Loving A Her (Intersex) Completed

Chap 0 2 6

“Ang lakas ng loob mong gawin akong tanga ha?? Pwes makikita mong hinahanap mo.”

Isang iglap lang ay naramdaman ko ang isang bagay na tumama sa pagmumukha ko. Isang kamao. Galing sa babaeng kaharap ko.

Rinig ang pagsinghap ng nakakarami ngunit ang iba ay humiyaw na parang natutuwa.

Hinawakan ko ang kaliwa kong panga at napadura. Kita ko na rin mula dito si brat at ang mga kaibigan nya na gulat na nakatingin samin, o sa'kin.

“Mahina.”
Usal ko na kinatahimik ng lahat.

Nag-angat ako ng tingin at sumalubong sa'kin ang isa na namang kamao ngunit walang hirap ko lang itong nailagan.

'Galing pala sa isa nyang alipores.'

“Mahina talaga sa isang magaspang na tulad mo. Girls!”

Bigla namang nagsilapitan ang mga babaeng nakapalibot sa'min. Isa-isa nila akong tinangkang patamaan ng mga suntok nila pero nagmumukha lang silang mga tanga dahil isa-isa ko din itong naiilagan.

'Ang lalamya kumilos. Halatang walang alam sa pakikipaglaban.'

"Huy pigilan nyo nga sila!"

"Mamaya na ang ganda pa ng nangyayari o!"

"Ang galing naman nya. Naiilagan nya lahat ng mga tama nila."

"Oo nga eh. Pero natamaan sya ni Miss Hyacinth kanina. Counted ba yun?"

Isang babaeng may malaking katawan ang sumugod sa'kin at nakahanda na ang dalawang kamay para dakutin ako pero inilag ko lang ang sarili ko. Marami sila at inaamin kong nahihirapan ako sa pag-ilag at mabibilis pa pero hindi nila ako kaya. Mas may alam ako sa ganito. Kaya sila ang dehado.

Naramdaman kong may nakahawak sa kaliwa kong kamay at ng pagtingin ko dito ay isang kamao ang paparating sa'kin. Agad naman akong umilag kaya ang babaeng nasa likod ko ang natamaan.

“Argh! Ano ba Chas ang sakit nun!”

“Sorry!”

“Hulihin nyo sya mga lampa!”
Sigaw ng lider nila.

“Huli ka! Miss Hyacinth ito na sya.”
Masayang sigaw ng babaeng nag-ngangalan yatang Chas ng mahuli nya'ko sa dalawa kong braso habang nasa likod ko.

'Nahuli? Nagbibiro ba sya?'

"Ohhh.... Nahuli sya."

"Ayan na magsisimula na!"

Marami sa mga tao ang nasisiyahan habang ang iba naman ay nag-aalala. Hindi ko kita ang reaksyon ng mga taong pamilyar sa'kin pero wala din akong pakialam. Nakatutok lamang ang atensyon ko sa babaeng may mapang-asar na ngisi sa harapan ko.

“Ano? Asan na ang tapang mo? Asan na ang hambog mong mga sinasabi kanina? Tangina mo!”
Sabi nya at sinikmuraan ako.

"Oh my God! Huy pigilan nyo na sila!"

"Parating na sina Ms. Heartley, sinabihan na namin sya kanina. Gosh. Bakit ba nangyayari 'to?'

'Kung nasa labas lang sana kami ng eskwelahan ngayon baka tumba na'tong lahat na'to kanina pa.'

“HAHAHAHAHA!”
Tawanan ng mga kasamahan nya.

“Yan ang dapat sa'yo! Wala kang kwenta sa mundo!”

Isang kamao na naman nya ang lumipad patungo sa'kin ngunit ngayon ay napagpasyahan ko ng tigilan ang kabobohang 'to kaya bago pa man tumama sa'kin ang kamao nya ay mabilis kong inalis ang sarili ko mula sa pagkakagapos sa babae kaya sya ang tinamaan.