- هو انا قرفانه كدا ليه؟
- لا طبيعي متقلقيش
- لا استني .. عاوزه ارجع
- طيب قومي الحمام
- لا مش قادره .. هات الباسكت بسورررعه
بعد نص ساعه :
- هترجعي ولا ملكيش نفس مش فاهم ؟!
- انت بتزعقلي ليه ؟! هو إللى انا فيه دا بمزاجي مش انت السبب؟
- نعم .. انا الل مخليكي عاوزه ترجعي ؟!
- إللى فى بطني دا جيبته من السوبر ماركت يعني ؟
- دا انتي لسه مكملتيش شهر ونص حمل
- مسمعتش عن الوحم والترجيع
- والله انا مش دكتور نسا وولاده
- وهو مش محتاج شهادات اتعلم من الواقع..
- طيب وبعدين امتى هترجعي مقعداني جنبك نص ساعه ترجعي ومبترجعيش ..
- وأنا اعملك ايه انا عاوزه ارجع ومش عارفه ..
- طيب يا حبيببتي الباسكت اهو معاكي والمناديل معاكي ولما تخلصي اندهيلي
- لا رايح فين خليك جنبي علشان ارجع بسرعه
- على اساس انا محفز ترجيع
- اهو .. اهو .. هات الباسكت بسورررعه
بعد ٣ شهور حمل :
- عاوزه اشرب
- مش انتي لسه شاربه من ٥ دقائق وأكله رنجه ولا ايه؟
- وهو انا بشرب من حنفيه ورثتها وخايف تقل ..دى مايه الحكومه
- وأنا إللى بدفع للحكومه حقها ع فكره
- عاوزني ادفع علشان اشرب ولا ايه ؟
- لا طبعا يا حبيببتي إنتي تؤمريني بس لو قومتي مفيهاش حاجه
- انت مسمعتش الدكتوره قالت مفيش حركه اول ٣ شهور وانا فى ال ٣ خلينا نكملها ع خير ولا اسقط؟!
- لا طبعا دا انا هجبيلك ازازه كبيره جنبك وقت ما تحبي تشربي اشربي ..
- لا عاوزه كوبايه الازازه هتقعد والمايه هتسخن وطعمها مش هيبقي حلو
- هجبهالك تلج متلجه تعيش جنبك ساعتين ..
- لا التلج بيجوعلي زوري ومش ناقصه اتعب بصراحه
- يعني عاوزه ايه؟
- كان زمانك قومت جبت كوبايه المايه وشربت ..
- حاضر من عنيا ..
- وابقي استحمي؟
- نعم ؟
- ريحتك غريبه كده
- انا لسه مستحمي ع فكره
- استحمي تاني لاني مش قادره هرجع
- نعم ..
- هات الباسكت هرجع بسوررررعه
بعد ٥ شهور حمل :
- انتى بتعيطي ليه دلواقتي؟
- انا مش شايف .. إعميت ولا ايه ؟
- فى ايه ؟
- الفستان جيت اقيسه مقفلش يعني كل هدومي مش هتدخل فيا ..
- ما دا طبيعي يا حبيببتي انتى حامل لكن ..
- مفيش لكن .. انت السبب ..انت السبب فى ان جسمي يبقي كده ولسه انا قدامي ٤ شهور يعني هتخن اكتر وبعدها رضاعه يعني هتخن اكتر واكتر.. اقول فيك ايه ..
- اهدي طيب كده واستغفري ربنا ..الحكايه بسيطه شويا دايت والدنيا هتتظبط ..
- وهو انت غرمان حاجه ، بتاكل مهما تاكل ولا ببيان عليك بتلبس براحتك ومش بعيد كمان تكون مقضيها برا..
- انتى هتقري عليا .. وبعدين مقضيها فين من الشغل للبيت وبسببك بقيت اشتغل من البيت علشان مش عاوزاني اسيبك لوحدك ، اقولك روحي لمامتك او تيجي هى وانتى رافضه
- يعني عاوزاني اتحمل المسؤؤليه دى لوحدي مش انت السبب
- معلش يا حبيببتي مره ومش هتعود اتفقنا
- واعمل ايه دلواقتي ؟
- بطلي عياط طيب و قوليلي حل يرضيكي
- هدوم جديده ..
- ماشي اول ما تولدي بالسلامه ننزل نعمل شوبنج كده
- وهو انا لسه هستني بقولك مفيش حاجه دخلت فيا
- خلاص بس بس متجعريش كده ننزل مجيب دلواقتي ..
