"Tinge jungkook i inah chuan min hruai ngawt ang,i hlauhawm hmel ropui si" ka tih chuan min en lova hmalam a bih ngur a mahse ka thusawi chu chiang takin a ngaithla tih ka hria
"Sakei note tawngthei tak ka khawi dawn che nih hi mawle"ti supin min melh zawk a
"Seoul khawchhung kan tlanpelh chuan kan kalna tur min hrilh chauh a,mai mai hian
"Cheongdam ah ram ka lei ve a in lian vaklo ka sa a,chutah chuan hruai che ka duh"
"Min hruai daih tawh hi" ka tih chuan a nui suk a
"I chungchang min hrilh la?"
"Ka profile ah khan a awm vek alawm"
"Mahse i kâ ngei atanga hriat ka duh si a" mit ka chhing sawk a,ka ngaihzawng hlui chungchamg kha ka sawi a ngai ang tih ka hlau hle
Eng eng emaw kan sawi dun a,mi ten an sawi nunrawng ang em em aiin a bulah chuan awm a nuam a,ka tih thinrim deuh pawhin a thinrimna a ti lang miah lova .Ka bulah chauh nge midang bulah pawh heti hian a awm ka hrelo
"Chawhnu lam pawh hetah i awm mai a ngai ang,ruah a sur nasa sia"tukverh lam a melh a november thla ni mahse ruah chu nasa takin a sur a
"Nie a pawilo mai,inah pawh awm ila mut mai mai ka tum tho a"ka tih chuan a nui leh suk a,a ding a ka kut a rawn ban a
"Eitur siam teh ang" choka niawm tak lamah min kai phei a,coffee a siam mawlh mawlh a chair ah kalo thufel ât a.A chezia pa tak leh in vawng tak chu ka en reng lo theilo.Engtin nge hetiang mi hausa lutuk hian an thiam tih ringawt kalo ngaihtuah thung
"Keimah in kum 10 chuang ka awm hrang tawh a,insuk,rawngbawl tih vel chu keimah vekin ka ti thin,ka thiam lutuk" ka ngaihtuahna hria niawm takin a ti a.A kamis ban a thlep chho a,a bana French tawng niawm tak inziak chuan ka mit ala hle,mahse zawh erawh ka tum bauh lo
"I bialnu kha-" enge maw ka sawi le aw,a nui suk duh chauh a
