Not So Boy Next Door (COMPLETE)

Chapter 28: Midnight Phone Call

Chapter 28: Midnight Phone Call

 

Wala si D sa bahay nang makauwi ako. Sabi ni lola baka umuwi raw sakanila. Tatanungin ko pa naman sana siya tungkol sa relasyon namin. Kung kami pa ba o hindi na.

Tapos na akong kumain at magshower pero ni isang tawag mula sa ulupong na iyon wala akong natanggap. Siguro hindi talaga kami.

Limang minuto na siguro akong nakahiga lang sa kama ko kaya lang sadyang hindi pa rin ako makatulog. Iniisip ko ang mga sinabi ni Pauline kanina. Gusto pa niya si D. Dapat ba akong mainis? Pero boyfriend ko pa ba siya? Pero pumayag ako noon kahit alam kong gusto siya nina Leo at Pauline. Well, anyway hindi naman ako naiinis.

                                                                                                                                                  

Tatawagan ko na sana si D para sana magtanong kaya lang biglang may tumatawag naman saakin. Si Erick.

“Hey.” Bungad ko.

“Hi. Nagulo ba kita?”

“Hindi naman. Kumusta?”

“Ayos lang. Nananakit ang katawan.” Umupo ako at saka binuksan ko ang lampshade sa side table ko.

“Anong nangyari? Okay ka lang ba? Bakit nananakit ang katawan mo? Gee Erick! Mag-ingat ka naman. Alagaan mo naman ang sarili mo.”

“Napaaway lang.”

“Erick!”

Narinig ko ang bahagyang pagtawa niya sa kabilang linya. This isn’t even funny. What’s wrong with him?

“Erick, mag-ingat ka naman. Huwag kang makipag-away.” Huminga ako nang malalim dahil nai-stress ako sakanya.

“Napapangiti mo pa rin ako tuwing nag-aaalala ka saakin.”

“Natural! I care for you! Magulat ka kapag wala na akong pakialam sa’yo! Erick naman. Ilang beses ko bang sinabi sayo na huwag kang sumasali sa mga gulo? Lalo na’t madalas lasing ang na-eencounter mo. Huwag mo nalang kasi silang patulan.”

“Sabi nila huwag daw ako magkakagusto sa taong walang pakialam. Kaya ako nagkagusto sayo, eh.”

“Erick.” Muli kong pinatay ang ilaw ko at saka nahiga.

“Just kidding. Kumusta na kayo nung exotic mong boyfriend? Paano ka ba niya napasagot? Nadaan ka ba sa pananamit niya?”

“We’re fine. At least, that’s what I think.”

“May ginawa ba siyang hindi mo nagustuhan? May problema ba?”