القصر الملكى
عصر الاسرة الرابعة
أمام القصر الملكى يظهر سنب رع مع ياسمين, يفتح ذراعيه مشاوراً للقصر قائلاً:
- تادا.
- واااو ... انت رجعت بالزمن؟
يبتسم سنب رع قائلاً:
- لا, لا , لا ماقدرش اروح لاى مكان, انا بس اقدر اروح لزمنى.
- لحد امتى؟
- مش فاهم!
- لحد امتى تقدر ترجع بالزمن, يعنى تقدر تروح لمكان بعد ما موت؟
- انا ماموتش انا اتلعنت.
- same thing.
يغلق عينيه وياخذ نفسه ثم يفتحها ويبتسم قائلاً:
- لا , اخر حاجه اقدر اشوفها هو اليوم اللى اتلعنت فيه, انا حتى ماقدرش اروح لاى مكان.
- ازاى؟
- تقدرى تقولى انى بعيد شريط حياتى, انا ماقدرش اروح لمكان انا ماكنتش موجود فيه زمان.
- اهاا, ماشى قولى بقى انت مين وليه اتلعنت؟
- اسمى سنب رع, ابن الوزير الرئيسى للملك شبسسكاف, انا وبونفر اصحاب من واحنا صغيرين.
..........
حديقة القصر الملكى
سنب رع "الماضى" و بونفر جالسون سوياً يقرأون الكتب, يأتى سخم رع ليجلس معهم , يتحدثون ويضحكون، بينما يأتى صوت سنب رع قائلاً:
- كنا بنقضى معظم الوقت مع بعض ومعانا سخم رع, وكان هرم منقرع هو المكان السرى بتاعنا, لما بنحب نختفى وماحدش يلاقينا كنا بنروح هناك, فى يوم من الايام الملك شبسسكاف أمرنى ان اتجوز بونفر.
ياسمين و سنب رع جالسون بعيداً عنهم ينظرون لهم، يكمل هذا الاخير كلامه قائلاً:
- بس انا رفضت وده سبب لعنتى.
- ايه؟
- ده حقيقى انا مش عارف ليه الملك عمل كده.
- ليه رفضت تتجوزها؟
- امم عشان هى صاحبتى بس مش اكتر, وكمان انا كنت بحب بنت تانيه.
- مافكرتش فى الحكم كنت هاتبقى الملك بعد شبسسكاف, جوز بونفر حكم بعد ابوها.
- ماحطتش الحكم فى بالى, ده متعب وليه تقاليده واحكامه ماقدرش اخرج عنها وانا شخص حر مابحبش اتقيد.
- عشان كده ماتذكرتش فى التاريخ ... طب احكيلى عن حبيبتك.
يبتسم سنب رع قائلاً:
- أيكا, تعالى هاوريهالك.
يغادر سنب رع وتقف ياسمين قليلاً تنظر الى بونفر وتتحدث الى نفسها قائلة:
- حاسه انى شوفتك قبل كده بس فين؟
- ياسمين.
تنظر ياسمين له وتذهب إليه.
- جايه.
...........
بونفر جالسة على مكتب صغير داخل الغرفة السرية فى هرم منكاورع تكتب شئ ما, سخم رع يدخل عليها.
إنتظر يا عزيزى الغرفة السرية ليست مثل اى غرفة، فهى لا تحتوى على اثاث او شئ الا هذا المكتب الصغير الموضوع بجانب الغرفة فقط.
- بتعملى ايه؟
- زى مانت شايف.
- بونفر انتى اتجننتى؟
- لا.
يحاول اخذ الكتاب منها ولكن تمنعه, ثم تنظر له عطفاً فيقول لها:
- هتخالفى اوامر ابوكى.
- لازم افك لعنه سنب رع عشان يقدر يدافع عن نفسه.
- لو فكيتى لعنته ابوكى هايقتله, ومش بعيد يقتلك انتى كمان, انتى عارفه ابوكى كويس.
- عارفه بس لو فكينا اللعنه وخليناه يستخبى لحد مانعرف الحقيقه كلها, ساعتها نقدر نقول لبابا ومش هايقتلنا,معايا ولا؟
أنت تقرأ
Selim Raa سليم رع
Historical Fictionجميل اننا نحب تاريخ بلادنا و نبحث فيه عن كل ما هو غامض حتى الان .. ولكن .. ولكن اذا جاء هذا الغموض تحت ايدينا فماذا نفعل به!! أنتركه ام نتوغل فيه بكل مأساته إذا كنت لا تهتم بلعنات أجدادنا و حياتهم فبالتاكيد يجب ان تتركه وللأبد أما إذا كنت شجاعاً و...
