Zugzwang: The Final Pact

Chapter 30 : I really am in Zugzwang

Yohan / Hannah's POV

Para akong isang bangkay na naglalakad habang pinapanood ang pagkaladkad ni Clark sa walang malay at duguang si Damon. Nanginginig ang mga kamay ko habang ang mga mata ko naman, kahit na anong pilit kong gawin, hindi ko parin napipigilan ang luha ko.

Kailangan ba talagang umabot sa ganito?

Gusto ko lang naman magantihan si Jarrel at ang mga taong gaya niya pero bakit ganun? Pati mga inosenteng tao nadadamay....

Nakatunganga lang ako habang ipinapasok ni Clark si Damon sa pinakababang kwarto ng yate. Ipinwesto niya sa sahig si Damon at sapilitang ipinanahawak dito ang baril, kutsilyo at iba pang mga bagay upang malagyan ng mga finger prints niya nang sa gunun si Damon ang ituturo ng lahat ng ebidensya bilang may gawa ng krimen.

"Yohan are you okay?" Tanong ni Clark sa akin na mistulang nag-alala.

Nakatayo lang ako malapit sa pintuang nakasara. Napailing-iling ako. "Im not and I doubt if i'll ever be" mahinang bulong ko at tuluyan ng napahagulgol.

Dali-daling lumapit si Clark sa akin at hinawakan ang magkabilang pisngi ko. Gaya ng dati nag-aalala parin siya sa akin. "Hannah you have nothing to worry about okay? Wala na yung mga taong sumira ng buhay natin at pakatapos ng gabing to Sina Reese at Damon ang makukulong. Pwede na nating itigil ang pagpapanggap, Lalayo tayo sa lugar nato at magsisimula tayo ulit" Pagpapakalma niya sa akin pero kahit na anong salita ang gawin niya, hinding-hindi ako mapapanatag. The guilt is killing me. Biglang idinikit ni Clark ang noo niya sa noo ko. Laking gulat ko nang bigla niya akong hinalikan sa labi. Dali-dali akong napaatras sabay tulak sa kanya palayo. Gulat ako sa ginawa niya ngunit nakita ko rin ang gulat sa mukha niya nang itinulak ko siya.

"C-clark?" mahinang bulong ko habang nakakunot ang noo ko.

"Hannah I love you." Laking gulat ko nang bigla niya itong sinabi sa akin. Tiningnan niya ako sa mga mata na para bang nagsusumamo. "I always have loved you. After this, You and I will be happy together okay? Kakalimutan natin ang lahat ng alaala ng nakaraan tutal wala na yung mga nang-api sa atin" Akmang lalapitan niya ulit ako upang hagkan ngunit napaatras na ako ng bahagya.

"B-but Kate...you loved Kate, youre even doing this for her" Mautal-utal kong saad.

Hindi ako makapaniwala na sinabi ni Clark. Oo ramdam ko yung care at pagmamahal niya pero akala ko bilang kapatid o kaibigan lang yun...

"I was until I fell for you, Youre the reason why I kept going Hannah. Nang mamatay si Kate ay parang namatay narin ako pero nagbago ang lahat nang yun dahil sayo. I promised myself na kahit na anong mangyari pagbabayarin ko parin ang mga gumawa nun kay Kate, pagbabayarin ko rin yung umapi sayo..."

Nasapo ko nalang ang ulo ko. Hindi ko na alam ang gagawin. Mahal ko si Clark ngunit bilang kapatid. May mahal ako ngayon ngunit ito ay si Damon.....