وعن القلب إذا غَوَّي "عشقت مخادعة"

الفصل الثلاثون🫂

"سبحان الله وبحمده سبحان الله العظيم"

إستيقظ محمود على طرق الباب ليتأفف بضيق: أوووف، الصبر يــــــــــــــــارب
وضع الوسادة مرة أخري على رأسه، ولكن صوت الجرس لا يتوقف بدأ يتقلب بعنف، ليقف وهو يقول بضيق: لاء مبدهاش بقا

تحرك والغضب يملأه ثم فتح الباب بغضب ليجدها تقف مثل كل يوم، صرخت وهي تراه عاري الصدر: إيه ده، يا سافل
نظر لها محمود بضيق وهو يقول: همس الحياة مش نقصاكي عايزه إيه

نظرت له بحنق ثم دفعته ودخلت المنزل، من ثم إزاحت تلك الحقيبه التي كانت ترتديها وهي تقول: إدخل خد دش عما أجهز الأكل وتروح تاكل عند مراد، مراد الصغير كان بيسأل عليك إمبارح
نظر لها بضيق ثم أغلق الباب وهو يقول: وأنتي إيه إلي عرفك ولا جاية تصدعيني وخلاص

تجاهلة النظر إليه وظلت ترتب تلك الأريكة، وهي تقول ببرود: يا عم إعتبرها زي ما تعتبرها يلا إدخل خد دش ريحتك وحشه
مسك محمود علبة سجائرة من على الطاولة ووضع واحده بين أناملة، لتأخذها همس بسرعة وهي تقول: إفطر الأول

نفخ محمود بضيق وهو يقول بغضب: حد قالك أنك أمي ولا وصية عليا
نظرت له بتحدي وهي تقول: إعتبرها زي ما تعتبرها، ولو ما دخلتش الحمام دلوقتي هدخلك بنفسي
رامقها بغضب ثم ذهب نحو المرحاض وهو يقول: أنا هدخل بس علشان نتفض من موضوع كل يوم، وصدقيني هتزهقي

قالت بصوت عال وهي تتجه نحو المطبخ: تلت شهور وعندي إستعداد أكمل كمان تلت سنين وتلاتين سنه يا محمود يا غالي وأنت إلي هتزهق، بقولك لما تخرج فكرني أكلمك في موضوع عـمـر

.....

في قصر آلسواحي....
هبطت سيلين دراجات السلم وهي تنظر في هاتفها كي تتصل على بتول، بينما تمسك بطنها التي تتكور أمامها، جاءها صوت بتول وهي تقول: إمممم
قالت سيلين بغضب شديد: بتـــــــــول أنتي لسه نايمه

وقفت بتول من السرير بفزع ثم نظرت للهاتف ووضعته مرة أخري على أذنها وهي تقول: بسم الله الرحمن الرحيم، سيلين
قالت سيلين بضيق: إيه سمعتي صوت عفريت، فيه إيه يا بتول دا كله نايمه

قالت بتول بنعاس: إيه يا سولي يوم من نفسي، وبعدين أنتي إمبارح مصحيانا كلنا جنبك علشان شوية مغص و

كانت سيلين تمشي في القصر لتصدم فجأة في عمود يقع تقريبا في منتصف القصر، لتعلوا صرخاتها: أاااااه
بينما بتول لم تكمل حديثها بسبب تلك الصرخه لتقول بتول بقلق: سيلين حبيبتي مالك، سيليـــن، بتولدي يا سيـــلين، سيــــــــــلين..