بنات السيوفي

البارت الثامن عشر

صلوا على النبي محمد صلى الله عليه وسلم ❤️
--------------------------------------------
نيزك بجدية: قبل ما تقولوا أي حاجة... سلطانة تتجوزيني؟!
نظرت له سلطانة ببرود وغموض.. توتر نيزك من نظراتها ولكنه تماسك وأظهر الجدية والبرود بعد صمت دام دقائق
سلطانة ببرود: سليم عايزاك تجمعلي الكل في الفيلا.. وكمان لازم كلنا نعيش في فيلا واحدة... وقبل أي أسئلة الكل يخرج عشان تعبانة وعايزة أنام.... ثم تركتهم في دهشتهم وأغلقت عينيها بتعب دون أن تعيرهم أي إهتمام... كاد أن يتحدث سليم ولكن منعه ألبرت الذي تحدث ببرود: سليم بيه بعد إذنك إتفضل معايا خليها ترتاح.. اومأ سليم بهدوء وخرج وخلفه الجميع ظل نيزك يقف ينظر لها بمشاعر مختلطة يريد أن يذهب إليها لكي يحضنها ويهدأ نار قلبه التي إشتعلت عندما علم بخبر موتها شعر وكأن قلبه يحترق من هول الصدمة ويريد أن يذهب إليها ويصفعها على برودها وتجاهلها له كيف لها أن لا تجاوب على عرضه بالزواج منها فأي فتاة تحلم أن أبتسم لها وهذه الباردة لقد عرضت عليها الزواج وهي تجاهلتني وكأني لم أقول شئ فأي فتاة عندما يعرض عليها الزواج من الطبيعي أن تبدي شعور القبول أو الرفض ولكن تلك الفتاة لم تقول أي شئ مما أغضبه وقرر الإنتقام لكرامته ورجولته... فاق من شروده وتفكيره على صوتها البارد
سلطانة ببرود وهي مغلقة عينيها: هتفضل واقف كده كتير...إطلع برا
نيزك بهدوء: انتي ليه كده
سلطانة ببرود قد فتحت عينيها وظهرت سوداوتيها التي تسحره ويرى الليل وجماله فيهما: كده الي هو إزاي يعني
ذهب نيزك وجلس على المقعد الموجود بجانب الفراش وتحدث بهدوء وقسوة مزقت قلبها: ليه باردة انتي عندك كل حاجة عيلة جميلة وبتحبك وشغل وفلوس وقصور وبيوت فخمة في كل مكان في العالم وعربيات وطيارات من أحسن الأنواع وشركات في كل دولة ومعروفة في العالم كله انتي من أشهر سيدات الأعمال في العالم ليه بقا باردة ليه بحسك دايما قاسية... مفيش اي مبرر يخليكي باردة وقاسية كده سلطانة انتي فعلا مفيش عندك قلب انا أشك أصلا إنك إنسانة بتحسي.. انتي ليه مش زي أي بنت عيشي حياتك سيبي حزنك وألمك.. ثم تابع بقسوة كبيرة: انا أصلا أشك إنك بنت كل تصرفاتك زي الرجالة انتي بجد شايفة نفسك بنت ممكن راجل يتجوزها وتخلف وتبقى أم.. انا لما عرضت عليكي الجواز مش عشان خاطر سواد عيونك.. انا عملت كده عشان أنجح شركاتي.. متنسيش بردو إن رغم إنك مسترجلة بس شركات ناجحة وعالمية وللأسف في رجالة عامية شيفاكي بنت... أو بيبينوا ده عشان صفقاتهم تمشي.. لكن هما مش قريبين منك عشان جمالك وأنوثتك الفتاكة.. فوقي وإعرفي إنتي قاعدة مع مين أنا نيزك العامري إلى مفيش بنت في العالم كله تقدر تقوله لا كل البنات تتمني مني نظرة...
قاطعته سلطانة ببرود: إلا سلطانة
نيزك بسخرية: وانتي مالك إنتي ومال البنات... تعرفي رغم إن سحاب وسجا شبهك بس عندهم أنوثة ورقة زي أي بنت بس إنتي أشك... وكاد أن يخرج ولكن توقف على حديثها البارد
سلطانة ببرود: وانت بقا إلى هتعلمني الأنوثة... نظر لها بغضب فهي تسخر منه.. كاد أن يتحدث ولكن هي قاطعته
سلطانة ببرود: سيبك مني وإن أنا مسترجلة ومش هلاقي راجل يتجوزني وأبقى أم وكل الهبل الي إنت قولته ده... تعالي نتكلم في حياة نيزك بيه العامري... رجل أعمال ناجح شركاته من أشهر الشركات في الشرق الأوسط وسيم وكل البنات بتحبه وبتعتبره فتى أحلامها.. من الأخر كده الواد الجامد الي مفيش منه إتنين... كان هو يقف بغرور وفي داخله هذه الفتاة غبية أم ماذا فهي تقول مميزاتي هل جنت أم ماذا..فاق على صوتها القوي
سلطانة ببرود وقوة: دا بقا الي ظاهر للناس..اووه سوري للبنات فقط... انت في الحقيقة إنسان فاشل.. واحد إتخرج من كليته لقى شركات والده مستنياه عشان يمسك الإدارة معتمد في شغلك على علاقاتك القذرة مع الستات والشقة بتاعتك تشهد على كلامي.. المسترجلة الي مش عجباك دي واقفت بطولها تنقذ شركات أبوها من الإفلاس يعني يعتبر بدأت من تحت الصفر مش زيك.... أنقذت الشركات وكبرتها وعملت إمبراطورية السيوفي الي العالم كله بيتكلم عنها.. كيان كل شركات العالم بتحلم تحصل على فرصة وتعمل صفقة مع شركتنا... المسترجلة الي بتتكلم عنها كده من أشهر سيدات الأعمال في العالم كله.. إسمي مسمع في كل شركة في العالم.. الكل بيترعب بس أول ما بيسمع إسمع باين كده إنت الي متعرفش بتتكلم مع مين.. وبالنسبة لحتة إن أنا مش هلاقي راجل يعبرني... ههه انا إتقدملي رجالة ميوفقوش حتى يشغلوك عندهم سفرجي أخرهم كان أمير ألمانيا وقبل ما يطلبني للجواز كان هداني قصر وطيارة في ألمانيا ومتصممين على الطراز الحديث قصر إلكتروني من أجمل عشر قصور في العالم قصر إنت نفسك لو شوفته تتمني تشتغل فيه إنشالله حتى لو بواب القصر وغيره وغيره من الأمراء والسياسية ووزراء ورجال الأعمال المشهورين في العالم كله أعتقد دول مش عايزين مني صفقة ولا إتنين كلهم بيقدموا ليا هدايا إنت يا نيزك بيه معكش يكمل حق أرخص هدية فيهم.. بغض النظر عن الأمور المادية أنا مش بهتم بيها بس هقولك على حاجة كل الي إتقدمولي دول رجالة بجد رجالة إعتمدت على نفسها وكبرت نفسها بنفسها ومعتمدوش على علاقتهم القذرة بالستات تؤتؤ بالعكس كفحوا وإشتغلوا وبنوا نفسهم بنفسهم... انت بقا يا بتاع شقة المعادي والعلاقات الزبالة عايز تتجوزيني وزعلان أوي اني رفضتك.. ههه انا عارفة ايه دلوقتي السؤال الي بيدور في دماغك واحدة إتقدملها كل الناس دي ليه رفضتهم... هقولك عشان أنا عايزة أوصل للقمة بنفسي عشان إخواتي الي ملهمش حد غيري.. عشان حياتي الي مليئة بالأعداء والناس الي عايزة تخلص مني إنهاردة قبل بكرة وانت شوفت دا بنفسك.. أما أطمن على إخواتي وقتها بس هبقي أفكر في موضوع الجواز ده... بس أكيد لما أفكر في الجواز مش هتبقى إنت الي في بالي الي هيبقى في بالي راجل يتحمل المسئولية فاهم ياااا... نيزك بيه...... ويلا دلوقتي برا عشان مصدعة وعايزة أنام... نظر لها نيزك بغضب يكاد يقتلها ولكنه إكتفي بالنظر ثم تركها وخرج من الغرفة... أما هي نظرت لأثره ببرود جليدي وإنتصار من الداخل ومن الخارج فهي إعتادت على ذلك الحديث السخيف وتعلم أنه يقول ذلك إنتقاما منها لتجاهلها له ولكنه لا يعلم أنه بذلك لا يضعفها فهي عرفت أن التجاهل هو الأسلوب الجيد للتعامل مع تلك الأشخاص... نعم لقد أهانها وأهان أنوثتها وسخر منهما ولكنها لم تكن سلطانة إن لم تسترد حقها في نفس الوقت... من أنت لكي تهين المرأة سواء ذو شخصية قوية او ضعيفة المرأة كائن ضعيف ولكن عند الغضب أو عندما يسخر أحد منها أو من أنوثتها فسوف تريك جهنم الحمراء في الدنيا فهم من ينطبق عليهم عبارة (إتقي شر الحليم اذا غضب) أنا من قال الله تعالى في كتابه العزيز عني
( إن كيدهن عظيم) فإحذر من أي أنثى تتجاهلك أو تعاملك بنفس الطريقة التي تعاملها بها مثل اللامبالاة وعدم الإهتمام فهي كفيلة بقلب حياتك رأسا على عقب وتحويلها إلى جحيم.... ليس معنى ذلك أن كل النساء ملائكة وكل الرجال شياطين أو العكس في كل شخص خلقه الله يوجد به جانبين جانب جيد وجانب سئ ولكنها تختلف من إنسان لأخر ففي بعض الإناس يتغلب الجانب السئ لديهم على الجانب جيد فيصبحون سيئين وعدوانين ويجب نصحهم وهؤلاء الأشخاص في الرجال والنساء لا يوجد شخص كامل سواء ذكر أو أنثى.... رغم ذلك تقوم حرب طاحنة بين الرجال والنساء على مواقع التواصل الاجتماعي وكأننا خلقنا لكي نحارب ونهاجم بعضنا البعض وكأننا في معركة والبقاء للأقوي.... هذه ليست الحياة فالحياة لم تبني على العراك بين الطرفين..... ليس من حق أي رجل أن يسخر من أي مرأة أو العكس مهما كانت شخصيتها وطريقة لبسها وشكلها لا يجب أن نحكم على الشكل فنحنا ليس لنا دخل في شكلنا من خلقنا الله هو من أبدع في شكلنا الله خلق لكلا منا ما يميزه سواء في الشكل أو الشخصية أحمق من يعتقد أن الجمال يقتصر علي العيون الملونة والشعر الأشقر والبشرة البيضاء فقط نعم هم رمزيات في الجمال ولكن ليس الجمال كله....الرجال منهم من يحبون الفتاة القصيرة ومنهم من يحب الفتاة الطويلة ومن يحب الفتاة القصيرة يسخرون من الطويلة والعكس من أنتم لكي تحكمون على شئ ليس لنا دخل فيه والأغبي أن تسخرون من خلق الله... الجميع سواسية جميعنا لدينا الجمال الخاص بنا سواء رجال أو نساء فليس لأي شخص حق أن يسخر من الأخر فأنت لم تخلقه حاشة لله.. أما بالنسبة للشخصية فجميعنا لم نربي ونكبر في بيئة واحدة جميعنا لم نتربي من نفس الأب والأم جميعنا لم نتربي على نفس العادات والتقاليد جميعنا لم نتربي في نفس الظروف لكل منا حياة خاصة به لكل منا بيئة محيطة به يتأثر بها لذلك لا يجب أن نحكم على بعضنا البعض وكأننا في محكمة ومن يحكم هو القاضي وكأنه متكامل الصفات والشكل
وكما قال رسولنا الكريم صلى الله عليه وسلم
(الناس سواسية كأسنان المشط الواحد لا فضل لعربي على أعجمي إلا بالتقوى) صدق رسول الله صلى الله عليه وسلم
----------------
ذهبت سلطانة الي الفراش وتسطحت عليها وأغمضت عينيها وإستسلمت لسلطان النوم....
أما في الخارج
كان الجميع يقف بهدوء خارج الغرفة وجدوا نيزك يخرج من غرفة سلطانة وملامحه لا تبشر بالخير وجهه أحمر بشدة وعيونه الزرقاء الصافية أصبحت قاتمة اللون ومعتمة ويتنفس بعنف وكأنه كان في سباق.... عندما رأه سليم علم أنه لم يسلم من لسان سلطانة.. ذهب له سليم وجذبه وبعد عن الجميع بمسافة ليست بالقليلة
سليم ببرود: قولتلها إيه
نظر له نيزك بغضب ثم قال بصوت مرعب: قولتلها حقيقة نفسها قولتلها إنها مسترجلة وأشك إن هي بنت وو......
قاطعه سليم ببرود: وهي قالتلك ايه... لاحظ سليم أن غضب نيزك يزداد فقال بخبث وبسمة إنتصار: ايه مسحت بكرامتك الأرض
نظر نيزك لسليم بغضب وقال بغضب: ممكن تقولي مين الي إبنك انت لو متبناني مش هتعمل فيا كده
سليم ببراءة: وانا عملت ايه
زفر نيزك بغضب وقال: خلاص يا سليم انا ماشي
سليم بهدوء: رايح فين..؟!.. خليك معانا ألبرت قالي إن أدهم ظهر والكل عرف إن هو عايش واااااا
نيزك بإستغراب: وايه..؟
تنهد سليم بتعب وقال: ألبرت قالي اإن هو الي ضرب سلطانة بالنار
نيزك بصدمة: إزاي دا روحه فيها
سليم بهدوء: معرفش مستني أدهم لما يفوق ويحكيلي ايه الي حصل بالظبط عشان أفهم وأقدر أساعده
نيزك بغيظ: أقولك على حاجة.. والله حلال فيها الي بيحصلها دا دي بت باردة ومتخلفة وقليلة الأدب
سليم بخبث: دي شكلها سوتك على الجانبين قولي ايه الي حصل
نظر نيزك له بغضب وحكي له كل ما دار بينهم وغضبه وضيقه يزداد من تلك السلطانة التي أهانته بشده...
سليم بهدوء: إنت غلطان إنت مالك انت أن كانت باردة ولا مسترجلة ولا قاسية انت تعرف هي عاشت حياتها إزاي عشان تحكم عليها...
نيزك بضيق وغيظ: إنت دلوقتي مضايق عشانها.. دي مسحت بكرامتي الأرض.. المفروض تقدر إن هي أحرجتني قدام الكل بإلي هي عملته ودول كلمتين قولتهم ساعة غضب تقوم تهزقني كده أنا عايز أدخل أجبها من شعرها وأمسح بيها بلاط المستشفى بلاطة بلاطة.....
سليم بسخرية: دا على أساس إن هي هتخليك تمسكها من شعرها دا كان هيبقى أخر يوم في عمرك....... نيزك إنت بتحب سلطانة
نظر له نيزك وأخذ يفكر قليلا هل يقول له بما يشعر به عندما يرى تلك الفتاة وما يحدث بداخله من مشاعر مختلطة
سليم بهدوء: نيزك حبيبي أنا أبوك قولي في إيه مالك إنت أه عصبي بس مش كده...
نيزك بخنقة: معرفش إيه الي بيحصلي يا سليم لما بشوفها ببقى عايز أخدها في حضني وتبقى ليا لوحدي عايز أخفيها عن العالم كله مش عايزها تقرب من أي حد تعرف أنا بحس بنار لما بشوفها مع إخواتها سواء ولاد أو بنات بغير من سحاب وسجا عشان شبهها بغير من سيلا وسولينا عشان بيحضنوها بحرية بغير من ألبرت وإيفان عشان هما دايما معاها... تعرف كنت مبسوط أوي لما طلبت مني أكلم الشيخ مهران و أدخل مكتب أمجد حسيت إن هي معتمدة عليا وممكن أبقى قريب منها قلبي كان بيرقص لما حضنتها في اليوم الي إنهارت فيه عشان خبر إن أدهم عايش... أنا فعلا ممكن أكون حبيتها وعايزه جنبي ولما عرضت عليها الجواز كان عشان عايزها تبقى جنبي....
سليم بهدوء: ومين البنت العاقلة إلى تربط نفسها وحياتها ومستقبلها بواحد زيك خمورجي وبتاع ستات ولا ناسي الشقة
نيزك بندم: ياريتني ما إشتريت الشقة دي ولا حتى عرفت ستات
الشفة الي كنت مفكرها سبب سعادتي ومتعتي دلوقتي هي سبب تعاستي ونفسي أولع فيها
سليم بهدوء: إرجع لربك هتلاقي كل حاجة مقفولة قدامك ربك بيفتحلك أبوابها إرجعله هو ملجأنا الوحيد ملناش غيره يابني... أنا مبسوط إن ساران أخوك وأرسلان حالهم إتعدل وبعدوا عن الخمرة والستات وباقوا بيصلوا وعرفوا ربنا حبهم لسحاب وسولينا غيرهم وأتمنى لما يطلبوا إيد البنات سلطانة توافق الحب شئ جميل لليقدر وبس... يلا روح خدلك شاور وصلي ركعتين وإقرأ في المصحف إرجع نيزك بتاع زمان يلا يا حبيبي ربنا يهديك
نيزك بدموع: تفتكر ربنا هيسامحني على إلى عملته
سليم بإبتسامة صافية: إسمه الغفور الرحيم باب توبته مفتوح للكل في أي وقت صلى وادعي لربنا يصلح حالك ويهديك للطريق المستقيم... وإدعي كمان يجعل البت الباردة دي من نصيبك يلا..... إحتضنه نيزك بقوة وقال: شكرا..... شكرا على كل حاجة عملتها عشانا شكرا إنك أبونا الحنين الي ملناش غيره شكرا إنك دايما واقف جنبنا وعمرك ما سبتنا حتى لما غلطنا وبعدنا عن طريق ربنا فضلت توعينا أنا بحبك أوي يا سليم ربنا يخليك لينا....
سليم بحب: ويخليكم ليا.. إنتوا ولادي إلى إترجتهم من الدنيا ربنا يباركلي فيكم ومش يوريني فيكم حاجة وحشة أبدا... يلا يا واد على الفيلا... أومأ له نيزك بإبتسامة ثم ذهب إلى الفيلا وفي داخل تصميم على التغيير الي الأفضل ليس فقط من أجل معشوقته سلطانة بل من أجل نفسه أيضا لقد تعب كثيرا يريد حياة مستقرة يعلم أنه سوف يتعب كثيرا ولكن ليس مهم هو يريد رضا الله في النهاية.......
-------------
في غرفة سحاب 
فتحت تلك الجميلة صاحبة الشعر البرتقالي عينيها فأغلقتهم مجددا بسبب إضاءة الغرفة ثم فتحتهم مرة أخرى بهدوء.. ثواني وتذكرت كل شئ تذكرت كل ما حدث أخذت تبكي بهستيرية وشهقاتها وصراخها يعلو ويعلو ونزعت تلك الإبر المغروزة بيدها بعنف وحاولت النهوض ولكن ذلك الدوار التي تشعر به يجعلها عاجزة عن الحركة وأصبح صراخها يزداد بإسم شقيقتها.... دلف هو الي الغرفة راكضا ومن غيره ذلك الوسيم صاحب العيون الخضراء ساران
ساران بلهفة وخوف: سحاب إهدي يا حبيبتي إهدي
سحاب بصراخ: إسندني عايزة أشوفها قبل ما يدفنوها ونبي وديني ليها وحياة أغلى حاجة عندك يا ساران وديني ليها
حاول ساران أن يهدأ من روعها: سحاب إهدي سلطانة كويسة وبخير كمان
سحاب بغضب ودموع حارقة: انت كذاب سلطانة ماتت وسابتني لوحدي انا مليش حد دلوقتي إبعد خلينا أقوم أشوفها... ودفعت ساران بعنف ومحاولة النهوض ولكن يد ساران منعتها
ساران بغضب: فوقي بقولك سلطانة عايشة ومفيش فيها حاجة
نظرت سحاب داخل عيونه تحاول أن تبحث عن الصدق داخل خضراوتيه فوجدت حديثه صادق وعيونه لا تحكي سوي الصدق فقط.....
سحاب بلهفة وأمل في أن أختها على قيد الحياة: بجد إنت شوفتها ولا بتضحك عليا... ساران متهزرش ونبي إنت بتتكلم بجد صح...ساران ونبي... جذبها ساران لأحضانه بعنف وإحتضنها ويتمنى أن يزول آلمها حتى لا يرى تلك الدموع التي تحرق قلبه قبل وجنتيها.. أما سحاب فإحتضنته أيضا ثم بكت بعنف على شقيقتها وتوأمها وظلت تبكي وتبكي وشهقاتها تعلو فمازالت تظن أن أختها سوف تتركها وحيدة فسلطانة بالنسبة لها الحياة ومن بها..... فالأخت أو الأخ لا يعوضون حتى لو كان العالم كله بجانبنا فهم الحياة بالنسبة لنا مهما حدث بين الإخوات من مشاكل وإختلافات وصراعات اذا وقع أحدهم بمشكلة يكون الثاني ظهر له وسند يقف بجانبه ويحميه ويجعله يقف على قدميه من جديد فالأخ أو الأخت هم أفضل الأصدقاء هم أفضل من تتحدثي معهم عن مشاكلك بعد الأب والأم فهم من سوف يفهمون حياتك ويحلون لكي مشاكلك هم توأم الروح ونصف القلب هم السعادة وكل شئ جميل بهذه الحياة بعد الأب والأم.....
كان ساران مبتسم لأن حبيبته بين أحضانه مستكينة بعد أن هدأت من نوبة البكاء التي أصابتها كان ممسكا بها يخشي أن تبتعد عنه لا يريد أن تبتعد عن أحضانه.... بعد فترة من الوقت ليست بقصيرة فاقت سحاب من شرودها بشقيقتها وعلمت أنها بأحضان ساران زير النساء فابتعدت عنه ودفعته بعنف حتى كاد أن يسقط ولكنه تماسك....
سحاب بغضب: إنت إزاي تسمح لنفسك إنك تحضني بالشكل ده
ساران بهدوء: سحاب إهدي إنتي كنتي منهارة ودا كان الحل الوحيد
تجاهلت سحاب حديثه وقالت ببرود: أوضة سلطانة فين
ساران بهدوء: تعالي معايا..... ثم ذهب بإتجاه الباب وقبل أن يخرج إلتفت لها وقال: سحاب انا بحبك..... نظرت له سحاب ببرود خارجي وقلب يتمزق من الداخل فهي تحبه لالا بل تعشقه ولكن ما تعرفه عنه يجعلها تبتعد عنه دون أدنى تفكير وليس ذلك من المعلومات التي حصلت عليها سلطانة فقط لقد علمت أن الصحافة تلتقط له العديد من الصور وتتحدث عن نزواته مع النساء وليس هو فقط بل هو وأخيه وصديقه أرسلان مما جعلها تشمئز منهم جميعا... قالت ببرود: وانا مش قابلة الحب ده
نظر لها بصدمة وحزن وقلب يتمزق هل رفضت حبه للتو لقد تغير من أجلها لقد إمتنع عن الخمر والنساء منذ أول يوم رأها به لقد قرر أن يتزوجها ورسم في مخيلته حياتهم الزوجية وأطفالهم وكل شئ وهي بكل سهولة دمرت أحلامه وحطمت قلبه... أومأ لها ببرود وسار ساران بشموخ وخلفه سحاب تنظر له بندم وعتاب وحب وإشتياق وكثير من المشاعر المختلطة.... أخذها الي غرفة سلطانة فوجددت الجميع بالخارج فذهبت لها الفتيات وإحتضنوها بحب وخوف وأيضا سجا التي كانت في الأسفل مع جدها حامد لدفع حساب المستشفى رأتها سجا ركضت ناحيتها وإحتضنتها بحب أخوي وخوف عليها أيضا
سجا بخوف: سحابي إنتي كويسة يا قلبي
سحاب بإبتسامة: كويسة يا حبيبتي...... سلطانة فاقت؟!!
سيلا بإبتسامة: اه فاقت بس تعبت شوية ونامت تاني
اومأت سحاب بهدوء... ثم سلمت على سليم وعائلته وإطمأن الجميع عليها وعلى صحتها...
إيفان بمرح: أبو السحب خد دول عشانك على الله يطمر فيكي
سحاب بحاجب مرفوع: هيطمر يا روح خالتك هات يلا
جذبت منه كيس كبير يحتوي على طعام لها جلست على إحدى المقاعد الموجودة وفتحت الكيس وأخرجت محتوياته كانت عبارة عن وجبات سريعة وأكلت هي والفتيات وأيضا أطعمت ألبرت وإيفان معها غافلة عن ذلك العاشق التي تحرقه نار الغيرة
بعد دقائق ليست بقليلة إنتهت سحاب من طعامها وإنتبهت لمجيء أدهم المتلهف لرؤية سلطانة الذي علم ان صغيره بخير من همس وأولاده
أدهم بلهفة: سلطانة فين.. أخبارها ايه... كويسة... فاقت وإتكلمت معاكم....ساكتين ليه حد يرد عليا
سليم بهدوء: إهدي يا أدهم سلطانة بخير بس نامت شوية
أدهم بدموع: انا لازم أشوفها بعيني..... وذهب الي الغرفة وكاد أن يفتح الباب ولكن يد ما منعته ولم تكن سوي يد سحاب وسجا كانوا ينظرون له بغضب وعيون حمراء كالجمر
سجا بفحيح كالأفعي: رايح فين
أدهم بإستغراب: داخل أشوف بنتي
سحاب بنفس الفحيح: مش لما تبقى بنتك
أدهم بإستغراب: يعني ايه الكلام ده
سجا ببرود: يعني ملكش دعوة بينا احنا مش بناتك...كفاية أختنا الي كانت بين الحياة والموت بسببك
سحاب ببرود: إحنا مش عايزين منك حاجة غير الي إحنا عملناه يعني الشركة الي في مصر والشركة الي في روسيا دول بتوعك وبتوع ولادك إنما إنا وإخواتي تعبنا في باقي الشركات ودا حقنا
نظر لها أدهم بحزن هل فتياته تكرهه الأن لا يريدون الإختلاط به لا يريدون رؤيته مجددا نعم هو المخطئ لقد كان أعمى البصر والبصيرة عندما قام بإطلاق النار لم يكن يقصد صغيرته ولكنها هي من وقفت أمام ذلك العجوز الذي يريد أخذهم منه....
إبتعد أدهم بحزن عن باب الغرفة ونظر لهم بحزن وسالت دموعه على وجنتيه كانت كالأمطار.....
حامد بهدوء: بنات يلا روحوا جهزوا هدومكم وكل حاجتكم وإنقلوا على القصر بتاعي يلا
سجا بهدوء: انا كلمت حد من الخدم من الي في البيت وجهزوا الشنط بتاعتنا وبتاعة سلطانة كمان
سحاب بهدوء: تمام وانا هبعت حد ينقلهم قصر جدو.... وبالفعل إتصلت سحاب بالحرس الخاص بها وفعلوا ما أمرت به
سليم بهدوء: سلطانة طلبت كلنا نتجمع في الفيلا وقالت لازم نعيش في بيت واحد
سحاب ببرود: نتجمع في فيلتك يا أونكل سليم لكن نعيش في بيت واحد دا مستحيل.... صمت الجميع ولم يتحدث أحد لكن بينهم الكثير من النظرات التي تعبر عما بداخلهم
-----------------------------------------------------------
خارج المستشفى توقفت سيارة أيهم الدمنهوري
ودلف المستشفى بلهفة وذهب راكضا الي موظف الإستقبال وكاد أن يسأله عن غرفة سلطانة فقد علم من مصادره الخاصة أنها بخير ولكن قبل أن يسأل موظف الإستقبال وجد من يجذبه من ذراعه الي أحد الأركان بعيدا عن أنظار الجميع
أيهم بغضب: ايه في ايه
......... : انت اتجننت جاي لحد هنا برجلك
ايهم بغضب: بقولك ايه انا جاي أشوف سلطانة وأطمن عليها ابعدي من خلقتي بقا
جذبته مرة ثانية وقالت: بطل غباء بقا... سلطانة بخير متقلقش عليها وبعدين الي زي دي بسبع أرواح ميتخفش عليها
نظر لها أيهم بغل وكره وقال: أقسم برب العزة لو طلع ليكي يد في الي حصلها لأخليكي تقضي الليلة دي والي باقي من عمرك في قبرك
المجهولة بغضب: اسمع يالا انا مبخفش منك وشغل الزعيق والشخط دا ميكولش معايا انت فاهم ومتنساش انا أمك فالأخر
أيهم بغضب: بالله لو كنتي مين لو فكرتي تأذيها لأندمك على اليوم الي فكرتي حتى تحطيها في دماغك فاهمة
المجهولة ببرود رغم خوفها من ذلك العاشق المجنون: فاهمة بس متنساش إتفقنا تخلصني من الثلاثة بنات سلطانة تبقى ليك
ايهم بغيظ: فاكر إتفقنا كله مبنساش... عايزك تحطي كاميرات في أوضة سلطانة الي هنا عايز أشوفها
المجهولة بضيق: انت أكيد إتجننت إفرض إتكشفت
ايهم ببرود: هتعملي كده غصب عنك انا عايز أشوفها
المجهولة بغيظ: انت مجنون صح.... وبعدين تعالي هنا انا عرفت انك قابلت سلطانة
ايهم ببرود: ملكيش فيه دا شئ يخصني... انا مضرتكيش كلامي يتنفذ والا انتي عارفة انا ممكن أعمل إيه.... ثم تركها ورحل ببرود اما هي فظلت واقفة تشتعل من شدة الغضب والغيظ من ذلك المجنون المتهور
-----------------------------------------------------------
في فيلا أسد الجارحي
........ : حبيبي الي وحشني موووت
اسد ببرود: ايه الي جابك هنا يا زفت الطين يا زين
دفعه زين بخفة ودلف الي الداخل وجلس على الأريكة ووضع قدميه على لأريكة الأخرى وهو مازال يرتدي حذائه وشرب من قهوة أسد ثم تحدث بزعل مصطنع: إخص عليك إخص بقا انا سايب القصر وشغلي والمزة چيچي وجايلك وانت تقولي ايه الي جابك لا انا زعلان منك.. ما تقولي حاجة يا منى
أغلق أسد الباب وذهب بإتجاهه وأزال قدمي زين بعنف وجذبه من قميصه من الخلف: ولااا الشغل دا مش معايا ايه الي جابك هنا وعايز ايه... وبعدين ايه مني دي هي بتلعب معاك في الشارع
زين ببراءة مصطنعة: بصراحة يا سيد الناس چيچي عملتها وجيبالي عروسة وعايزة تجوزني غصب
أسد بسخرية: وانت جايلي ليه بقا ايه هستر عليكي وأتجوزك يا حلوة ولا ايه
زين بغضب مصطنعة: ولاااا لا مش عشان عيني خضرا وشعر أشقر هتفهمني غلط لاااااااااا دا انا من عابدين يا فضائين
أسد ببرود: برا يا حيوان....انا مش ناقص هبل برااا
زين بإستفزاز: قاعد على قلبك مش هسيبك.... ثم تابع بصوت أنثوي: والله أرفع عليك قضية نفقة وأجرجرك في المحاكم اه أومال ايه انت مفكرني ايه هتاخدني لحم وترميني عظم
ضحكت مني بقوة على حديث ذلك الولد المشاغب
زين بغمزة لمني: حلاوتك يا واد يا شقي
أسد ببرود: اتلم يالا ويلا طلع شنطتك فوق ومشوفش وشك دا هنا مش عايز أقابلك انت فاهم.... ثم تركه ودلف الي غرفة المكتب وأغلق الباب بعنف إنتفض على أثره زين ومني
مصمص زين شفتيه وتحدث بهمس لمني: عنيف سي أسد يا أوختشي
مني بضحك: ههههه أوي يا ضنايا....زين إبعد عن أسد دا لو إتعصب عليك هيرميك من البلكونة ولا هيهمه حد
زين بضحك: هههه تعرفي يا منى رغم معاملته القاسية معايا بس بحس ان هو بيحبني ويخاف عليا وانا كمان والله بحبه أوي ونفسي يعاملني كويس
مني بتنهيدة: ربنا يصلح حالكم ويهديكم لبعض قادر يا كريم
زين بمرح: يا رب ياختي.... الا قوليلي يا منى عاملة ايه على الغدا إنهاردة
مني بإبتسامة: عاملة الحلو كله تعالي أوريك.... وأخذته مني معها الي المطبخ غافلين عن ذلك الذي كان يقف في الخفاء ويستمتع الي حديثهم ابتسم بألم وقال لنفسه: وانا كمان بحبك يا زين بس غصب عني أنسى الي عيشته.....اااااه يا رب ريح قلبي.............
----------------------------------------------------------
في إحدى مدن الصعيد في قنا
في قصر الشيخ مهران الراوي قصر واسع وكبير للغاية تحيط به الحدائق من جميع الإتجاهات يقف على بواباته الكثير من الغفر الذين يحرسون القصر.... في الداخل كان يجلس الشيخ مهران فهو رجل في نهاية العقد السادس من عمره رجل ذو قامة طويلة وملامح رجولي حادة ذو بشرة برونزية وعيون بنية اللون وذات لحية سوداء يشوبها بعض من الشعر الأبيض مما زاده وسامة و جولة رغم كبر سنه... يجلس في بهو القصر يتطلع الي صورة إبنته المتوفية بحزن لقد كانت طيبة القلب لم تؤذي أحد بحياتها كل ذنبها أن لديها إبن عم فاسد وليس لديه أخلاق لا يخاف ربه
تقدم لها وطلب منها الزواج وهي رفضت فإغتصبها وأضاع مستقبلها وفر هاربا ولكن ذلك الغبي لم يتوقع أن تكون هي حامل نعم لقد حملت وحاربت الجميع حتى لا تجهض طفولتها ووضعت إبنتها ولكنها لم تتحمل الولادة وتوفت أنجبت فتاة جميلة ذات ملامح أنثوية رقيقة وبريئة ومشاكسة مع جدها فقط ولكن مع الغرباء فهي شرسة وسريعة الغضب يخاف منها الجميع فهي من تدير جميع أعمال جدها في قنا والقاهرة يهابها الجميع ذات شخصية قوية تسعي للإنتقام من مَن إغتصب والدتها وتركها بحثت عنه كثيرا ولكنها لم تجده.... فاق من شروده على فتاة تجلس بجانبه وتحتضنه وتقبل وجنته بمشاكسة فمن غيرها هذه حفيدته لمار
لمار بمشاكسة: صباح الفل والجمال عليك يا مهران
مهران بضحك: صباح الخير يا بكاشة هانم
ضحكت لمار على حديث جدها وقالت بخبث: الا قولي يا مهران... كنت بتكلم مين الساعة واحدة بليل
مهران بتوتر: هاا...دا واحد صاحبي متعرفهوش
لمار بخبث: وصاحبك دا اسمه سلطانة
مهران بتوتر وخوف: لمار.... اااااااانا عرفت مكان.... أمجد الراوي
لمار بغضب: فين قولي فين عشان أطلع بروحه
مهران بحزن على حال حفيدته: في القاهرة هتروحي لواحدة إسمها سلطانة السيوفي دا عنوانها هي تعرف مكانه
لمار بغضب: والله وجه يومك يا أمجد الكلب محدش هيرحمك من الي هعمله فيك......
-----------------------------------------------------------
في فيلا أمجد الراوي
كان يجلس في بهو الفيلا يرتشف من كأس الخمر بهدوء ثم سمع صوت يأتي من مكتبه فذهب الي مكتبه بحذر وأخرج مسدسه فتح باب المكتب بهدوء وما إن فتحه حتى صدم مما وجد
أمجد بخوف: نهار إسود ومهبب......
--------------------------------
صلوا على النبي محمد صلى الله عليه وسلم ❤️
بليزز فولو وتصويت للبارت و أيكم في كومنت😊💙🌹