Dear Future Boyfriend

Entry #51

Dear Future Boyfriend,

Tinawagan ko sya! Tinawagan ko si Mr Creeper! Ang tagal ko nag-ipon ng lakas ng loob para tawagan sya. Ilang oras kong tinitigan ang cellphone ko. Nakatutok ang mga mata ko sa number nya. Sa sobrang pagtutok ko nakabisado ko na nga eh! Matutuwa ang math teacher ko nito!

Ilang tampal sa pisngi ang inabot ko para lang matauhan! Ilang beses kong nasabunutan ang sarili ko para lang magising mula sa pagkakatulala. Nagtataka na nga sina Mama kung bakit hindi ako nalabas ng kwarto ko. Ang sabi ko nalang sa kanila kanina, napuyat ako dahil nag-usap pa kami ni Ashleen! Nagsinungaling ako! Alam mo ba yung feeling na nagsinungaling ako kay Mama?! Si Ashton ang kausap ko hindi si Ashleen! Si Ashton ang kasama ko na nagpuyat kagabi! Pero dahil nga sya si Mr Creeper eh biglang nabuhol ang dila ko! Hindi ko kayang sabihin kina Mama na si Ashton ang kasama ko kagabi. Kahit na alam kong wala lang yun sa kanila, pero kasi iba na ngayon.

Kanina sa wakas nagawa ko na rin syang tawagan. Dinial ko ang number nya at nag-hintay. Pero lahat ng efforts ko ay nauwi sa wala! Alam mo kung bakit?! Kasi ‘the subscriber can not be reached’.

 

Muntik na akong mapasigaw sa sobrang tense, alam mo ba yon?! Kaso hindi ko nagawa kasi baka mapagkamalan akong baliw ni Lola. Kaya dito ko nalang ibubuhos lahat! Ang tagal kong inipon ang lakas ng loob ko para harapin ang katotohanan! Alam mo yung feeling na wala kang mapagsabihan kasi... hindi mo masabi sa iba?!

 

Bakit sa dinami-dami ng oras ngayon pa naka-off ang cellphone nya? Saan ba sya pumunta? Sa lugar na walang signal? Hindi kaya na-lowbat ang cellphone nya habang nasa byahe? Pwedeng mangyari yon! So, si Ashton nga si Mr Creeper dahil wala syang charger?! Ganon ba yon?! Tulungan mo akong mag-isip dito! Mababaliw na yata ako!

Love,

Kayleen