اسم الروايه :النور والادهم

الفصل الرابع عشر

صلى على رسول الله

فى مقر الذى يجتمع به العصابه الصغيره تحت السلم 😂😂
(خالد وخلود وأدهم ومى وأحمد  وحمزه فى العصابه بس هو مش موجود دلوقتى )
خلود  (شراره) خالد  (ولاعه) أحمد  (أبو الغضب)
مى (بنزينه ) أدهم  (الزعيم) حمزة  ليسا محدش طلعله لقب
أدهم :ها حد عنده فكره
مى :إى يا شرارة هانم مندكيش أفكار
خلود :ما هو كل الأفكار بتاعتى نفذناها قبل كدا
أدهم :إى يا أبو الغضب فين أفكارك يا جدع
أحمد :والله لو منى أجيبها من شعرها بنت نجيب سويرس دى وبعدين أحطها فى الغساله على شان البويه يالى حطاها على وشها دى تروح
خالد :ما هو لو فى عضو جديد ينضم للحزب ينورنا بأفكاره الجديدة،
فكر أدهم فى نور وقال :وأنا عندى حد هيخلى شهد تجيب ورا على طول
مى بحماس: مين مين يا زعيم
أدهم :هتفق معاها واجبها بكرا ومش بعيد تبقا الريسا علينا دى مصيبه بجد. .أحمد :هى مين دى يا زعيم.                        أدهم :بكرا هتتعرفوا عليها يلا كل واحد على أوضته                   مى بتذمر كالأطفال :لا أنا عايزه أعرفها مليش دعوة.                 أدهم :يا بنتى أنت أكبر منى لى بتحسسينى إن أنتى طفله دا ولادك أعقل منك والله
خالد :تشكر يا رجولة
خلود ببلطجيه :واد يا أدهم، أنا بوظت تليفونى وعيزاك تجيبلى واحد جديد
أدهم :أنا لى حاسس إن انا بقيت مهزاء منكم أنا خالكم على فكره.
خالد بسخريه :دا أنت بتاخذ عقلك بعقلى أنا وخلود يا عم إتنيل
أدهم :إتنيل ماشى يا خالد،  انا قايم على شان هيبتى طارت فى الهوا
مى ركضت ورائه:إستنا يا زعيم مش سيباك غير لما تقولى هى مين
أدهم :هخاليها مفاجأة
مى :أوووووف دا أنت دماغك حجر طب يلا يا شرارة هانم يلا يا ولاعه تناموا على شان وراكم مدرسه
خلود وهى تتصنع التعب :آه بطنى مش عارفه وجعتنى فجأه لى
خالد وهو يمسك ظهره:والله انا كمان بطنى بتوجعنى فجأة كدا لى
أحمد بسخرية :أنا على حسب نظرى شايفك ماسك ظهرك مش بطنك
خالد ووضع يده على بطنه وقال :آه يا ظهري
أدهم بغضب؛ هعد من واحد لثلاثه لو لقيت حد فيكم قدامى
هرميه من الشباك
الأطفال وهم يركضون :ربنا على الظالم والمفترى
أدهم :أنا ظالم يا ولاد الهبله ،مى:الهبله جمبك على فكره
أنا طالعه أشوفهم بيعملوا إى
أدهم :ربنا يكون في عونك يا بنتى

فى صباح اليوم التالى
فى فيلا الكيلاني

مثل كل مره نور نايمه ونهى بتصحيها بطريقتها ،ذهبوا إلى طاوله الفطار ،
نور :هو حماده فين يا فاطمة
ردت عليها فاطمه:البيه جالوا سفريه مستعجلة وسافر بالليل
نور بغضب :يعنى سافر من غير ما يقولنا ماشى يا حماده
صفاء وهى تجلس بغرور :كلى وأنت ساكته يا بت أنت
نور قامت بغضب:مش طافحه وقامت من على السفره
بغضب كانت ستذهب ورائها نهى ولكن منعتها هدى وقالت
أنت مش عارفه نور ولا اى هى بتدايق دائما لما بابا بيسافر حتى لو قايلها،
صفاء بصراخ:بت أنت إخرسي خالص مسمعش صوتك ناقصه قرف انا على الصبح.