The girl who cried murder

Chapter 14 : Pointing Fingers (cont.)

Author's Note : Dont know whats happening, sira yata si Watty. Hanggang page 3 lang ang previous chapter when sa draft ko mas mahaba. Itong nandito, ito yung kaputol ng previous chapter. hihi.

-------

Tammy

"I want to talk to you about something." Nagdadalawang isip man, pilit kong nilalakasan ang loob ko. Kailangan kong gawin to. Kung siya nga ang mamatay-tao, kailangan tong matapos. Kailangan niyang mahimasmasan.

"Wow serious." Tumawa siya. "Wag mong sabihing liligawan mo ako?" Biro pa niya kaya umiling-iling ako.

"Ikaw ba ang pumatay kay Tessa?" Hindi na ako nagpaligoy-ligoy pa.

"Tessa?" Agad nawala ang ngiti sa mukha niya.

"Ponzi, I asked Tessa who did that to her and she said it was you. Tell me, bumalik ka ba sa ospital kagabi para tapusin siya?" Bulalas ko.

"Uy teka! Ano?" Kunot noo niyang tanong.

"Ponzi please dont lie. Yung nangyari sa nakaraan, pwede mo na iyong kalimutan. Pwedeng hindi mo na iyon lingunin. Ponzi you dont have to do this." Giit ko.

Napasinghal siya't binaliktad nag suot niyang cap, "Wala akong alam tungkol kay Tessa pero kung ang nakaraan ang pag-uusapan, imposible yang sinasabi mo. Ang isang masakit na nakaraan, imposible yang kalimutan. Dadalhin at dadalhin mo yan hanggang sa mamatay ka. Nasa sa iyo lang yan kung magpapaapekto ka. Lilingunin at lilingunin mo yan Tammy." Seryoso niyang sambit kaya napaatras ako.

Ilang sandali kaming nanatiling magkatitigan. Wala sa aming nagsasalita.

Parang nanlambot ang mga paa ko dahil sa sinabi niya.

Oo apektado ako sa sinabi niya.

"Ponzi pinagbintangan rin ba ng papa ni Tessa ang kahit sino sa pamilya mo? Kung yan ang dahilan--"

"Tammy naman eh." Tumawa siya't tinapik ang balikat ko, "Heat stroke lang yan."

"Ponzi ikaw ang Crimson Ripper.... Hindi ba?" Tanong ko.

Napakamot siya sa ulo niyat nagsimulang maglakad palayo, "Betlog mo pink." Tumatawa niyang sambit.

Hindi ko na alam kung ano ang gagawin. Hindi nga ba talaga si Ponzi ang Crimson Ripper? Kung hindi, bakit siya ang sinabi ni Tessa? Nalilito na ako. Nakakapagod na.

"Tammy okay ka lang?"

Ngayon ko lang napansin na nakatayo parin pala ako sa napakainit na soccer field. Nakakasilaw kaya naningkit ang mga mata ko. Nilingon ko kung sino ang nagsalita... Si Ford.

"Narinig mo ba ang pinag-usapan namin?" Tanong ko.

Tumango-tango siya at ngumiti ng tipid, "Tammy hindi ko maintindihan kung bakit mo pinagbibintangan si Ponzi pero isa lang ang nasisiguro ko, mabait ang kaibigan kong yan. Oo nga at medyo may sapak pero matino yan. Bata pa lang andami na niyang pinagdaanang lungkot at sakit, mas pinili niya lang itago ito sa pamamagitan ng mga kalokohan niya. Kung ang pagkamatay ni Tessa ang inaalala mo, sinisigurado ko sayo, hindi siya ang pumatay kay Tessa kasi hindi niya kayang magpunta ng ospital. Ayaw niya sa mga ospital."

Nakakapanibago, noong nakaraang araw si Ponzi ang nakausap ko ng matino tapos ngayon si Ford naman. 

Nakakapanlumo din. Pakiramdam ko ang sama-sama ko kay Ponzi. Gusto ko lang naman malaman ang totoo, hindi ko naman intensyong makasakit ng damdamin ng iba. 

"Nga pala tama ba yung pagkakaintindi ko sinabi mo?" Para siyang nagdadalawang-isip.

"P-pinatay ba si Tessa dahil sa ginawang pambibintang ng ama niya noon?" Nauutal na sambit ni Ford na para bang natatakot.

END OF CHAPTER 14.

THANKS FOR READING!

VOTE AND COMMENT <3