Patrick’s POV
Takbo ako ng takbo bawat floor ng school chineck ko na nagbabakasakaling nandun sila, buti nalang wala ng masyadong tao sa school. Bumalik ako ng room baka sakaling nandun na si Maddy kaso bag lang niya ang nakita ko.
May nakapagsabi kasi sakin na nakita daw nila si Maddy na kasama nila Chelsea, hindi ko na tinapos yung sinabi nung classmate ko kasi pagkarinig ko palang ng pangalan ni Chelsea tumakbo na ko palabas ng room.
Kilala ko si Chelsea, pag may gusto siya nakukuha niya, lahat ng babae sa room kinatatakutan siya kasi pag may niisang kumalaban kay Chelsea ipapahiya niya ito sa buong campus.
Pero anong ginawa ni Maddy para kainisan niya ng ganun? Simula palang lagi na niyang binubully si Maddy, natatakot ako na lapitan sila kasi halos lahat ng classmate naming lalaki sunudsunuran sakanya.
Pero simula nung nalaman ko sa sarili ko ang tunay na nararamdaman ko para kay Maddy hindi na ko nagdalawang isip na lapitan siya, tanging ang pakikipag-kaibigan sakanya ang naiisip kong paraan para magkaroon siya ng lakas ng loob na lumaban sa mga taong nangaapi sakanya.
Tumingin ako sa labas ng bintana ng classroom namin, nakita ko si Maddy na buhat buhat ng isang lalaki, hindi ko masyadong nakilala yung lalaki nakita kong galling sila sa storage room ng gym.
Agad agad akong bumaba buti nalang nasa may 2nd floor lang ang room namin. Pagkababa ko nakita kong pumunta sila sa clinic kaya sinundan ko sila. Nagulat ako ng makita ko si Jake, isa siya sa mga alipores ni Chelsea.
“Anong nangyari?”
tanong ko sakanya, nakita ko kasing pareho silang basang basa at nakita ko si Maddy na walang malay
“Kinulong siya nila Chelsea sa storage room, aalalayan ko sana siyang tumayo para dalhin dito sa clinic kaso pagkatayo niya bigla siyang nawalan ng malay”
Nakita kong nakatitig lang siya sa muka ni Maddy, makikita sa muka niya ang pagkaawa
“teka, diba kakampi ka nila Chelsea? Bakit mo niligtas si Maddy?”
naglakas na ko ng loob na tanungin siya, sigurado naman ako na pag nalaman to ni Chelsea ipapahiya niya si Jake, kaya bakit niya ginagawa to?
“Gusto ko siyang protektahan, may kung anong bagay ang naguudyok sakin na kailangan ko siyang protektahan. Ganun ka rin naman diba? Kaya ka lumalapit sakanya kasi gusto mo siyang protektahan kay Chelsea. Pero hindi mo ba alam na dahil sa ginagawa mo ay mas lalo siyang napapahamak?”
“a-ano ibig mong sabihin?”
“Manhid ka ba talaga pre! Kung ako sayo lalayuan ko na si Maddy, hayaan mo na lang siya sakin. Mas magiging ligtas siya kung ako ang magiging kasama niya”
Hinarap ko siya sakin at hinawakan ko ang kwelyo ng uniform niya
“HINDI PWEDE! Oo gusto ko siyang protektahan pero hindi lang hanggang dun yun. Gusto ko si Maddy, gusto ko siya!”
“Sigurado ka bang gusto mo siya? O baka naaawa ka lang sakanya?”
“sigurado ako sa nararamdaman ko Jake! Gusto ko si Maddy!”
“Pwes kung gusto mo siya, eh di ipagsigawan mo sa buong campus na to na gusto mo siya”
Binitiwan ko ang pagkakahawak ko sa kwelyo niya at iniwas ko ang tingin ko sakanya
BINABASA MO ANG
Her Secret Boyfriend
Teen FictionIsa lang akong ordinaryong babae pero bakit ako pa ang napiling paglaruan ng tadhana? hindi ba pwedeng isang simpleng relasyon na lang ang samin? yung pwedeng ipagsabi sa buong mundo na KAMI.
