مبعثر فيك ماللحزن لايشفى

الرابع والعشرون

بعد تردد قال:
صبحها بالخير..
التفتت بسرعه عليه.. طالعته بدهشة.. وعدم استيعاب..
وجوده غير متوقع..
ولا المكان ولا الزمان مناسب..
رمت السطل من يدها...
واختفت بسرعه داخل الاسطبل..

راح لحقها وقبل يدخل.. زينه:
تكفى.. لا..
نواف:زينه.. تراك زوجتي.. الى متى بتتهربين..
بتوسل:
طيب انا ماقلت شي.. خلاص روح.. وانا ارتب نفسي.. واجي..
نواف بتسلية:
طيب انا حبكت ابي اشوفك ذا الحين..

قال كذا وهو يدخل..
وهي لاصقه في الجدار.. وماسكه البدي.. جهة صدرها رافعته..
نواف بخفوت:
زينه..ابوي.. تراي طاق الدرب وجاي.. ومتشفق لشوفك..
رفعت راسها.. لما حست بقربه..
وقائمة التشغيل بالجوال تشتغل.. على تنويعات زينه.. في الشيلات والاغاني..
بدت اغنية (من عذابي.. قلت لعيونك هلا..) ..

زينه سبت الاغنية.. والسماعة.. وعبادي.. ونظرة نواف وابتسامته الخبيثه..
قال:انا اشهد ان عبادي جابها على الجرح..

طبعا ً..
زينه ماتدري وش خفايا قلبه.. ولا حبه.. ولاتدري.. ان هذي مو المره الاولى اللي يشوفها فيها..
وان نواف وهو يشوف عيونها من هالقرب..
ذاب وضاعت علومه..

حط كفه على الجدار..
وحكرها وقال:والله هالشعراء.. لاقالوا هالكلام.. ماينلامون..
زينه.. تمر من تحت ذراعه وتقول:
تافهين..وفي كل وادي يهيمون..

وحسب ضنها.. ان نواف.. فقط يبي يستفيد من الوضع.. ويستقل هالزواج..
رفع حواجبه وابتسم
وهو يطلع لها..

وهي تتوجه للسماعه وتطفيها.. ولاحظها كيف تنزل بلوزتها.. وتسحب ايشارب من السور.. وتلفه برقبتها..
قال:ليه ماتبين تتواصلين معي..؟!

راحت تجمع الاغراض اللي تغسل فيها:
ماطلعت شريحه.. هاك الشريحه خذها مني بوفارس..
نواف:واذا صعبه انك تطلعين شريحه ثانية.. وقت اتصل على جوال مهره.. واطلبك.. وشهولا.. ماتكلمين..

حطت الشغلات محلها.. والتفتت وتكلمت:
نواف..!.. انا اقدر لك اللي سويته.. ووقفتك.. بس انا مارضى انك تنجبر علي.. كيف اوضح لك.. يعني بوفارس راح تصرف.. واحنا اضطرينا نسايره.. وهوبا.. صرنا زوجين.. غلط.. وانت بطيب اصلك.. جاي تبي تحسسني.. انو احنا بنقدر نتخطى هالشي.. ونبتدي مع بعض.. ونعيش فترة خطوبة.. وزواج تقليدي.. واحترام منك.. وود مني.. وتقض البصر انو انا مطلقه.. ونروح نكمل شي بدايته اصلا خطأ..وبينتهي بخطأ..

عقد حواجبه.. :وين الخطأ بزواجنا..؟!
زينه بانفعال:كله خطأ... انت تزهلت.. وانا تممت.. وكله بسبايب.. الكلب عبد الإله.. الله لايحله..
نواف بخفوت حازم:
لاعاد يمر اسمه على لسانك ممكن..؟!
زينه بعصبيه وتهكم:
شفت صعب.. صعب.. انك بتتعايش معي وانا سبق وكنت زوجه لغيرك.. يعني ممكن تتقبلها.. لو كنت ارمل ولامطلق..ممكن..!

وراحت ضربت الحصان بشويش.. عشان يدخل الاسطبل..
راقبها.. وهي تمشيه.. وتفتح له مكانه.. وتطلع اصوات من فمها..
والحصان مطاوعها..
وراحت شالت كمية علف.. وحطتها.. وقفلت عليه..
وهو مستمتع في تأملها وتحركاتها..
لو بيتكلم اللحين.. ويقول عن مشاعره.. قبل.. بتكذبه..
وبعدين ماعنده مشاكل.. حبه حبه مع زينه..