صمت اهلي قتلني 💔

البارت ١١

بارت ١١

🥀 🥀

ايام افكر شلون اخليهم يوافقون لحد ما اجت بالي فكره

قررت احاجي رجال معروف بعشيرتنه واكله الموضوع وانه موافقه ويحاجي ابوي بس ماكدرت اوصل اله

كلت اروح لبيته بس بغير محافضه اصلا

شلون عقلي مافكر بوقتها وشلون اجرئت وسويتها .....

اتصلت على حازم كتله راح اسوي هيج

حازم :- مو وكتها هسه فتره واشوف شلون اصرف

نوره :- ميقبلون ابد ماكو غير هيج حل

حازم :- عوفيني افكر ياله

◇◇◇٢٠١٩ ◇◇◇

اخذت كل ذهبي وفلوس شغلي وقررت اروح لبيت الشيخ وهو يقنع ابوي احسن وقت هسه ابويه بكربله كالعاده

واخواني ملتهين كلمن بشغلهم جهزت نفسي وطلعت

مثل كل مره من اطلع واتأخر ومحد يسألني وين رايحه

بس هلمره رحت لمحافظه ...... اندل بيتهم جايتهم من

قبل وي ابوي اكثر من مره حته عائلته اعرفها زين

ما همني شي غير يقبلون وازوجه وصلت وره ساعتين او اكثر

دكيت الباب طلع ابنه الوسطاني سلمت وسالته على الشيخ رايدته بشغله

دخل يصيح والده وانه منتضره بالطرمه
اجه الشيخ بسرعه عرفني سلم عليه وهو يسال على صحه امي وابوي شخباره

دخلني جوه وبديت احجيله عن الموضوع وكتله انه موافقه بس اهلي رافضين

منو ليجيني ما تصير وعمري صار جبير

اتفهم الموضوع بس مقبل على طلعتي من البيت

الشيخ :- راح احاجي مؤيد واشوف شيكول

طلع جهازه واتصل على مؤيد :- بده يحاجيه كلام عادي بعدين كله تعرف جايين ناس على نوره وهي قابله

مؤيد :- اي اعرف جايين ناس بس هو رجال مزوج اثنين ما يفيدها

الشيخ :- سالتوها البنيه اذا موافقه لو من كيفكم رفضتوا
مؤيد :- هو لاعرفه ابوي رفض ليش هوه حاجاك

الشيخ :- لا نوره حجتلي

مؤيد :- شنووو شلون حاجتك

الشيخ :- هاي يمي هيه اذا تريد تعال نتفاهم
..........

يمه يممممه مؤيد دخل لبيت اهله منصدم

ام جاسم :- ها يمه شبيك

مؤيد :- بتتتج ويييين

ام جاسم :- سها جوه ونوره طالعه جيب شغلات لشغلها ليش
مؤيد :- الله واكبر متعرفين ببنتج رايحه للشيخ ب.... ساعتين طريق متعرفين عنها ما كلتتي تاخرت وين صارت