ယန်ထျန်းဟန်ကခေါင်းညိတ်ပြသည်။
လင်ရွှမ်းဇီထွက်သွားပြီးနောက်မှာဖုန်ကျင်းယွီကသူ့လည်ချောင်းကိုရှင်းပြီးသူ့ရဲ့အကောင်ပေါက်အသံလေးနဲ့ပြောလာသည် "အဲ့ဒါက-"
"ဒီကိစ္စတွေငါ့အကိုကြီးကိုပြောပြဖို့မင်းကိုဘယ်သူကခွင့်ပေးလိုက်လို့လဲ?ငါကစေတန်နတ်ဆိုးနော်;မင်းစိတ်ထဲမှာငါကသက်ရောက်မှုတွေကိုမသိဘူးများထင်နေလို့ငါ့အကိုကြီးကိုသတိသွားပေးလိုက်တာလား?"
ယန်ထျန်းဟန်ကသူ့မျက်လုံးများကိုကျဉ်းမြောင်းလိုက်ရင်းသူ့အကြည့်ကတော့ရေခဲလိုအေးစက်နေသည်။သူကဖုန်ကျင်းယွီရဲ့ခပ်တုတ်တုတ်ကိုယ်လေးကိုဆွဲယူလိုက်၍သူ့လက်ထဲကိုင်ထားလိုက်ပြီးသူ့လက်ချောင်းနှစ်ချောင်းဖြင့်ဖုန်ကျင်းယွီရဲ့လည်ပင်းပုတိုလေးကိုညှစ်လိုက်လေသည်။
ဖုန်ကျင်းယွီမှာကြောက်လန့်တကြားဖြစ်သွားရသည်။သူကအတောင်ပံကိုခတ်လိုက်ချင်သော်လည်းယန်ထျန်းဟန်ရဲ့အင်အားကသာမာန်မဟုတ်ပေ။သူ့မှာလည်ပင်းအစ်ပြီးသေတော့မတတ်ပင်။
ဖုန်ကျင်းယွီကသာမာန်ငှက်တစ်ကောင်မဟုတ်ချေ။ထို့ကြောင့်သဘာဝကျကျပင်တစ်စုံတစ်ယောက်ကသူ့ကိုလည်ပင်းညှစ်တာလောက်နဲ့ပြန်မကိုက်ဘူးဖြစ်၏။သို့သော်ယန်ထျန်းဟန်ကတော့ဆိုးသွမ်းသောသတ်ဖြတ်ခြင်း၏ရည်ရွယ်ချက်နှင့်အန္တရာယ်ကိုရှင်းရှင်းလင်းလင်းနားလည်စေသည်။
ဖုန်ကျင်းယွီကအလျင်အမြန်ပဲပြောလိုက်သည်။
"မင်းကစေတန်နတ်ဆိုးဆိုတာဟိုးတုန်းကတည်းကမင်းအကိုကြီးကသိပြီးသားဟ-အွတ်" ပြောရင်းဖြင့်ချောင်းပါတစ်ဟွတ်ဟွတ်ဆိုးသွားရသည်။
မိုးနတ်မင်းရေ,တစ်ယောက်ယောက်သနားစရာဖီးနစ်လေးကိုသတ်တော့မယ်!ဒီညီအစ်ကိုနှစ်ယောက်ကတကယ့်ကိုညီအစ်ကိုတွေပဲ,ငါ့ကိုလည်ပင်းညှစ်တဲ့လှုပ်ရှားမှုကတောင်တစ်ပုံစံတည်းပဲဟ!
ယန်ထျန်းဟန်ကအေးစက်စက်ရယ်လိုက်ပြီးသူ့ရဲ့ညှစ်အားကိုအနည်းငယ်ဖြေလျော့ပေးလိုက်သည်။
"ငါကစေတန်နတ်ဆိုးဆိုတာသူသိနေတယ်ဆိုတာငါသိပြီးသား....ငါကဘယ်လိုလူမျိုးလည်းဆိုတာကိုပါဟိုးတုန်းကတည်းကငါ့ကိုယ်ငါသိတယ်ဒါပေမဲ့ငါ့အကိုကြီးကအားလုံးကိုမသိချင်ယောင်ဆောင်ပြီးတစ်ခါမှထုတ်မပြောခဲ့ဘူး....သူကငါ့ကိုဒီလိုပြဿနာတွေအတွက်နဲ့စိတ်ပူမနေစေချင်တာ....အခုတော့မင်းကငါ,ကိုယ့်ဇစ်မြစ်ကိုသိနေတယ်ဆိုတဲ့အကြောင်းသူသိသွားအောင်လုပ်လိုက်တယ်....သူသေချာပေါက်ငါဝမ်းနည်းပြီးကြေကွဲနေတယ်လို့တွေးနေတော့မှာပြီးတော့ငါ့ထက်တောင်ပိုပြီးစိတ်ပူပန်နေဦးမယ်"
YOU ARE READING
(Book-2)အမြင့်မြတ်ဆုံး ကောင်းကင်အရှင်၏ ပြန်လည်မွေးဖွားခြင်း
Randomပါရမီရွင္အျဖစ္ေမြးဖြားလာသူ လင္႐ႊမ္းဇီသည္ သူ႔အတိတ္ဘဝမွာ ကမာၻၾကီးကို မလႊမ္းမိုးခဲ့ေသာ္လည္း ယန္ထ်န္းဟန္အေပၚ သစၥာေဖာက္ခဲ့သည္။ သူနဲ႔ အရင္းနွီးဆံုး သူငယ္ခ်င္းေတြ၊ ဆရာေတြနဲ႔ ဂိုဏ္းတူညီအစ္ကိုေတြ အကုန္လံုးက သူ႔ကို ထိုးနွက္ သတ္ျဖတ္ျပီးမွသာ သူက်ဴးလြန္ခဲ့သည့္ ခ...
Chapter(252) - နှစ်ယောက်တည်းစကားပြောမယ်
Start from the beginning