حكايات ارض السلطان الملحمة الاولي ( كاملة )

الحلقة_الثامنة_عشر

#حكايات_ارض_السلطان
#الحلقة_الثامنة_عشر(18)
#دماء_ورمال

___________________

** رحيل وفريدة ركبو العربية وقدامهم واحد من اهل البلد  راكب حصانة عشان يوصلهم ل اول الطريق  ويرجع هو  **

            ___________________

* مهيب وصل الديوانية مع الرجالة وقعد وسطهم و الرجالة تهنية برجوعة من الجبل بالسلامة *

             ____________________
بعد شويه وصلوا بره البلد والراجل اللي راكب الحصان قدامهم شاور لهم على اتجاه الطريق بعدها رجع تاني *
رحيل مشيت في الطريق اللي بيودي للطريق الرئيسي  الصحراوي مجرد ما وصلت لنص الطريق ده قبل العربيه ما توصل للطريق الصحراوي  فجاءة سمعو صوت ضرب نار ناحيتهم و اتضرب علي عجلتين العربية الشمال وكانت هتتقلب بيهم لكن رحيل سيطرت علي العربية بصعوبة و وقفت العربية  *
وبقو الاتنين بيصرخو وهما شايفين رجالة كتير راكبة احصنة ومعاهم سلاح وجاييين عليهم بسرعة وبيحاوطوهم *

رحيل وفريدة نزلو يجرو من العربية فريدة وقعت ف رحيل راحت تسندها عشان يهربو ف نفس اللحظة الرجالة قربت منهم وحاوطتهم ** رحيل حست بسخونة ف ايدها بصت لقيت الفص اﻻخضر بتاع الخاتم اللي هي ﻻبساة بينور وسمعت صوت بيهمس لها ::

الصوت :: تعرفين الكلمات انها محفورة بداخلك انطقيها لتنجي بحياتك تملكين القوة ف استخدميها اﻻن .
* رحيل قفلت عينيها وفجاءة صرخت بصوت عالي :: يا رمال الصحراء
انهضي وقاتلي معي
دمائي تملئ الصحراء اكثر من الرمال
انهضي يا رمال بحق الدماء
ولتدفني اعدائي داخلك
وﻻ تبقين منهم احد  .

** فجاءة حصل عاصفة رملية شديدة والغبار ملئ الصحراء حواليها والاحصنة بقت بتصهل من الخوف فريدة وطت علي اﻻرض من خوفها والعاصفة زادت ومحدش بقا شايف حاجة دقايق وهديت العاصفة ورجعت كل حاجة زي ما كانت 
فضلت فريدة تعيط وهي مغمضة عينيها وخايفة  وبعدا كدة فتحت بخوف ملقيتش حد حواليها واﻻرض باين منها اجزاء من اجساد بني ادمين واحصنة مدفونة لكن رحيل مكنش ليها اي اثر ف فضلت تصرح وتبكي من الخوف **

______ ف ارض السلطان __________

مهيب قام مفزوع من مكانة وهو بيبص حوالية وسرحان وبيتمتم بكلام محدش فاهمو والرجالة بقت بتبصلة ومستغربةوخرج من الديوانية بسرعة ركب حصانة واتجة ناحية الصحراء *
ف نفس الوقت ف قصر الكبير ديبة الجبل واقفة مع العمى هند ف المطبخ بيعملو اكل ل مهيب و ديبة الجبل طلعت من جلابيتها عبوة ازاز صغيرة ف حجم صوباع وصبتها ف الحلة اللي فيها اﻻكل المخصوص بتاع مهيب *
العمة هند باستغراب :: اي ديه يا خالة شمايل اللي دلجتية ف واكل سي مهيب ؟
ديبة الجبل :: مالكيش صالح انتي ابجي جوليلة الخالة شمايل دلجيتلك سم ف الوكل هياكلة وهو مغمض بردك .
العمة هند :: اني مجصديش يا خالة اني بستفهم منيكي .
ديبة الجبل بضحك :: عشان انتي كييف البهيمة اللي سارحة ف الغيط معرفاش حاچة هفهمك  .
العمة هند :: كدي يا خالة شمايل توشكري جوليلي بجا اي دية ؟
ديبة الجبل :: ديه مية من بطن الچبل كت معبية منيها جزايز ياما جبل ما اهمل الچبل اصل الغجر ف الچبل كأنو عيجولو عليها مهياش مية دي دموع بتخرچ كدي من بين الصخر اللي ف بطن الچبل .
العمة هند :: ودي ﻻزمتها ايي يا خالة شمايل ؟
ديبة الجبل :: دي بأذن الرحمن فيها الشفاء بتطيب الچروح طوالي كييف السحر وكانو بيشربوها للعيل رك ما يتولد جبل حتي جبل ما يدوج لبن امة ﻻزمن يشرب من مية بطن الچبل معرفاش لية بس دة سلو ف الچبل من زمان واني هشربها من زمان كل سنة بشرب جزازة واديني كييف ما انتي شايفة خمسة ف عينك اصبي منيكي .
العمة هند ضحكت:: عيني عليكي باردة يا خالة اﻻ جوليلي يا خالة لية هملتي الجبل وچيتي عيشتي وسطينا اعرف انك كتي كبيرة الهچامة والرچالة كات طوع امرك ؟!
ديبة الجبل بسرحان :: المجدر يا بتي مممنوش هروب منين ما تروحي هتلاجية جصادك ولما الحبيب يصبح عدو وجتها نارة بتحرج الكل يا بتي .
العمة هند سرحت ف كلام ديبة الجبل اﻻخير وعينيها دمعت لما افتكرت حاجة معينة ولسة هترد علي ديبة الجبل لقيتها وقعت علي اﻻرض واتشنجت وبقت تردد ::
دماء الذئاب واﻻسود
دماء الذئاب واﻻسود
دماء الذئاب واﻻسود