عشق في بلاد حروبها لا تنتهي 5 ( شهيد الواجب )

البـــ الخامس ـــارت

من معايا
نَــاصر بتسم :معاك شركة الواحة لـ انفظ
.
النهـاية بدايــة ، و#القَـفـلـة نقطـة علي السطــر 〽️
.
سكر سامح باب البلكونة عليه وجبد الكرسي وقعمز وطلع تليفونه من جيبه وهوا مش قادر يبطل تفكير فيها ، علاش ماتبيش ترد ، زعما ماقرتش الرسالة ، زعما خايفة مني قعده ، ولا مرتبطه بـ حد .
خدي نفسه وهوا يرجع في راسه التالي وغمظ عيونه بـ القوة ورجع فتحهم ورجع وطي راسه وفتح تليفونه وخش اتصل بيها بدون مايتردد وهوا حاس انه مش حـ ترد عليه حتي هدي المرة ...
.
وينــكـ عنـّي يـاشاغلــة الأفكـــار ومغيبتيـــه عنـّـي ⁉️
.
حولت رانيا تليفون ساجده من الشحن وحطت تليفونها ووقفت كانت بـ تطلع من الدار بس وقفها صوت تليفون ساجده لـ علن عن مكالمه ، رجعت تلفتت خداته وهيا تشبح لـ الرقم لـ مش مسجل خطف ورفعت راسها صيحت :ساجدة ، سجـ...
وسكتت وهيا ادقق في الرقم لـ عرفاته وخلا حاجبها يرتفع .
رجعت قعمزت وهيا تكدب في عيونها وفي ذاكرتها وفتحت تليفونها حطت علي رقم سامح لـ طلع نفسه ، بتسمت بـ مكر وفتحت الخط من دون ماترد وخلت سامح لـ مسترخي علي الكرسي ومغمظ عيونه بـ فقد الامل من ردانها بس انفتح الخط وخلاه يفزع بـ فرح وهوا يساوي في تقعميزته ويتحمحم :احم ايوا
جاه صوت رانيا :والمية ماشية من تحت رجليا صار
قرن سامح حواجبه وعرف نبرة الصوت لـ من :رانيا
رانيا ضحكت :هههههه امالا مين ياخويا هههههه
ضحك سامح :هههه لا حولي ولا قوة الا بالله لحقه امي حتي في تليفونات الناس
رانيا :باش تعرف بس مافيش شي يندس عليا
تنهد سامح :شني مانبيش ترد عليا عطاتك التليفون
مافهمتاش رانيا وقالت وهيا اضيق في عيونها :علاش زعلانه منك ولا شني
سامح :شني
رانيا :تي راني قعده مش مستوعبه انكم تكلمو في بعض وعلاقه واصلا توا شبحت رقمك علي تليفونها ههههه قريب جتني الجلطه ههههه
رفع سامح حواجبه وفهم وقال :هيا ماتندريش عليك توا راده عليا
رانيا:تي لا جيت بنحط تليفوني في الشحن مشي انت شرينة وشفت رقمك والله ماصدقت عيوني هههه طلعت رقمك من تليفوني باش نتأكد هههه
بتسم سامح :باه نادي عليها وعطيها التليفون وماتقوليلهاش اني المتصل
رانيا رفعت حاجبها :اطلعي يالرومنسيه اطلعي هههههه لكن لحظة ياربي انت خوي ولا مني بالك حد خانب التليفون يانهاري ههههه
سامح :ههههه بلا برادة ونفخ راس بـ دوتك ياسامطة وديري لقتلك عليه
رانيا :هههه لا هدا خوي تمام تمام قبل ماتبدا تكشخ دقيقه وتم عمليه الردان بنجاح
ضحك سامح عليها وهوا يسمع فيها تنادي :سااااجدة وينك تعااالي
جت ساجده وهيا تمسح في يداها من لمية :تي خيرك تصيحي نغسل في الماعيين
رانيا مدتلها التليفون :هدي صاحبتك تبيك
ضيقت ساجده عيونها :صاحبتي من صاحبتي ماعنديش صاحبات اني
وقفت رانيا وحطتلها التليفون في يدها :صاحبتك سماح هدي هههههههه ردي ردي
وطلعت وخلتها مش فاهمه شي وهيا تحط في التليفون في ودنها :الو مني انتي
زادت ابتسامة سامح لـ وقف وقال :علاش ماتبيش تردي عليا
ثبتت ساجدة في مكانها بـ صدمة خلتها تزمط في ريقها بدون ماترد علي سامح لـ رجع قال بـ ضحكة :شني ماتبيش تتكلمي
خدت ساجدة نفسها وطلعت صوتها المبحوح :ها مني انت
سامح :ماعرفتينيش ؟
قرنت ساجده حواجبها :لا مني
تلاشت الابتسامة من علي وجه سامح لـ قال  :اممم ماشوفتيش رسالتي يعني
سكتت ساجده وماعرفتش شن ترد بـ شعور ملخبط ، خوف ، خجل ، ورتباك .
رجع سامح وقال:ازعجتك ، الواضح ماتبيش تكلميني
ساجدة :شن تبي مني انت
سكت سامح لـ لحظات وكيف كان بيتكلم بس رجعت ساجده وسبقاته وقالت :شن دكرك فيا تاني
رجعت لبتسامه لـ مبسم سامح :يعني مانسيتينيش
ساجدة :شن تبي مني
سامح :نبي نتعرف تاني
بتسمت ساجدة بـ خجل خلا السانها يزيد يرتبط ، مع الخوف لـ زاد حاوطها ، خوف انه تضعف وتميلة ، واصلا هيا مايلتله ، وتبيه ، قطع صوته لـ جاها تاني حبل افكارها :شني تتعرفي عليا تاني ولا في حد غيري
ساجده :عادي نسأل سأل
سامح :اسألي
ساجدة :شن لخلاك تكلمني اول مرة وانت تعرف خوتي شن يخدمو
سامح :وشنو خص خدمتهم فيك
ساجدة :اني اختهم وماحد يرضه يكلمني وهوا يعرف شن هيا خدمتهم
سامح :وعلاش مايرضاش
ساجدة رفعت كتافها :خوف
سامح :اني مانخافش الا من ربي
ساجدة :كان تخاف منه مانخدمش الخدمة هدي
قرن سامح حواجبه لـ لحظة وفهم قصدها :انتي هدا علاش ماتبيش تردي عليا
ساجدة :الحمدالله خوتي ربي هداهم بس بعد ماخسرو وخسرونا هلبا اني خسرت خوتي الزوز واصلا كنت خاسرة بوي وعشت يتيمة منه برغم من انه عايش انحرمة من قرايتي وعشت في خوف ورعب وفي عنف وانحطاط وانحرمة من هلبااا حاجات ، مانبيش نعيش هدا الخوف مره تاني حتي لو كان شعور مانبيش نشعر بيه اني مانبيش نقرب من اي حد يذكرني في الماضي ولا يحسسني بشعور لحمدت ربي انه زال مني
وسكتت شوي وكملت :اني مانبيش نتعرف عليك لا مره تانيه ولا مره تالته مع السلامة
وقبل ماتسكر قال سامح بسرعة :لما كلمتك اول مره كنت نبي نعرف شكي في السِـيفاو صح ولا غلط اني لا نخدم في الخدمه هدي ولا ليا علاقه بيها اني جاريتك في الكلام باش نعرف شكي في السِـيفاو انه تاجر صح ولا غلط
وخدي نفسه بـ الصوت العالي وكمل :اسف علي خاطر خشيت حياتك بطريقه غلط بس اني جاي توا نبي نصحح تعارفنا لانه لما خشيت حياتك كان الوقت غلط ومش مناسب
ساجدة :يعني ماتخدمش في المخدرات
سامح :اكيد لا
ساجدة :لكن خليتني نكشف خوي استخدمتني باش توصل لغايتك
سامح :ماتقدريش تلوميني كنت خايف علي اختي
ساجدة :وحتي اني عندي خوت يخافو عليا
سامح ضحك :هههه واني اكيد ماكنتش حـ نديرلك شي يأذيك ومش حـ نرضي نأذيك اصلا
ساجدة :اني بنسكر
بتسم سامح :اسمعي اني هدي المرة جاد ومن الاخير مانبيش نتعرف بس نبي يصير اكتر من تعارف خشيتي خاطري هلبا ومش قادر نوقف تفكير فيك لا ليل ولا نهار وهدا لكلام من مده كبيره مش شهر ولا شهرين فـ كان تبي وحاسه نفس شعوري ولا تبي تعطيني فرصه نخش حياتك ، فليل حـ نتصل ولو مارديتيش حـ نفهم رفضك و وعد لو مارديتيش مش حـ نزعجك تاني خودي راحتك توا عن اذنك
وسكر الخط وخلاها مصدومة في كلامه واعترافاته ، والاهم سعيده من انه ماليشي علاقه في المخدرات وفساده ، وهايمة من اسلوبه وكلامه واناقته في اختيار ملافظه ، حست بجد الحياة فاتحتلها يداها ، بتسمتلها ، وعطتها فرصه مع الشخص لـ كانت تحلم بيه ليالي طوااال كانت فيهم متأكده انه حلم وحـ يتلاشى في يوم من الايام ...
.
كنت حلم انظر له كـ نظري لـ النجوم البعيده المستحيل لمسها ☘️💛
.
.
أســـف ، الله لـم يرد لي ان أفـي بعودي لـكـ❣️
.
.
فـــــــي الليـــــل ...
خشت سما لـ الدار والدموع ماليه عيونها وهيا ادور في تليفونها بـ طريقه غجريه خربت بيها السرير لين لقاته وقبل ماتفتحه وتتصل بـ منذر خشت عليها امها وخلتها تنزل التليفون وتتلفتلها وهيا تقول :اني مانبيش نتزوج توا ومش موافقه عليه هدا لـ جاي
فاطمة هزت راسها :باهي خلاص علاش لبكي ونواح تو نتصل بـ المرة ونقولها مافيش نصيب
مسحت سما دموعها وقالت :بس بابا قال العيلة مشاءالله عليها وماتتفوتش ومش عارفه شن ومقتنع بيهم
فاطمة :هوا عاجبينه العيلة الحق ماشاءالله عليهم مايتردوش والوليد خادم علي راسه وعنده ارض وخريج جامعة مافيه ماينرد لكن مدام ماتبيش خلاص
نزلت سما عيونها لـ تليفونها لـ علن عن مكالمة من منذر زادت من غزارت دموعها لـ ماعرفت سببهم وقبل ماتتكلم فاطمة خشت عليهم ايناس لـ قرنت حواجبها اول ماشافت سما تبكي :خيرك تبكي
وشبحت لـ امها المبتسمه :خيركم
رفعت فاطمة كتافها :ماتبيش لعريس قالت
رفعت ايناس حواجبها :علاش ماتبيشي يانهارك الراجل طلع قد كلمته وجاب اماليه
ردت سما عليها بـ غضب :علاش ؟؟؟
ستغربت ايناس من ردت فعلها وشبحت لـ امها لـ ضحكت وطلعت وخلتها مستغربه وهيا تتلفت لـ سما لقعمزت :تو شن بنقول لمنذر اني والله فيه ناس جايين يخطبو فيا ولا شن بنقول ،اوووف بنطلع وكأني نقوله هيا تعالا اخطبني اوووف اووف من وين طلعلي الدراه هدا من وين
ضحكت ايناس وفهمت لـ صاير وهيا تقرب من سما وضربتها علي راسها لين عيطت :مش وقت تسهويكك بكل خلاص اطلعي وسيبيني في حالي باللهي عليك ايناس خليني
ايناس :هوا قبل نبي نزيد نحرقلك اعصابك هههههه بس لداراته ماما كفي و وفي شكله هههههه
زادت عيطت سما من بين صوت تليفونها لـ شرين :ايناااس خليني
نفخت ايناس :اوووف مايتبصرش معاك بكل نوضي وياسر بكي و نواح اصلا من بشوفلك ولا ملزوم بـ الزواج منك غير منذرك هدا
رفعت سما راسها في ايناس بـ عدم فهم وقالت :شن قصدك
ايناس :لعريس هوا منذر نوضي وياسر من لبكي وردي عليه قبل مايتسكر الخط ههههه
وتلفتت وطلعت وخلتها تغمظ عيونها بـ دموع زادت في عبرتهم عن ماسبقهم ، بـ عدم معرفه علاش ، علاش تبكي ، برغم انها فرحانه ، لا هيا مش فرحانه ، هيا اكتر من فرحانه ، اكتر من سعيده ، ورغم هكي دموعها مش قادره توقفهم او تكف عنهم .
مسحت دموعها بـ عبت وردت علي منذر لـ قال :خيرك ماترديش صايرة حاجه عندكم
واول ماجاه صوت بكي سما خدي نفسه وقال كل لـ يفكر فيه :عيلتك رفضتني وله ، اكيد قالو خاش العسكريه ودارو فيها سين وجيم ، اسمعي خلاص ماتبكيش تو نبعت بوي وعمامي وكان مانفعش معاهم اني ناخد اجازة ونجي لبوك وخوك ، وربي وراهم وراهم لين ناخدك يااميرتي مـ...
قصت سما عليه من بين بكاها :بـ ـابا موافق
هدي منذر وهوا يطلع في نفسه بـ راحة :يعني بتولي خطيبتي
بتسمت سما من بين دموعها :ايه
رجع منذر قرن حاجبه :باهي علاش تبكي
سما :خلعوني ماقالوليش انك انت لـ جاي خاطبني نحسبه حد تاني
ضحك منذر :تو معقوله نخلي غيري يسبقني وياخدك مني
سما :وين نندري اني
منذر:ههههه ياحبي خلاص وليتي ليا وليتي مكتوبه بـ اسمي هههههه
ضحكت سما :نحبك هلبااا
تلفت منذر لـ مصعب لـ خش يصيح :تي هيا ياراجل الأفندي سامي بدي يصيح
رفعله منذر يده ورجع تلفت وقال :وربي اني لـ نحبك هلباااا ياميرتي هي بري اني عندي تدريب توا وياسر بكي ودموع تمام
سما :تمام رد بالك علي روحك وألبس كويس صقع
ضحك منذر :هههه اممممواح يافرختي هي تشاو
ضحكت سما :باي هههه
سكر منذر منها وهوا يضحك واول ماتلفت انخلع من رواد لـ حاط يديه في نصه وهوا معوج فمه وقال وهوا يرقق في نبرت صوته :اممممواح يافرختي
ورجع لـ بحت صوته :عبو عليك راجل ومدخلينك العسكريه اتفيه عليك
حدف عليه منذر الطاقيه :ياعن شكلك اطلع اطلع ياكلب الافندي يصيح وانت قعد هني
نفخ رواد وهوا يحول في طاقيته وحك صلعته وقال :ياعليك فندي مزبر جابلي الجلطه والقداد والبغدد في المصارين
طبس منذر لبس البوتيل :غر كان يسمعك بس يوريك البغدد والقداد لما يجي في البنكرياس
واول مارفع منذر راسه شبح الافندي سامي يأشرله بصبعه بمعني اسكت وهوا واقف ورا رواد اللي لبس طاقيته وقال :ونبي ياعند....
وقعد شاد علي الداال اول ماشاف منذر اللي يفنص فيه ، وحول عيونه لـ الروشن لعكس صورة الافندي سامي لواقف وراه وكمل بسرعه دوته :عندي ليك خلقت تمرينات ياراجل اطلع طول تعلمتهم من الافندي سامي تي اطلق افندي في العسكريه كلها
شد منذر ضحكته وهوا يشبح لـ الافندي سامي لـ قرب وهوا يلف في يده علي رقبت رواد اللي تلفتله ورفع حواجبه متصنع التفاجأ:افندي انت هني
الافندي سامي :هيا هيا تعالا نبي نشوف تمارينك لـ اطلع طول هدي
بتسم رواد بضحكه ومشي مع الافندي  وهوا يتلفت يشبح لمنذر بـ نظرات انقذتي خلت منذر يلبس طاقيته ويلحقهم جري بضحكه ...
.
.
.
.
#يتبـــع لـ البـــ{ 6 }ــــارت
#لـيبيـا_وطني🇱🇾
____________________________________
عِــشق فـي بِـلاد حُـروُبِهـــا لا تنتّٰــهي 5
بداء كتابه الروايـة في 19 /أغســ8ٰـــطس/ 2020
تم تجهيز الـبارت في 15 / فبـــ2ـــراير / 2021
عدد كلمات الـبارت 3695
من كتــابة #اليَــاقُــوت