيا: يارب.
ذهبت آية للكلية.
بنت: دكتورة آية.
آية: نعم يا حبيبتي.
بنت: أنا مضايقة أوى عاوزة أكلم مع حضرتك شوية على انفراد.
آية: طبعا يا قمر تعالي مكتبي قبل ما المحاضرات تبدأ.
بنت:ماشي.
ذهبت آية لمكتبها هي والبنت.
جلست آية والبنت.
آية: اسمك إيه يا جميلة.
البنت:أمينة.
آية: ماشاء الله اللهم بارك اسمك جميل يا أمينة.
أمينة: الله يحفظك.
آية:تفضلي يا حبيبتي عاوزة تكلميني في إيه؟
أمينة: أنا بفضل الله بطلت لبس بناطيل من خمس شهور وبفكر في الخمار بس خايفة أرجع أخلعه وكلام الناس.
ابتسمت آية وقالت: بصي ياجميلة أنتِ اسئلي نفسك هتلبسيه ليه؟
أمينة: عشان فرض وربنا كمان.
آية:حلو أوى طب مثلا لو الناس قالت لكِ ارجعي البسي بناطيل تاني إيه التعقيد ده.
أمينة: طبعا مش هاخد على كلامهم لأن البنطال تشبه بالرجال وأنا لابسه لبس يرضي ربنا.
آية: جميل أوى ما الخمار كده كمان ياحبيبتي ملابس ترضي الله وكمان آخر حاجة تفكري فيها كلام الناس وكمان مش تفكري فيها هتلاقي انتقادات ايوه هتلاقي بس لازم تجاهدي يا حبيبتي إنك تثبتي بإذن الله تعالى خدي الخطوة دي وسيبك من كلام الناس وكمان فكري مثلا و أنتِ ماشية واحدة تنظر لكِ وتتمنى تبقي شبهك واحدة  تقلدك تاخدي حسنات و الخمار يزيدهم عفاف لمَّا تشوفي إنّي لِبسك الفَضفاض شِياكة وجَمال ومِش بتْشوفِيه في البَناطيل و اللبِس الضيّق، هِي نِعمة تَانية وفَضل عظِيم، بَعد تَوفِيقك لِلطاعة نفسَها .
{وَلَٰكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ} .
وَمَا الفَضفاض إلَّا قَرار نَبع مِن القَلب، قَبل أنّ يَتزّين بِه الجَسد، فَـ أَضِيئي قلبِك بِـ حُبِّ السَّتر .
أمينة:بجد مش عارفة أقول لحضرتك إيه؟
آية:مش تقولي حاجة ياقمر يلا عشان أنا ورايا محاضرة الوقت عن إذنك.
خرجت أمينة و آية من المكتب.
༺༻༺༻༺༻༺༻༺༻༺༻༺༻༺༻
في مكتب تسنيم.
كانت تجلس تسنيم تنظر لقضية جديدة لتترافع عنها ولكنها قلقت بعض الشيء إنه متهم بالفعل وهم يريدون أن تكذب للترافع عنه في حركة مفاجأة رفعت تسنيم الورق للفتاه الواقفة أمامها.
تسنيم:اسفة بس أنا مش بترافع عن كذب ونصب وده متهم بالفعل يعني مش مظلوم يستحق السجن وصدقيني أنا لو روحت اترافع عنه فهبقى السبب أكتر في دخوله السجن بمده طويلة إيه الظلم إللي أنتم فيه ده بقى متهم ورايحه تجيبي محامي عشان يترافع عنه كذب.
الفتاة بغضب: هتندمي صدقيني.
تسنيم بثقة:عمري ما هندم يا حبيبتي مدام مش بعصي ربنا ومدام بشتغل تمام ومش بمشي ورا الكذب والنصب.
الفتاه:هتاخدي مليون جنية.
تسنيم: ولا فلوس الدنيا كلها تخليني اترافع عنه.
الفتاة بغضب: أنتِ حره.
ثم ذهبت.
تسنيم بذهول: ربنا يعافينا
༺༻༺༻༺༻༺༻༺༻༺༻༺༻༺༻
في المستشفى.
دخلت اسماء وياسمين.
في مكتب اسماء.
جاءت أم وطفلتها.
الطفلة ببكاء: لا يا ماما سنتي وجعاني مش عاوزة اشيلها.
الأم: يابنتي لازم تشيليها.
الطفلة ببكاء: هتوجعني يا ماما.
اسماء مبتسمة: اسمك إيه يا حبيبتي.
الطفلة ببكاء:هاجر.
اسماء مبتسمة:طب ممكن يا هجوره نبطل عياط متخفيش بصي مش هتحسي بإي حاجة معايا إن شاء الله.
هاجر بطفولية:وعد.
اسماء مبتسمة:وعد.
جلست هاجر على الكرسي .
بدأت اسماء تشغلها بالكلام حتى أعطتها المخدر.
ثم اشتغلت اسماء وقامت بخلع سنتها.
اسماء: شفتي خلصنا حسيتي بحاجة.
هاجر مبتسمة: لا.
قامت اسماء وجابت عروسة وقالت لها:خدي هديتك يا حبيبتي.
هاجر مبتسمة: الله عروسة هو إللي بيجي هنا بياخد هدايا.
اسماء:آه
هاجر مبتسمة: حضرتك طيبة أوى ممكن نبقي صحاب.
اسماء:أحلى صحاب كمان قوليلي يا سوما.
هاجر: ماشي يا سوما مش هعمل سناني غير عندك .
اسماء:ماشي يا هجوره.
الأم: الله يبارك لك يا دكتورة متحرمش منك أبدا.
اسماء:ربنا يحفظها لك.
الام: اللهم آمين عن اذنك.
اسماء:تفضلي.
خرجت الأم وهاجر.
في إحدى الغرف فى المستشفى.
كانت تجلس مريضة يضع إليها الكالونا وأجهزة كثيرة.
ياسمين مبتسمة: صباح الخير يا حاجة أنعام.
أنعام بتعب: صباح الخير يا بنتي.
ياسمين: الحمدلله العملية تمت بخير وهتبقي كويسة أنا الممرضة إللي هتشرف على حضرتك.
أنعام: ربنا يحفظكم يا بنتي مين عملى العملية.
ياسمين:دكتور إمام.
أنعام بتعب: بس أنا مش معايا فلوس أنا كل إللي أفتكره إن عملت حادثة.
ياسمين:لا حول ولاقوة إلا بالله العلي العظيم متخفيش يا حبيبتي خير.
أنعام: أنتِ اسمك إيه يابنتي؟
ياسمين:اسمي ياسمين.
أنعام:طب أنا أعمل إيه في الفلوس؟
سمعت طرق على الباب وكان مفتوحا.
إمام:السلام عليكم ورحمة الله وبركاته.
ياسمين و أنعام: وعليكم السلام ورحمة الله وبركاته.
إمام:إيه أخبار حضرتك الوقت.
أنعام: الحمدلله يا ابني كتر خيرك.
إمام: بالنسبة للفلوس فالعملية دى مجانا.
أنعام: إزاي يا ابني؟
إمام: المستشفى بتتفاهم مع الظروف.
أنعام: كتر خيركم يا بني.
في شركة الشرقاوي.
دخلت دنيا وجلست في الاستقبال مع بنات كثيرة.
أمام الشركة خرج عمر و أحمد من العربية وخلفهم حراسه دخلوا الأثنين وذهب كل واحد على مكتبه
بدأ عمر بالمقابلات وكانت دنيا تجلس بخوف لم يقبل أحد إلى الآن.
الموظفة: دنيا تفضلي.
دخلت دنيا وجلست وقامت بإعطاءه الملف.
بدأ يقراء عمر الملف ثم ركز على الاسم: دنيا محمود الكيلاني.
نظر للاسم كثيرا ثم قال........🔜
وبكده نختم بإذن الله
سبحانك اللهم وبحمدك، أشهد أن لا إله إلا أنت، أستغفرك وأتوب إليك
السلام عليكم ورحمة الله وبركاته
‏الكاتبة/نور خالد
‏