بسم الله نبداو حلقتنا الاولى على بركة الله ادعموني برك هاذا ماكان يخي ماتخسرو والو
في وحد الحي الشعبي اكزاكت في دار من الديار بسيطة لاقصى درجة تدل على الطبقة المتوسطة تاع سكانها راقدة وتحلم الحلم كيما كل يوم . تشوف روحها في قصر كبييير وشباب ومعاها راجل ويلعب مع اطفال صغار خربلها هاذا الحلم الجميل مرت باباها كيما كل مرة
سامية : نوضي نوضي يا المصيبة راقدة ومستراحة ا آ لالة نوضي اخدمي شغل الدار هيا
ريم : صباح الخير طاطا
سامية : لاه اللي يصبح على وجهك يصبح بخير !!! هيا نوضي وجدي الفطور بزربة يروح باباك للخدمة
ريم : امممم
سامية : عندكي لا تنساي القهوة تاع اسماء باش تصحصح عندها خدمة
راحت وخلات ريم في دوامة احزانها لي ماتخلاصش حرموها من القراية باش تخدم في الدار وهي جابت الباك بامتياز ومنعوها تدخل للجامعة بحكم مكانش الصوراد وحلمها كان تولي طبيبة اطفال مدايرة ستار وجلباب ....ناضت من غفلتها على صوتها تعيطلها استغفرت وناضت غسلت وراحت للكوزينة دير الفطور
--------------------------------
في مكان اخر بعيد على هاذاك الحي واكزاكت في وحد الاحياء الراقية نلقاو فيلا كبيييرة وفخمة فيها جاردان كبيرة فيها جميع انواع الورود والشجر بكل الاانواع والثمار فيها كراسة وارجوحة تاع الكبار تهبل نوصفلكم الفيلا شوية هي جاية 3 ايطاجات الاول فيه كوزينة كبييرة وفيه صالون كبيير وطاولة بحجم كبيير راقية ع اللخر وغرف للخدم وغرف كبييرة للضياف ومكتب كبير مخصص لايوب
----- في ليطاج ثاني نلقاو اربع غرف كبيرة واحد لأم ايوب واحد لمرتو والزوج لخراين للضياف
---- في ليطاج الثالث نلقاو اكبر غرفة في الفيلا تقدرو تقولو عليها جناح ملكي راقية ع اللخر كلشي فيها مودرن ويبرق وحدو فيها حتى صال دو سبور
واحد ما يدخل ليها من غير امو والخدامة لي تنوضو حتى مرتو ممنوع عليها تدخل
في هذاك السرير راقد البطل تاعنا ايوب ناض على صوت الرافاي غسل وراح للغرفة السبور خذا ساعتين وهو يتمرن وراح دار فيها دوش وخرج لاف فوطة صغيرة على خصرو ووحدة ينشف بيها شعرو مشا لدريسينغ لبس لبسة نوار وقمجة بلون وكرافيت نوار وساعة فخمة من افضل الماركات العالمية مشط شعرو ورش الريحة اللي تتشم على بعد 1000 كيلومتر هبط بكل هيبة ورجولية باس يد امو وترأس الطاولة على يمينو امو وعلى يسارو مرتو
ايوب : صباح الخير يما كيف صبحتي؟
هاجر: صباح النور وليدي راني لاباس الحمد لله
سلمى:وانا مكانش صباح لخير ليا حبيبي؟
ايوب : وش تحوسي سلمى من اللخر ؟
سلمى :ايه نحوس تحولي صوارد لحسابي
ايوب ببرود :معنديش بزااف حولتلك مبلغ كبيير من يومين لحقتي تصرفيه
سلمى : هوما خلاصو وانا نحوس على طومبيل جديدة تاعي ولات قديمة وكامل صحاباتي بدلو طومبيلاتهم
ايوب : اممم
هاجر: يا بني يخي قتلك القهوة على الفراغ ماشي مليحة
ايوب :يما يخي تعرفيني انا مانحبش نفطر اني رايح عندي خدمة تحتاجو حاجة؟
هاجر : نن على سلامتك ياوليدي
سلمى : ماتنساش تحولي الصوارد لحسابي
ماردش عليها ومشا حط ليناتو وخرج فتحلو الشيفور باب الطومبيل اخر طيراز
ايوب : للشركة ياسين
ياسين : اوكي مسيو
-------------------------------
قاعدة تنظف في الطابلة وتغني منسجمة مع الغناية تغني فيها من قلبها ومن كل اعماقها
اسماء: رييييييييييييم وين راكي ؟؟؟
ريم : اني جاية
اسماء: هاكي ادي هاذا الصباط نظفيه خاطر عندي انترفيو
ريم: اوكي لاه لقيتي خدمة ؟؟؟؟
اسما : هيه هيا بلا هدرة ازربي
ريم : اوكي
لبست اسما جيب نوار وبودي بلون مزير مفصل بدنها .. جابتلها ريم صباطها لبساتو وراحت لشركة الابراهيمي علاجال مقابلة العمل
-----------------------------------------
في الشركة
دخل هو بكل هيبة ورجولة لقاو عليه الخدامين التحية دخل للأسانسير المخصص ليه برك للطابق 90 وين البيرو تاعو هو وسيف برك
نهى (سكريتيرة ) : صباح الخير مسيو
ايوب : جيبيلي قهوتي واوراق الصفقة الجديدة وبرنامج نهار اليوم
نهى: حاضر
دخل للبيرو تاعو الواسع المطلي بالنوار قعد على الكرسي الفخم تاعو حتان دخلت نهى تترنح وتتمختل تحاول تجذب ايوب ليها هازة القهوة في يد والاوراق في يد
نهى بدلع : تأمر باامر اخر مسيو ؟
ايوب :عيطيلي لسيف يجي للبيرو
نهى : اوك
خرجت وهي تترنح في مشيتها على امل انو تلفت انتباهو بعد مدة قصيرة دخل سيف للبيرو كي العادة بلاما يطبطب
(prince )سيف : صباح الفل يا برانس
ايوب :برانس؟ وش رايك نوض نفزدلك وجهك نعتلك البرانس كيفاه مصور
سيف : نضحك برك اففف يخي سامط
مشا قعد مقابلو
ايوب : وش درت في الصفقة الجديدة؟
سيف : حاجة باينة كسبناها بصح....
ايوب : بصح واش؟
سيف: رمزي هاذي المرة مايسكتش خسرتلو كل الصفقات انا خايف يدير حاجة
ايوب : مايدير والو جايح وخلاص
سيف : اني رايح نقابل السكرتيرة الجديدة
هزلو راسو بايه وسيف خرج
.....يتبع❤️❤️
فوط +كومنتار
YOU ARE READING
تزوجتها من اجل انجاب الوريث (باللهجة الجزائرية)
Non-Fictionهو بارد وقاسي ومتملك لا يعرف الحب وهي بريئة وحنونة وذات اخلاق صدفة فقطا وطلبا من امه لانجاب ولي العهد يتزوجها فهل ستتحول من زوجة فقط للانجاب الى عشق ابدي ؟ ام سيكون للقدر رأي اخر ...... هاذي اول رواية واول كتابة وتأليف ليا
