ရာသီစက်ဝန်းတစ်ပတ်လည်၍ အချိန်ကာလတို့သည် ဆောင်းဥတုသို့တဖန် ချဉ်းနင်းဝင်ရောက်လာပြီဖြစ်သည်။
အပြာရောင်စက်ဘီးကိုလက်ကိုင်လေးမှ တွန်းရင်းလျှောက်လာသော ဘတ်ဟျွန်းရဲ့ဘေးမှာ လွယ်အိတ်စလွယ်သိုင်းထားသော ဆိုဟွာက ကျောင်းဝတ်စုံပြည့်နှင့်တက်ကြွနေဟန်ရှိသည်။
" ဝါးးး နှင်းတွေ ကျနေပြီပဲ ..
ဒီနှစ်အတွက် First snow နဲ့တူတယ်နော် "ကောင်းကင်ပြာကိုမော့ကြည့်ရင်း ဝမ်းသာအားရပြောလာသောစကားကို ဘတ်ဟျွန်းမတုံ့ပြန်နိုင်။ ရင်ဘတ်ထဲမှာကြီးစိုးလာသော သတိရစိတ်ကိုဖြေဖျောက်ရင်း မျက်စိရှေ့ရောက်လာတဲ့ နှင်းမှုန်စလေးတွေကို ငေးမောနေလိုက်သည်။
~ First snow ကျတဲ့နေ့မှာ ချစ်ရသူနဲ့အတူတူရှိနေခဲ့ရင် ဒီတသက်မဝေးရတော့ဘူးလို့ ဒဏ္ဍာရီဆန်ဆန် ကြားဖူးတယ်။
အရင်နှစ်တွေက ဦးနဲ့ ကျနော် နှစ်တိုင်းနီးပါး အတူတူကြည့်ခဲ့ကြတဲ့ ဆောင်းနှင်းမြူခိုးတွေဟာ ဘာကြောင့်များ လိမ်ညာခဲ့ရပါသလဲ ~
" ဒီနေ့အရမ်းအေးမှာနော်
အနွေးထည်ယူလာရဲ့လား "" အိတ်ထဲမှာပါတယ် "
" မာဖလာနဲ့ခေါင်းစွပ်ရော "
" အိမ်မှာ မေ့ကျန်ခဲ့တယ် ထင်တာပဲ "
" ဝတ်လာတာမဟုတ်ဘူး...
အအေးမိရင် ဘယ်လိုလုပ်မလဲ "စိုးရိမ်ပူပန်စွာ မော့ကြည့်လာတဲ့မျက်လုံးလေးတွေနဲ့အကြည့်ချင်းဆုံတိုင်းမှာ သူအခင်ရဆုံး သူငယ်ချင်းဆိုဟွာက သူအချစ်ရဆုံး၊ တန်ဖိုးအထားရဆုံးသူတယောက်ကို ပိုပြီးသတိရစေတာမို့ အကြည့်လွှဲကာ ကျောင်းမြန်မြန်ရောက်အောင် ခြေလှမ်းတွေပိုသွက်စေလိုက်သည်။
" ဟေ့... ယွန်းဆိုဟွာ.. ဘေဘီ !! "
" ဟာ .. စောစောစီးစီး
ကျက်သရေယုတ်လိုက်တာ "ငှက်ဆိုးထိုးသံနဲ့ ဆင်တူသော ခေါ်သံကြားလိုက်တာမို့ ပွစိပွစိမြည်တွန်လိုက်သော ဆိုဟွာ့ကို ဘတ်ဟျွန်းရဲ့ဘေးမှာ နေရာယူစေပြီးခပ်မှန်မှန်လျှောက်လာရသည်။ တုန်ယင်နေတဲ့ ဆိုဟွာ့လက်တဖက်က သူ့လက်မောင်းကို ဆုပ်ကိုင်လျက်အနေအထားမှာ သူတို့အနားရစ်ဝဲလာသော စက်ဘီးသုံးစီးထံမှ တဝိုးဝိုးအသံတွေကြားလာရသည်။
YOU ARE READING
Hold Me (Z+U) 🌻
FanfictionSweet moment, stay with me, And do not fade so soon, Let me enjoy the bliss of that First kiss beneath the moon. I wish to cradle this feeling That's only just been found, A feeling that unexpectedly Turned my world around. Do not depart, please be...