صمت اهلي قتلني 💔

البارت ١٢

البارت ١٢

🥀🥀

هل كان التخلي عني سهلاً لهذا الحد💔🥀 ؟؟

لحد ما اجه حازم لكاني منتهيه اخذني للمستشفى

كالوا حاله تسمم معناها رادن يسممني

بقيت بالمستشفى لحد ما تحسنت ومحد يمي

نفسيا وجسديا تعبت فقدت كلشي بلحضه تهور ما
حسبتها عدل عبالي الكه دنيا ورديه كدامي ورجال يسندني

اجه حازم ياخذني من المستشفى

نوره :- لحضه ما ابقه يمهن ولا ارجع لذاك البيت

حازم :- لكيت شقه راح اكعدج بيها ويمج محمد بس

ماكو طلعه ابددد وهذا جهازج خليه يمي

نوره :- يا ليش خاف احتاج شي اخابر اهلي

حازم :- هههههه محد يذكرج اصلا لا تخافين وانه امر

عليج اذا تحتاجين شي

نوره :- ليش ما يذكروني انطينياه لا تسوي هيج

حازم :- وره سوايتج هاي محد يعبرج اصلا

نوره :- اه لخاطر منو سويت هيج جازفت بكلشي

لخاطر منو هاااا

حازم :- ما ضربتج على ايدج برجليج طلعتي من بيتكم

نوره :- السكوت هو الحل خطأت خطأ كلش جبير

اخذ الجهاز مني خفت يشمرني بالشارع وين اروح منو يتقبلني

حته ما فتحت موضوع زوجته الثانيه لعرفت شلون جابرينه عليها

جان على علاقه وياها واهلها كاشفينها وجابرينه يزوج وحته موقع على اوراق اذا طلك لازم يدفع فلوس

......

اخذني للشقه وياي ابنه كمت اكضي كل وكتي وياه نلعب وناكل سوه تعود عليه كلش حته ميقبل يروح لامه

لحد ما اجه ابو الشقه يريد الايجار بقيت صافنه ياا وفلوسي لعد حازم وين صرفهن

المؤجر :- بلغي زوجج اريد الايجار واذا ماكو اطلعوا ما انطي مهله

كمت اللطم فلوسي وين راحن مية فكره اجت براسي والف ندم مريت بيه

اجه حازم حجيت وياه بقه يصيح خبصتيني بفلوسي وفلوسي كتلج مطلوب للعالم وانطيتهن