زواج بشروط

البارت (٢٦)

يوم الفرح
-سعيد مع علاء فى البيت
(علاء):كدا كويس يعنى اعجب !
-ينظر له سعيد باستهزاء ويقول :ياعنى لو قولتلك لا ايه مش هتتجوز.
(علاء): تصدق انك بايخ طيب ارفع معنوياتى وقولى كلمة كدا تشجعنى .
(سعيد):اشجع ايه هو ماتش كورة ..
(علاء):اه طبعا ماتش وهنفرد بيه .
(سعيد):والله مخك ضرب كويس على قد كدا هنجوزك ونخلص. وبعد كدا اخلص دا العروسة مش هتعقد قدك .
(علاء):رخم
(سعيد):نتكلم جد بقى
(علاء):عايز ايه .ولا هتدينى شوية توصيات ويغمز له  .
(سعيد):أنا مش هقولك غير حاجة واحدة حافظ عليها ، ،وعاملها كويس.ومتفرضش فيها أبدا.
-ليهزعلاء راسه  بنعم . فهو يعرف فيما يفكر صاحبه.

-عند شهد ومريم
(شهد):ماشاء الله طالعة ذى البدر يابت يامريم.
(مريم):بجد يا شهد ياعنى هعاجبه.
(شهد):نعم مين دا .دا كفاية الفضائح ياأختى اللى عملها هو كان يطول .
(مريم):ربنا يخليكى ليا يارب .وانتى ايه مش هتلبسى .

-لتفكر شهد فهى لم ترى الفستان حتى الآن وهو لم يحاول أن يحتك بها منذ أن حضر من المول فهو ترك لها الفستان .كان يتعامل مع الكل عادى ولكن معها تجاهلها .كما قيامه بإحضار بعض الاشياء ووضعها فى غرفته وقيامة بإغلاقها مما جعل عندها فضول فى معرفة ماذا يفعل .لتفيق على صوت مريم .

(مريم):سرحتى فى ايه مش هتقوليلى لون الفستان ايه .

-لتتوتر شهد وتهمس بصوت منخفض  ياعنى أنا اللى عارفة لتقول خليها مفاجئة هروح البس واجيلك .

-لتنظر لها مريم باستغراب وتقول مالك ياشهد كل ما اقول خلاص هاتعيش حياتك ألقى فى حاجة لخبطت حياتك ربنا يستر .

-ذهبت إلى غرفتها لتفتح الشنط لتفتكر  مما فعله سعيد عندما كانت فى المحل لتهز رأسها وتقول قليل الادب .لتخرج الفستان وتنبهر من لونه فهو فستان بلونين نصف زيتى متداخل مع لون ذهبى والنقاب ذهبى وكذلك الجزمة .

-لتستغرب من جماله لتجد داخل الشنطة رسالة لتفتحها (متزعليش منى أما قولتك لا. بس مش هقدر ياشهد أن حد ممكن يشوفك كدا بس اكيد الفستان اللى جبتوهلك دلوقتى هيخليكى ذى الشمس فى جمالها كونى شمسى ياشهدى )لتبتسم شهد فهاهو يعتذر لها .

-لتلبس الفستان وقد أصبحت غاية في الروعة وتدخل عليها نادية لتشهق وتقول الله اكبر ايه الجمال دا كله .

-لتنظر لها شهد وتقول بجد ياماما .لتنظر لها نادية بجد ايه دانت. العروسة مش مريم .لتدخل مريم فى وقتها وتتنح أمامها فهى  جميله فعلا لتقول..

(مريم):لا كدا كتير أنا مش خارجه وتنظر الى امها وتقول حد قال لكم انى أنا العروسة مش هى .

+لينظروا لها وينفجروا فى الضحك وتقول نادية بس يابت وتنظر الى شهد وتقول هو سعيد اللى جابك الفستان .لتهز رأسها بنعم .لتضحك وتكمل يبقى يستحمل اللى هيشوفه .