شايفين الصورة إللي فوق دي؟ لها حكاية طويلة عريضة.
من أسبوع تقريبًا قضيت ساعات زيادة في المعمل عشان في أيام ما نزلت فيها، حرفيًا الساعتين الزيادة دول خربت فيهم الدنيا، زي ما أنتو شايفين في الصورة دي حاجة كدا بيحطوا عليها المشروبات الساخنة، كل واحد شغال في المكان بتكون له واحدة خاصة بيه ممكن ياخدها، أنا مش بشرب حاجات سخنة لإني مش بحب أغلبهم، بس كنت بحط عليها طبق الأندومي، وحرمت آكل في الشغل من وقت ما طفل شافني باكلها وقال لأمه شوفي الدكتورة بتاكل أندومي وأنا لا.
المهم جبت بتاعتي دي وقعدت اكتب اسمي قال من حبي في نفسي، وأنا بعمل ست الرسَّامة حطيته على حرف مكتبي وضغطت جامد قام اتقطم من الناحية الثانية.
ولايك فصلت مذهولة قدامه ومش عارفة أعمل إيه، بعدها رحت بهدوء جدًا فتحت باسكت القمامة وحطيته عادي، ولحد الآن محدش عرف
بس هي هدية يعتبر يعني معتقدش إن دا هيسبب مشكلة أو إني خنت الأمانة وكدا لإنه أوريدي بتاعي أتصرف فيه زي ما أنا عايزة.
ونصيحي متاخدوش ساعات زيادة عن عملكم اليومي، حرفيًا الواحد بيخرف.
وجدير بالذكر إنه أخيرًا أخيرًا وصلت بطاقة هويتي، كان نفسي أوريكم الصورة فيها بس فعلًا شكلها شنيع جدًا، يعني طول عمرنا نسمع عن المسجلين خطر، وأنا أول مرة أشوفهم قدامي😂.
YOU ARE READING
تدوينة
General Fictionدعنا نُبرم عقدًا لا شروطَ جزائيةً فيه؛ لأن إمكانية فسخه مُحالة. ستكون مستمعًا حسنًا يشاركني كل هذه التفاصيل المملة دون ملل. ومُضيك قِدمًا نحو أول فصل هي إمضاؤك بالموافقة على جميع شروطي. -تحديثٌ شِبهُ يَوميِّ، فصوله تكتب بعد منتصف الليل. رقم واحد في...
