သူ ကျင့်ကြံနိုင်ပြီ!
ဒီနေ့မတိုင်ခင်က သူ့ခန္ဓာကိုယ်လမ်းကြောင်းထဲက ချီစွမ်းအင်စီးဆင်းမှုကို ပိတ်ဆို့ထားတဲ့ အရာတစ်ခုခု ရှိနေတယ်လို့ သူ အမြဲတမ်းခံစားရတယ်။ ယခုတော့ အဲဲ့အတားအဆီးက ကျိုးပျက်သွားပြီး နည်းနည်းကျင့်ကြံလိုက်ရုံနဲ့ သူ့စွမ်းအင်တွေကို နှစ်ဆ တိုးစေတယ်။
ဘာတွေဖြစ်သွားတာလဲ??
ရှဲ့ရှီးက အချိန်အတော်ကြာ မျက်မှောင်ကြုပ်ရင်း အတွေးထဲမှာ နစ်မြှုပ်နေခဲ့တယ်။ ချူယွီ သူ့ကို အသီးစားစေခဲ့တုန်းက သူ သတိမေ့တာကို
ရုတ်တရက် မှတ်မိလိုက်တယ်။ ကြည့်ရတာ အဲဒီ အဆိပ်ရှိတဲ့ အသီးကို စားပြီးနောက်မှာတော့ သူခန္ဓာကိုယ်က အတားအဆီးကနေ လွတ်မြောက်သွားသလိုပဲ.....ချူယွီက သူ့ကို ကူညီတာလား??
ကြက်သီးတွေ နောက်တစ်ခေါက်ပြန်ထလာခဲ့တယ်။ သူ အိပ်ရာက ခုန်ထွက်လိုက်ပြီးတာနဲ့ ရှဲ့ရှီးမျက်နှာက ရုပ်ဆိုးသွားခဲ့တယ်။ သူ့အိပ်ရာဘေးက အဖြူရောင်ဝတ်စုံကို မြင်သွားပြီး မဝတ်ခင် ဂရုတစိုက် စစ်ဆေးလိုက်သေးတယ်။
ချူယွီက သူ့ကို ဘာလို့ ကူညီတာလဲ??
လွန်ခဲ့တဲ့သုံးနှစ်တုန်းကတော့ သူ့ကို မညှာမတာ အနိုင်ကျင့် အနှိပ်စက်ဆုံးသူက ချူယွီလေ!!
ချူယွီက သူ့ကို သတ်တောင်သတ်ပစ်ချင်ခဲ့တာ!
ရှဲ့ရှီးမျက်နှာက မတင်မကျ ဖြစ်နေတယ်။
ယခုချိန်မှာ သူက ကျင့်ကြံနိုင်နေပြီ ဖြစ်တယ်။ သူ အောင်မြင်မှုအချို့ ရပြီးတာနဲ့ သူကို နှိပ်စက်ခဲ့တဲ့သူတွေကို နောင်တရအောင် လုပ်မယ်။သူ့အခန်းထဲမှာ ထိုင်နေရင်းကပင် ချူယွီရုတ်တရက် နှာချေလိုက်တယ်။
"ထူးဆန်းလိုက်တာ။ ကျင့်ကြံခြင်းက အအေးမိနိုင်လို့လား?" ချူယွီက သူ့နှာခေါင်းကို ပွတ်ရင်း တိုးတိုးလေး ရေရွတ်လိုက်တယ်။
သူ တရားထိုင်နေရင်း ချူယွီ ရုတ်တရက် သူ negative commentတွေ ရရှိခဲ့တာကို သတိရလိုက်တယ်။ သူ အလျင်အမြန်ပဲ Systemကိုမေးလိုက်တယ် "007ရေ ငါ့မှာ အမှတ်ဘယ်လောက်ရှိသေးတာလဲ?"
YOU ARE READING
ဇာတ်လိုက်က ငါ့ကို နေ့တိုင်း သိမ်းပိုက်ချင်နေတယ်{ဘာသာပြန်} [Completed]
RomanceNovel name နဲ့ information အပြည့်အစုံကို အထဲမှာ ရေးသားပေးထားပါတယ်။ This is just a fun translation. I do not own the novel. All credits go to the original author. Crd Official art Start date-13.3.2021 End date-2.6.2021
[ 3 ] Cheap Master
Start from the beginning