هو بارد وقاسي ومتملك لا يعرف الحب وهي بريئة وحنونة وذات اخلاق صدفة فقطا وطلبا من امه لانجاب ولي العهد يتزوجها فهل ستتحول من زوجة فقط للانجاب الى عشق ابدي ؟ ام سيكون للقدر رأي اخر ...... هاذي اول رواية واول كتابة وتأليف ليا
عند ريم مزالت راقدة على الارض والوجع والالم تاع الجروح يقطع فيها وقلبها لي قطعاتو قسوة الحياة اللي جرجرتها ومرمدتها تمرميد اعمى كانت تشوف في الارض ساهية تايهة قلبها واجعها باباها اللي مالقاتش منو الحنانة ولا الحضن الدافي ماسمعهاش حتى ناضت ريم مفزوعة بعد مادخلت سامية وخبطت الباب على طولو
سامية : هيا يا ختي هياااا رقدتي بزااف نوضي بدلي قشك وروحي لقصر الابراهيمي باش تعاوني المدام الكبيرة
خرجت سامية من الشمبرة ناضت ريم بتثاقل للدوش تترنح في مشيتها جسمها بكل مفلعص من الضرب اللي كلاتو دارت دوش دافي رخات بيه عضامها وتوضات وصلات حست براحة وطمأنينة كبييرة في قلبها لبست جلبابها وغطات وجهها بالنقاب الاسود زاد برزلها لون عينيها الزورق لون فاتن مزينين بالكحل العربي يجذبو من بعيد و خرجت تحت نضرات سامية لي مليانة حقد وكره راحت لموقف الحافلات وركبت تكات راسها على الكارو تخزر لبرا بشروود تخمم في حياتها التعيسة فيقها من شرودها الشيفور
هبطت رايحة للفيلا بعد ماسقسات اللي ثم تصدمت كي شافاتها كيما لي في في الافلام والمسلسلات كان قمة في الرووعة تحلف في حياتها شافت دار كيما هااذي من برا كانت فن ماأدراك من داخل كيفاه
ريم : ما شاء الله ربي اللهم لاحسد ربي يباركلهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
-----------------------
في السبيطار ناض ايوب يلبس في قشو مغادر السبيطار ومعاه صاحبو سيف اللي وقف معاه دقيقة بدقيقة من هاذ المواقف يبانو الصحاب تاع الصح ... طبطب الباب ودخل اسر
