سلالة العنفوان ..(ذنب عيناك)

الذنب السادس عشر

اني عشت سنه بخوف وترقب وقلق ...سيدي اني اني سنه كامله من عمري تدمرت بيها سنه تعادل سنين من عمري...
عشت بكهف مو بسجن ...انحبست انفرادي اتخبلت عقل ما ضل براسي احجي واهلوس
اسولف علئ نفسي اسمي واقره ايات ما اعرف ليلي من نهاري
وزني صار اربعين كيلوو عايشه علئ عهد الذكريات اني احس مجنونه ومريضه
ما اكدر اتحمل طاقه فوك طاقتي لحد الان ما طالعه من ازمت السجن حتئ ادخل بازمه ثانيه
سيدي زواجك مني ما يشفيني كد ما يجرحني...ولا يطيب خاطري ...
ما اعرف سبب عدم اعترافك بيه كدام اهلك وناسك هذا الزواج راح ياخذ من تفكيري هواي
اني افكر بمنو ولا بمنو باخواني بابويه لا ببيتنه لنهدم لو بزواجنه الشكلي...
اني لحد الان ما اكدر اتجاوز صدمة ذاك الموقف من شفتهم يكهربون بابوي ولا انسه اخويه من فقد من الضرب وهم يركضون وراه مثل الجلاب و وكع بيدهم طفل...
سيدي اني مريضه نفسيا لحد الان اكمز واخاف وانرعب ما اكدر انجمع وياك بغرفه والزواج بهاي الفتره مو حل صدكني ...
اني شلون احضر لعرس وفرحه واني الفرحه ميته بداخلي البنيه بيوم عرسها لازم تكون فرحانه واهلها وياها مو اني مكسورة واهلي ما ادري بيهم وين ما وين ..
اني بقايا رماد بقايا انثئ ما تفيدك والله
احتضن اكتافي وجر نفس واني يا قربى كل ناسج واهلج انه لان ادحكج وحيده اريد اكون الج سند انه ما اكدر اعوفج بنص الانقاض وما انقذج ..انه اريد ارمم بگايا الرماد...
سحب نفس عميق وركز بوجهي...انه ما اكدر اتخيل روحي بدونج انه لو تضلين كاعده بصفي مثل الطفل ما راح احجي احس روحي تحبج وتريدج
بجيت بصوت عالي...اخاف تغدرني سيدي
رد...اليحب ما يغدر يا قربان
جاوبته بدموع...انغدرت من قبل
جاوب...ما يعرفون قيمتج الغدروج اطهر عشك انتي يا قربان
أردف بصدق...تعرفين انه ما جبتج هينا اول ما طلعتي من السجن وانه رجعت للغربيه اهجس الدنيا غيمت بعيني وهمست النفسي الطاهره العفيفه رجعت بأمان لحضن جدتها وبعد مو بحاجتك
اشر علئ نفسه...جنت اتمنئ الطريق يطول تا اشبع منج انه انه جنت اريدج وبالي كله عندج ومن خابرتي حسيت انطيتيني حافز تا ارجع احصل علئ قربانتي قبل ما اضيعها...
جاوبته بحيرة...صدك تحبني سيدي
رد عليه بعد ما مسح دموعي...ليش اهاجس ما تصدكيني من احجي انه مو شاعر انه نقيب يعني ما اكدر اسفط بالحجي بس هل كلام نابع من روحي وانتي اول وحده اصارحها بمشاعري...
انه جنت قافل علئ عقلي لا تحب لا تعشك انت تعرف مصيرك بس كلبي خذلني و وكع بمصيدة حبج انه ما اكدر انكر هذا الشئ...
سكتت ما عرفت اجاوبه بعدها كتله...زين اني اهلي يدرون بهل زواج انت اهلك ليش ما عندهم علم
رد عليه...ما عندهم علم لان انه خايف عليج عجل الي صار وياج شويه اكو اسباب مخفيه عنج ما اكدر افصح عنها لان اذا فصحت عنها اخسرج هساع
انه اريد وقت بس اثبت برائة سليم والتهمه الباطله وبعدها اعلن هل شئ لان انه ما اريد بيت الشامخ يكون عندهم مستمسك ضدي...
رديت عليه..سيدي اخاف ما يرضون وبعدها يجبرونك تتركني واضيع من صدك
جاوبني...انه ما اتركج لو تحالفت عليه الامم انه بهل دنيا ما يهمني غير رضا امي وامي اكيد ترضا لان هي تريد ابنها ياخذ الي يحبها...انه اتركج بس بحاله وحده
رمشت باستفهام...شنو سيدي؟
جر نفس كال...اتركج بحال متت واندفنت و وعدج اذا متت عيني ما تغمض تضل شابحه عليج...
حطيت ايدي على شفايفي...لا تحجي هيج سيدي ترعبني لا تطري الموت فدوه لحد الان منظر جثة امي ببالي وهل شئ معذبني تعبت واني اشوف الناس الي تحبني تموت
سحب ايدي وباس باطن كفي وبعدها خله ورجع الوحده للبيت...
ارتجيت علئ الشجره والدمعه بعيني هو ضام عني شئ بس ما اعرف شنوو ما اعرف سبب اخفاء زواجنه عن اهله
فكرت يجوز عنده اعداء ويشتكون علينه ويخلونه يطلكني...
رجعت وراه لكيته كاعد يحضر بملابسه وبشه وبطه يساعدنه وهو يضحك وياهن
كلهن..دام ساعدتني خليني اكرمجن
طلع فلوس من محفظته وانطاهن هنه نفسهن عزيزة رغم الفقر ما قبلن ياخذن هو امرهن بغضب مصطنع...اخذن اخذن لا تورن كلبي هي مصكوعات
اخذن الفلوس مكيفات كالن ...غربه ريلج طانه فلوس راح نشتري ملابس للعيد شكد حباب الله يخلي لامه ويرزغه «يرزقه »
ضحكت...بالعافيه حبيباتي
دخلت عليه هو ما اهتم الوجودي بعدها طلع فلوس كال..اشتري ملابس للعيد وهاي فلوس خلي لبنيه هاي الي بعمرج هم تشتري
اخذتهن بخجل...شكرا سيدي
تجاهلني وضل يسفط بملابسه بالجنطه ويدخن ضليت واكفه محتاره واني لازمه الفلوس
وبعدها طلعت ما انطيت الفلوس العسوله
كلت يجوز تستنكف او يحز لخاطرها كلت من نروح اني وبيبي للسوك ناخذها ويانه وانطي الفلوس لبيبي هي تشتري الها حتئ من تسأل بيبي بيبي دكولها من فلوسي...
هو باجر الصبح يلتحق لبغداد ما يرجع للغربية لان كال عنده شغل وكطع اجازته
كعد الصبح بدل ولبس ملابسه العسكريه واني طلعت برا انتظره هناك
جنت واكفه بنص المزرعه لابسه ثوب ماروني وبي نقط سود وبالصدر بي سحاب علئ طوله...وشعري مكفش كل عاده
من شفته طلع درت متوترة من وجوده كأني ما اريد اودعه
هو مشه عني خطوات متضايق من برودي،وردات الفعل ...
باوعتله بامتعان طوله وجسمه وهيبته كل شئ بي غير هو اماني وامتناني...
صحت عليه بصوت عالي...سيدييي
دار وجهه عليه بسرعه وباوعلي بنظرات مستغربه
ابتسمت متوتره منه وتكلمت بصوت مسموع وبلهجتة الغربية الاحبها...حدر هينه تا احبببك
تغيرت ملامحه وابتسم ببتسامه جانبيه وتنهد رجع بخطوات سريعه اليه وتقرب مني همس بهدوء...العشگ نظره يا قربان
همست...سيدي ديونك عليه مثل الفايز لو انطيك روحي  مراح اوفيك
ضحك ونزع بيريته ولبسنياها خليت ايدي عليها بتوتر  كال...ول ول يقربان انه افديج بروحي انه لمديون الج
تنهدت وبلعت ريكي احس الدمعه حتوكع من عيني ...انت وكفت ويايه هوووايه انت تفصل واني البس والتريده يجرالك
باوعلي بنظرات حلوه وملهوفه وهو يتنقل بنظره لانحاء وجهي ...
ضحك كال...تدرين انتي چثير حلوه ولو اسولف سالفتي لواحد راح يگلي عليش صابر عليها هلكد
شايفه روحج وانتي لابسه البيريه ؟ عيونج البريئه وجهج الملائكي ..شعرج الي تناقضت العالم عليه انه احبووو ..انتي بنيه تچتلين چتل
بس انه يقربان ما اريدج جسم ولا شكل انه اريدج روح لو تضلين طول عمري محدره عندي مراح احجي...
وين الكه انسانه مثل قربان بحنيتها وبجمالهاا ورقتهاا واحساسهاا وصدق مشاعرهاا
كمل بلهفه...يوووول انتي وارتني ور وما تدرين بروحج
فتحت شفايفي حتئ احجي حط ايده كدام وجهي يمنع كلامي كال...فكري واي قرار ترسين عليه انه راضي بي مهما يكون
ان شاء الله اذا جان جاوبج ايجابي انه اسويلج احله عرس بالبصره واجيبلج احله بدله وما اقصر وياج ابد