صمت اهلي قتلني 💔

البارت ١

البارت ١
🥀🥀

♡♡

احداث تعريف الاشخاص ان شاء الله البارتات الجايه نتعمق بقصه البطله

عام ١٩٩٤ في منزل ابو رافد

تتكون عائلته من ٢ بنات ( افاطم ♡ كوثر ) ولد عمره اشهر( رافد) 🌹مشاكل وي اهله وقرر يعزل بيت بنفس المنطقه
يوم الاربعاء ساعه ١١:٠٠ الصبح

ام رافد :- دخيلك ربي مطر خير ان شاء الله بس مناه لليل البيت يفيض علينه لو شوفلنه بيت ثاني مو احسن نبقه احنه بكل مطره نفيض ويتمرضون الاطفال ونحير بيهم .

ابو رافد :- وين الكه هسه بيت نسلك روحنه لحد ما الله يحلها وشوفي خفت المطره
ام رافد :- ابقه هيج انته لا شغله بيها خير لا فالح بشي
ابو رافد :- ما شوفيني اي شغله الكاها اجلب بيها احسن شي اطلع واخلصص
ام رافد :- اطلع اطلع شسويلك 😥 هو بس احاجيك تروح تطلع
ابو رافد :- اي اي وسديت الباب وراي

بالطريق صادفت خالي ابو جاسم بيده علاكه ويمشي سريع
ابو رافد :- الله يساعد خالي شنو شعجب مو بالشغل
ابو جاسم :- هله حيدر والله محتاجين شغلات للبيت اوصلهن وارجع انته شبيك وجهك مكلوب اهلك محاجينك شي
ابو رافد :- لا خالي بسس البيت عذبني ابسط مطره يفيض علينه وتعرف اطفال ( جره حسره ) مااعرف شسوي ومحتار بالعيشه
ابو جاسم :- صدك جذب تعال عدي غرفه فارغه اكعد بيها ليش تدفع ايجار لبيت خرابه
ابو رافد :- لا خالي ادبرها مشكور
ابو جاسم :- ما جاي اطلب رائيك حمل اغراضك وتعال
يلا انه رايح تأخرت لا تضل تصفن يلا امشي .
ابو رافد :- صار خالي

مريت على السوك اخذت كم غرض للبيت والاطفال يتلكوني بالباب وصوت الاذان صار عالي رجعت والطريق ما مبلط صار جنه شوربه
لشوكت يبقه هيج العراق
كالعاده تلكتني افاطم فرحتي الاوله انطيتها العلاكه ورحت احاجي ام رافد ابلغها بحجي خالي لكيتها تصلي رحت توضيت وصحت البنات يكعدن هنا خاف يلعبن بشي لو يرحن للمطبخ
مديت السجاده وتوجهت للصلاة صلاتي ابقه بيها هواي ناس تروح وناس تجي وانه بعدني
ام رافد كملت وصبت غده وكعدوا منتضريني لحد ماخلصت الاطفال مطيره نص الماعون

فاتحتها بالموضوع (بيني وبين نفسي مرتاح لهلشغله اطب اطلع مأمن عليهم تبقه عدي بس العيشه ادبرها باي شي )
ام رافد :- تتوقع اتحمل ام جاسم هو البعيد ما سالم منها انوب اصير بيتها واحنه طلعنه من اهلك بسبب المشاكل هسه نرجعلها برجلينه
ابو رافد :- تحمليها هسه واذا حجت شي طنشي ما اريد مشاكل بس هلفتره لحد ما اضبط اموري
ام رافد :- الله يكون بعونه
ابو رافد :- اتفقت وي صديقي يجيب سيارته ثاني يوم اشيل الاغراض اساسا ماعدني هواي وصيت اخوي فالح يجي وياي يساعدني بالشيل
ام رافد :- كملت تعزيل والبنات خبلني يكمزن يمي اجت السياره بالليل اخذت الاغراض واخر شي احنه  ودعت البيت بدمعه صح مو هواي سكنه بيه بس انقهرت 💔

انتقلوا بيت ابو رافد لبيت ابو جاسم

عائلته تتكون من ٤ اولاد و٣ بنات

( جاسم ؛ كاظم ؛مؤيد ؛ حسام )
البنات ( سلوى ؛ سها ؛ نوره )

جاسم وكاظم جانوا بالعسكريه شالعين كلب  ابو جاسم
شغله بالبناء ياخذ مقاولات هوه واولاده البقيه ..
ام جاسم :- خايبه سلوى اغسلي الطرمه لا ينكطع الماي ونضل هيج
سلوى :- اي كايمه ماعدج بنات غير سلوى ما يصير هيج تره
ام جاسم :- انجبي وكومي كلما اكلج على شي تحجين هيج وانه رايحه بالباب اشوف شخبار المنطقه ..

كامت سلوى وهي ضايجه وتحجي على خواتها يلعبن وي بنات ابو رافد ..
دخلت ام جاسم للبيت وره ما تفحصت المنطقه واخبارها وشافت شكو ماكو
ام رافد :- ام جاسم شلونج
ام جاسم :- هله خيه وهي تباوع لام رافد وتتفحصها
اكلج شطبختي ريحه طيبه اشتم من غرفتكم

ام رافد :- سويت مركه فاصوليا من تكمل اجيبلج منها

ام جاسم :- اي كثري وياج وشبيه هذا ابنج بس يبجي جيبيه انيمه الج
ام رافد :- ياريت والله شلع كلبي بس يبجي .
( ام جاسم سمينه اذا لزمت الطفل اطبطب عليه تنومه بلحضه 😂)
وصدك جبت رافد بس طبتين ونام احس ابني صار عده ارتجاج بالمخ ههههه اتشكرت منها ورحت اغسل ملابس واكمل شغلي وام جاسم تباوع شكد اخذ ماي  ..

الايام تمشي بين يوم حلو ويوم لا ومواقف ام جاسم الي ما تخلص نتحمل شنسوي بعد
ام جاسم بيها طبع تكعد بالباب لساعات تسلم على هذا وتحجي وي هاي لحد ما تمل
اشوف ام جاسم اجت عاوجه حلكها اكلج ام رافد شنو يعني رز
ام رافد :- غير تمن
ام جاسم :- يا يا وانه عبالي فدشي كلت لحم لو ضلوع
ام رافد :- هههههه وين سمعتيها
ام جاسم :- كاعده بالباب واجت جنه ابو صابر كالت خليت الرز على النار لا يخرب وعلي ماعرفته واستحيت اسئلها شنو هوه وكمت اغير بالسالفه
ام رافد :- خوب كولي تمن عليمن رز هههههه
ام جاسم :- اندري خيه تتفيك عليه الصعلوكه
........
بيوم جان جاسم وكاظم جاين من العسكريه بسرعه التحقوا ورجعوا جاسم كاعد يسولف وي امه وكاظم رايح لاقاربهم

وابو جاسم طالع للكهوه وابو رافد نايم وره ساعتين ما اشوف غير ابوجاسم دخل للبيت عصبي ويغلط
لزم جاسم من ملابسه .....

يتبع ......

🥀🥀

ارائكم...... ؟؟
Mays♡