TEENAGE HERO |ON GOING|

TH ~ 26

Boom!

Biglang napabalikwas si Blue dahil sa gulat matapos niyang marinig ang isang malakas na pagsabog sa di kalayuan. Mula sa kinaroroon niya ay tanaw ang itim na usok na mabilis na kumakalat dala narin siguro ng napakalakas na ihip ng hangin sa paligid.

"Si Nathan! " Wika ni Blue matapos maalala na ang lugar na pinagmumulan ng maitim na usok ay ang lugar din kung nasaan ang kubo na kanina na lang ay pinagaaralan nilang dalawa ni Nathan. Nagmadli siyang maipasok ang napulot na korona sa dalang backpack. Agad siyang tumakbo sa lugar kung saan nagmumula ang itim na usok dahil alam niya na maaring mapahamak ang kaibigan kung hindi pa siya magmamadali. Walang lingon-lingon ay mabilis siyang tumakbo sa masukal,  madamo at sala-salabat na sanga ng punong kahoy.

Buong lakas niyang hinawi ang mga tuyong sangana nakaharang sa kaniyang dinaraanan, wala na siyang pakialam kahit matalisod o matalipad pa siya dahil sa mga tuyong dahon at mga basang damo na kaniyang nadaraanan basta mahalaga ay makarating siya sa kinaroroonan ni Nathan.

Nang makarating siya sa lugar ay ang tangi nalang niyang nakita ay ang mga sirang kuboat mga nagkalat na piraso ng kahoy mula rin dito.

Iginala niya ang kaniyang paningin upang hanapin si Nathn pero ni-anino nito ay walang mababkas sa buong paligid.

Boom!

Isa uling malakas na tunog ang bumasag sa katahimikan ng buong paligid at gayun din sa pagiisip niya kung nasaan ang kaibigan.

Boom!  Boom! Boom!

Sunod-sunod na tama ng bato sa lupa na kaniya namang naiwasan, kahit malayo ang kaniyang iniisip at wala sa laban ang kaniyang konsentrasyon ay nakakkilos at nakakaiwas parin siya ng mabilis dahil sa natutunan niya sa loob ng madilim at malamig na kweba kasama si Capt.  Gray. Dahil na rin sa pagsasanay na ito ay masnapagaling at masnapaghusay pa niya ang kaniyang kakayahan sa pakikiramdam.

Iniikot niya ang kaniyang paningin sa buong lugar at sa di kalayuan ay namataan niya ang isang Modified Wattz na may hawak na malaking bato.  Pero ang mga batong hawak niyo ay hindi lang basta-bastang bato na makikita mo kahit saan,  mga malalaking nagbabagang bato ang nakapatong sa magkabilang palad ng kalaban niyang Modified Wattz.

"Kaya pala nagkasunog eh!  masyado ka palang mainit. " Wika pa ni Blue nakatingin sa Modified Wattz.

Muli namang initsa ng kalaban ang mga batong hawak nito pero digaya kanina mas malakas at mas mabilis ang paraan niya ng paghagis sa mga nagbabagang bato.

Mabilis ang kilos na ginawa ni Blue sa mga oras na ito.  Kung baga sa badminton , nililito niya ang kalaban kung saan niya talaga papupuntahin ang ititirang bola. Takbo rito,  takbo ron. Pabalik-balik lang ang ginagawang pagkilos ni Blue habang umiiwas sa mga naglalakihang bato na ipinupukol sa kaniya ng kalaban niyang Modified Wattz. Bawat tama ng mga naglalakihang bato sa lupa ay akala mo'y lumilondol ng pagkalakas-lakas dahil sa impact ng pagtama nito sa lupa, idagdag mo pa dito ang kasamang apoy ng mga naglalakihang bato.  Halos mala impyerno na nga kung titingnan mo ngayon ang mala paraisong parkeng ito bago salakayin at sirain ng mga Modified Wattz.

Boom!  Boom!

Patuloy parin si Blue sa pagiwas sa mga atake ng kalaban, kinabisado niya ang lahat ng galaw ng halimaw ng kamuka ni Shrek ang kaibahan lang ay ang kulay ng balat nito, dahil masyadong maitim kumpara sa balat ni Shrek na kulay berde. Binibilang niya ang bawatsigundong pagitan ng bawat atake ng kalaban at kumukuha ng tamang tiyampo at pagkakataon kung kailan magandang umatake. Kahit simpleng paghakbang paatras at paabante,  mga galaw ng kamay at paa at kahit pagpaling ng ulo ng halimaw ay maigi niyang tintingnan para pagaralan.