فوط + كومنتار
في شركة الابراهيمي (مكتب ايوب)
سكر تيليفون وتبسم تبسيمة انتصار قاطعو دخول صاحبو سيف
سيف :صح وش سمعت؟؟
ايوب باستغراب : وش سمعت ؟؟
سيف:سمعت انك انسحبت من الصفقة الجديدة
ايوب بكل ثقة : ايه صح
سيف باستغراب : لاه انسحبت ؟؟؟
ايوب بغرور : ميش ايوب الابراهيمي لي يدخل في صفقة خاسرة ٍ ياك علاابلك بلي هاذي الصفقة مشبوهة
سيف : مشبوهة ؟؟؟
ايوب :خلينا من هاذا الموضوع وخلينا في في المهم نحوسك تهدر مع المحامي سليم تاع الشركة باش يضبط زواجي ويحضرلو
سيف بصدمة : تتزوج ؟؟ كيفاه !! وكتاه !!! لاه
حكالو ايوب وش صرا كلش مع اب ريم
سيف : اااا ان شاء الله تسما تعقدو بعد 15 يوم !!
هزلو ايوب راسو بايه وهو مزال يقرا في الدوسي اللي متوالو
سيف : الف مبروك يا صاحبي ان شاء الله ربي يصلحكم لبعض ماتكونش كيما سلمى
ضحك ايوب بسخرية
--------------------------
في مكتب اسماء قاعدة تستنا بفارغ الصبر وكتا يخلاص الدوام باش تشوف ايوب الراجل البوقوص والغني لي تتمناه كل طفلة شافت في الساعة لقات بلي خلاص وقتها هزت حوايجها وراحت تجري شافت ايوب خارج من البيرو تاعو رايح لسانسور تاعو الخاص بيه راحت تجري دخلت معاه استغرب ايوب خاطر المصعد هاذا تاعو ليه وحدو الخاص بيه
ايوب بغضب : كيفاه تدخلي بلا اذني واحد ماقالك بلي مانحب حتى غلطة ؟؟
اسماء ببراءة مصطنعة : لاه وش درت يا موسيو درت حاجة غالطة ؟؟
خرجها ايوب من السانسور خاطر مايحبش يشارك حوايج يكونو ملكو مع حتى واحد حتى لو كان سانسور بارسكو هو مهوووس ومتملك بزاااف
ايوب بالعياط : هذا السانسور يخصني وحدي لو تتجرأي وتغلطي غلطة صغيرة برك اعتبري روحك مطرودة
جات رايحة تبرر تجاهلها دار نواظرو وعاود دخل للسانسور تاعو
----------------------------
في الليل
عند ريم
نلقاو اسماء من جديد وهي تعيط
اسماء : كيفاااااه يتزوج هاذيك المبهدلة ريم ياك علابالك بلي عيني عليه يا حسراااااه؟؟؟
سامية :افهمي يا حمارة راهو رايح يعطينة ابارتومون في لافيل عمرنا كنا نحلمو بيها ورايح يصرف علينا ثاني
اسماء بغل وحقد على ريم اللي رزقها ربي الجمال وفوقها تتزوج من راجل لي تحلم بيه كل طفلة
اسما : مايهمنيش انا لازم نتزوج من ايوب ماشي المتشردة المبهدلة هاذي
سامية بخبث : خليه يزوجها حتان نديو الشقة والمال ومبعد حاولي تفرقيهم
اسماء : مفهمتش يعني وش ندير؟؟
سامية : افهمي هو ضك يتزوجها علاجال باش تولدلو وريث يعني رايح يديها زوجة للانجاب برك وماتنسايش هو رايح يشوفها وحدة رخيصة باعت روحها علاجال شوية مال
تبسمت اسماء بخبث : هههههه صح
اما في شمبرة ريم فهي قاعدة تبكي وتدعي ربي يفرج عليها
ريم : يارب انا ماعرفتش كيفاه قبلت كملت تهدر بالدموع : هاذي فرصتي باش نتهنا من الظلم والحقرة بصح اني خايفة نظلم روحي اكثر اهئ اهئ اهئ يااارب اعني ماعنديش من غيرك ياربي ماتخلينيش وحدي
-------------------------------
مرت 15 يوم بسرعة كبيرة وجا اليوم المنتظر
في القصر : نلقاو ايوب تاعنا قاعد في الطاولة وحاط يدو فوق يد اب ريم ويعقد قرانهما
"وقع هنا ومبعد مد لريم توقع شاف فيها ايوب بفضول لعينيها شافها توقع بتردد ويدها ترجف .. تبعها محمد وسليم كشهود
" ايوب الابراهيمي هل تقبل بريم الحسيني زوجة لك دون اية ضغوطات ؟؟"
ايوب :نعم اقبل
"ريم الحسيني هل تقبلين بايوب الابراهيمي زوجا لك دون اية ضغوطات؟؟"
ريم بتردد : ن.عم
" وهل انتما شاهدان على ذلك "
سليم ومحمد : نعم
"الف مبروك اعلنكما زوجا وزوجة "
وهنا ولات ريم زوجة ايوب وملكو لوحدو
ناض سيف وصل الكاتب وسليم للباب وقال سيف : انا لازم نروح ضك يا ايوب خليت صونيا وحدها في الدار مع هديل (بنتو) وهي مريضة
ايوب : اوكي ربي يشفيها
سيف : امين
دار شافها قاعدة ع الفوتاي تشوف في الارض تايهة وشاف محمد مع مرتو عيطلو يقرب ليه وعطاه حقيبة جلدية كحلة
ايوب : هاه وش تفاهمنا عليه وضك ادي مرتك وتفضل
محمد حل عينيه الطمع عماه ونسى بلي هاذو الصوارد راهم ثمن بنتو وكبدتو
محمد : شكرا مسيو
ايوب وهو رايح للبيرو يهدر في التليفون : يما انا عندي ابال ايرجون ربع ساعة ونولي نعتيلها الغرفة
هاجر والفرحة ميش سايعتها : ههههه اوكي يا روحي هيا ريم معايا
------------------------
فوط +كومونتار
YOU ARE READING
تزوجتها من اجل انجاب الوريث (باللهجة الجزائرية)
Non-Fictionهو بارد وقاسي ومتملك لا يعرف الحب وهي بريئة وحنونة وذات اخلاق صدفة فقطا وطلبا من امه لانجاب ولي العهد يتزوجها فهل ستتحول من زوجة فقط للانجاب الى عشق ابدي ؟ ام سيكون للقدر رأي اخر ...... هاذي اول رواية واول كتابة وتأليف ليا
