Gorgeous

Challenge # 12

But

­­Cindy's

"Grabe! Sobrang gago niya! Hindi pa nga kami mag-jowa pero dinala na niya ako sa SOGO! Nakakagago!"

Tawa nang tawa si Jazel habang kinukwentuhan ko siya. Bumalik ako sa school noon kasi sobrang init ng ulo ko. Ayokong mag-taxi pauwi kas inga baka mabugbog ko iyong driver na masasakyan ko, isa pa ayokong umuwi ako nang ganito ang estado ng init ng ulo ko. Gusto kong kalmado na ako kapag umuwi ako. Hindi ngayon pero putang ina ni Bruno. Hindi ko in-e-expect na gagawin niya iyon sa akin! Maayos naman ang usapan naming dalawa ah! Hindi naman siya ganoon – well, akala ko hindi siya ganoon pero ganoon naman siya pala!

"So, kung kayong dalawa na, sasama ka sa kanya sa SOGO?" Tanong ni Jazel. Kumakain kaming dalawa ng egg waffle – kung tawagin ni Jazel pero simpleng kwekwek lang naman iyon. Mayaman si Jazel, anak siya ng may-ari ng isa sa mga malls dito sa Pilipinas. Kalahi niya iyong mga Ayala de Zobel. Ang sabi niya sa akin, ka-rubbing elbows raw niya si Yohann Consunji.

"Ewan. Baka. Magpapaalam muna ako kay Daddy kung papayag siya."

Biglang tumawa nang sobrang lakas iyong kaibigan ko. Lumabas pa nga iyong sauce sa ilong niya.

"Cindy! You can't tell your father that! Magse-sex kayo sa SOGO tapos magpapaalam ka sa Daddy mo?"

Napalabi ako. Sabagay. Hindi matutuwa si Daddy na malaman ang sex life ko pero that violates our honesty code – I tell him everything because he's my bestfriend but also, I realized now that he's my dad and he'll be grossed out when he hears about my sex life. Hindi niya iyon matatanggap.

"Eh paano kapag gabi na tapos hinanap niya na ako, anong sasabihin ko?"

"Tell him a lie."

"I can't lie! Anyway, bakit ba ako ang pinag-uusapan dito? Hindi pa rin nagbabago iyong katotohanan na binastos ako ni Bruno nang ganoon na lang. Buti na lang nakababa ako at hindi ako mana sa mga ate ko na marurupok. Matigas yata ako!

"Maybe because..." Natigilan si Jazel. "Maybe he wanted you so much, o kaya man, maybe he's testing you. Tinitingnan niya siguro kung kakagat ka tapos kapag kumagat ka, he'll take advantage of you, o kung hindi, he'd see you as a woman worth wooing."

Napaisip ako. Hindi nga kaya ganoon iyon? Pero bakit naman niya ako ite-test?

"Is that it?" Tanong ko kay Jazel.

"Maybe or... maybe Brunos has an evil twin who wants to take advantage of you!" Sinimangutan ko si Jazel. Kung ano – ano kasing pinapanood at binabasa nitong babaeng ito kaya kung ano – ano rin ang pumapasok sa isipan niya. Wala naman kakambal si Bruno, ang sabi sa background check ko sa kanya seven brothers lang sila tapos may kapatid siyang sikat internationally.

"Oh, look! Si Yohann Consunji!" Tinuro niya sa akin na palabas si Yohann Consunji ng main building ng college of Business and Accountancy. Napalabi ako.

"Diba graduate na siya. Ano kayang ginagawa niya rito?"

"Baka naman kinausap lang iyong favorite prof niya. Hay, sobrang gwapo niya, so sad may girlfriend na siya. Ano kayang nafi-feel noong jowa niya? Ang hirap kayang magka-boyfriend ng sobrang gwapo."

"Hindi naman gwapo si Yohann Consunji. Mukha siyang flat na otap." Napakibit – balikat ako. Tumawa na naman si Jazel. Binatukan niya pa ako.

"May abs siya."

"O e di flat na otap with abs." Sabi ko pa. Um-order pa ako ng egg waffle. Nagkwentuhan na lang kami ni Jazel sa may gilid noong main building. Naroon kasi iyong tuhog – tuhog na meryenda. Pinalalamig ko lang ang ulo ko. Mayamaya siguro, uuwi na rin ako. Bandang mga alas tres ng hapon, nag-text si Mommy, hinahanap na niya ako. Alam niya kasi na nag-cancel ng klase iyong prof ko. Nag-text nga kasi ako kanina.